_ انا ليلي بلايه واهس ماانام شلون لو صرت انتَ واهس ليليِ !! _
_الكاتبه فيروز _
_______________________________________
تالين : وصلنا للبيت وفهد راح كال عنده شغل دخلنه البيت جان هوسه واشتر كاعد يمشط بـ شعر ريم وامي تصلي
تالين: عزاا شهل هوسه هاي
الام: الله اكبر
تالين: ها ماما ؟؟
الام: اللهم صلِّ على محمد وآل محمد
الين: الطباخ؟؟
تالين: لا ولج
الاشتر : اكلي بابا ريم اكلي بعد ابوج
تالين: هاي شنو كاعد تاكل
الاشتر: ثريد حليت
تالين: عوافي عماتي
الام : وين صرتن صدك چذب نضفن يلا بعد 3 ايام وين نلحگ
تالين: اي ماما والله بس خل ارتاح شويه وننضف
اخذت الغراض وصعدنه فوك
الين: تالين مراح تحفين ؟
تالين: هوَ وجهي مابيه شي وحواجبي ارتبهن بـ البيت
مريم: شعرجج!!
تالين: ع العرس اسوي
ضميت الغراض ورتبت غرفتي ونزلت رتبنه البيت انا والين ومريم ويانه وكل شوي صايحه بيها وهيه ولا چنها مغلسه راح تموتني خلصت امي جانت مسويه الغدى سوده عليه بس حميناه وصبينه كعدنه تغدينه وخلصنه هم غسلنه المواعين حسيت ضهري نقسم بالنص خابرت فهد كتله يجيب زهراء هل بنيه عازلة روحها منشوفها بس بـ المناسبات كال بس اخلص شغلي اجيبها خلصت صعدت سبحت ونزلت لكيت امي فاتحه موضوع حور ويه اشتر
الام: ها يمه شگلت ؟!
هيه تحچي وهوَ يشرب چاي وصافن بـ التلفون رحت كعدت يمه
تالين: نريد نفرح بيك ابويـة انتَ
اخذة رشفة من چاي
تالين: اشتر فدوه متحچي
هوَ ساكت
الام: يمه شنو كلي موافق نمشي ع البنية !؟
حط الكوب ع الطاولة وسحب جگارة ورثها وصفن شوي وكال
الاشتر: خوش
الام: شنو خوش ؟
الاشتر: هاهيهه ازوجها علمود ريم بس لا اكثر ..
كال كلامه طلع
تالين: والله يا ماما هل ولد يحير
الام: هاهيه المهم رضه
تالين: الحمدلله لعد ريم وين !؟
الام: راحت رجعها لـ خالتها كال بـ الخطوبه يجيبها
تالين: تمام
صعدت لكيت مريم مطلعه ملابسها كلهن من الكنتور وشي ع جرباية شي بالكاع
أنت تقرأ
الضلام الدامس
Mystery / Thrillerكعدت اني بمكان صاير شلون غرفة بس مرتب واني كاعدة على التخم ضليت صافة شنو هاي اني وين فزيت على فتحت الباب ودخل شخص كتفت ايدي وكمت وكفت مريم :٫ انتَ عود صدك تحجي انتَ مجرم فاشل :: شنو ! مريم : ٫اي خل اكلك ليش اولاً وين اكو مجرم يجيبني بمكان نضيف وح...
