اليوم الثاني
صحت وهي تناظر غسان نايم بتعب قامت ودخلت دوره المياه وطلعت
وهي تتجه ل موج و غسق وناظرتهم نايمين
ونزلت تحت
ناظرت البنات الي صحو بدري
ناظرتهم ونطقت:وين زوجتس انتي وهي
ناظروها البنات ونطقت شدن:نايمين
الريم:ماصحو غريبه ولفت على الرّيف:فزاع ماصحى
ناظرتها الرّيف:اي
الريم:من تجي معي
ناظروها البنات:وين
الريم:وانا نايمه سمعت صوت خيل صوته يخوف
ناظرتها الرّيف ونطقت:السوداء
الريم ناظرتها ونطقت بسخريه:شدراتس
الرّيف:اعرفها الفرس حقتي
الريم بصدمه:تسذوب حقت ابوي و فزاع لن الوحيدين الي تخليهم يركبون عليها
لفت الريف على البنات:تعالو
وطلعو واتجهو ل السطبل
السـطبل
صفرو البنات ل لخيولهم
لفت الريم على ريف:شفتي م جتس
الريف بضحكه:تبين تشوفين
الريم بتحدي:اي
نطقت الرّيف بصوت ماينسمع:السوداء
صهلت السوداء بقوه وخافت الريم من الصهله
لفت الريم على ريف:ماجت لتس
ريف بضحكه:قاعده تظبط نفسها
الريم:مستحيل وماكملت كلامها وهي تشوف السوداء بشعرها الي يسحر وتتمايل واتجهت ل الريف وصهلت تنحني لها
لفت عليها الريم بصدمه:متى روضتيها
الريف بأستغراب:لازم اروضها
الريم:اي
الريف:هي جتني تصهل وانحنت لي وتلعب معي
الريم:مبروك عليتس
الريف:ليه
الريم:السوداء اذا حبت وحده وخلتها راعيتها ماترضى احد يركب عليها
الريف ركضت ل المجلس ناظرتها الريم:وين رايحه
الريف وهي تلف لها:بنادي فزاع
الريم:العيال هناك
رّيف:هو الوحيد الي صاحي
الريم ناظرت البنات:ذي وش جاها
شدن:بعد ما ولدت وهي كذا
ناظروها وهي جايه و معها فزاع
وتقدم فزاع ل الريم:وش فيها ذي
الريم:تبيك تركب السوداء
فزاع:ليه
الريم:تبي تشوف السوداء ترضى تركب ولا
اتجه فزاع ل السوداء
تقدم وهو يركب بس انصعق اول ما حذفته بعيد عنها وطاح على راسه واغمى عليه
فزت الريم تركض له
لفت الريم على السوداء وهي تتجه لها وهي ترمي عليها خمارها وتروضها
واتجهت ل الريف ونطقت:دخليها
ودخلتها الريف ولفت الريم تتجه ل فزاع ونزلت لراسه وهي تفتح ازرار ثوبه
ولفت ل اريام:جيبي مويه
راحت اريام تصب مويه من البراد الموجود ب السطبل ورجعت لها
اخذت الريم المويه وكبته على فزاع الي فز قام وهو يقفل زرار ثوبه وحط يده على راسه بألم وناظرت الريم يده بعد م نزلها وشهقت
ونطقت بخوف:لف
استغرب ولف وهو يناظر يده وشهق
ركضت الريم ل المجلس
المجلس
كانو قاعدين يسولفون بعد م صحو
فزو يوم شافو الريم داخله عليهم تركض
ابو عايض فز:وش فيتس يا بنت
الريم لفت على العيال:من فيكم دكتور
لف لها سَهم و رياد:نحن
الريم:افف صرتو دكاتره
رياد:طيب وش تبين
تذكرت الريم وفزت:ريف تحدت فزاع يركب السوداء و السوداء حذفته وطاح مغمى عليه وصحيته وراسه ينزف
رياد:قلتي قصه حياه مو طيحه وطلع هو وسَهم ل فزاع
