كيف اتٌوبك يا اجمل ذنوبي

كيف اتوبك يا اجمل ذنوبي الجزء 1

ابو سالم : اسمعوني يعيالي أوضاعي اخر فتره صارت صعبه شوي و مقدر اكمل شغلي هنا بنقل شغلي للديرة و مقدر اخلي امي اكثر من كذه و اتعبني السفر خلونا نستقر بالديرة لين تتحسن اوضاعنا و بعدها نرجع
تقدم سالم و حب راسه ابوه : ابد الي تشوفه يبه
فيصل : اكيد و كلها فتره و نتأقلم
إبتسم ابو سالم و ناظر اطياف و ارياف : متقبلين الوضع
ابتسمت له اطياف : ابد الي تشوفه يبه
ارياف : اكيد ما نمانع منها نشوف الديرة و نغير شوي
ابتسم ابو سالم : طيب جهزوا اغراضكم بعد بكرا على العصرية بنتحرك
تعريف سريع :
سالم : 27 سنه دكتور جراحة يحب اخواته بالحيل و حنون بس مع الي ما يعرفهم ثقيل و بارد
فيصل : 24 سنه يمون بسرعة و يحب يمقلب خواته و يجيب العيد كثير دكتور
اطياف : (البطله) 20 سنه متعلقة في اخوانها كثير و مفضلة ابوها شخصيتها تجنن و قوية
ارياف : 19 سنه خبله و استيعابها مره بطئ تحارش فيصل و تتهاوش معه طول الوقت
ابو سالم : من توفى أبوه و كل اربع ايام يتردد على امه و قرر اخيرا يستقر عندها حنون جدا على عياله و يحب بنته اطياف بالحيل
ام سالم : تحب عيالها كثير و حنونه و متفهمه ما تحب الجدة
في بيت ال سليمان
العم عقاب ابو ناصر : ناصر ناصر
ناصر : سم يبه بغيت شي؟
عقاب : اي و انا ابوتس رح السوق افتح المحل
عقد ناصر حاجبه : ابشر يبه بس وينه هذال
عقاب : اخوتس تعبان اليوم ما يقدر يروح
ناصر بقلق : ليه شفيه
عقاب بحدة : الوقت بيتاخر و انت هنا قدامي رح
ناصر بقلة حيلة : ابشر يبه توصي على شين ثاني؟
عقاب هز راسه بالنفي و راح و ذه كان طبع ابوهم قاسي شوي
و الحين ناصر شايل هم على خيه و ما يقدر يرجع البيت و يتطمن عليه
راح السوق و فتح محل الذهب شاف تركي من بعيد و صار يناديه
ناصر :تركي تركي
تركي عقد حاجبه : وش بلاه ذه يصارخ تسذا
تركي توجه له : امر
ناصر : تركي و انا اخوتس مقدر ارجع البيت هالحزه
تركي عقد حاجبه ينتظره يكمل كلامه
ناصر : تقدر ترجع البيت
تركي عقد حاجبه : ليش صايرن شي؟
ناصر : اخوتس هذال تعبان و انا مدري شبلاه و مقدر اقفل المحل و اروح
تركي بقلق : هالحين اروح له
ناصر : تكفى طمني عليه ما يرد على جواله
تركي : ابشر و انا اخوتس لا تشيل هم عيونك على جوالك
إبتسم له ناصر بإمتنان : مشكور
تركي : لا ما اقبل ترا حتنا اخوكم طردتوني من العائلة؟
ضحك ناصر : على خبالك رح رح و شف امي اذا تبي شي
تركي ضحك : ابشر ابشر توصي على شي
ناصر : سلامتك
عند هذال
كان مره تعبان و حرارته مرتفعه
وافي : تكفى هذال خلنا نروح المستشفى
ما كان يرد عليه هذال
تعريف سريع
ناصر : 29 سنه يشتغل بمحل ابوه صارم شوي و يحب خواته مره و يحب اخوه هذال اكثر من اي حد و يعني له الكون ويحس فيه بدون لا يتكلم
هذال : (البطل) 28 سنه يشتغل بواحد من محلات ابوه يحب اخوانه و خواته و ما يقصر معهم و يحب اخوه ناصر اكثر من اي حد ثقيل مع الي ما يعرفهم و يا كثر سوالفه و يعتمدون عليه دايما و ينشد فيه الظهر
نواف : 26 سنه يشوف اخوانه قدوة له يحبهم و يعزهم و ما يرفض لهم طلب خبل و يا كثر مقالبه
تركي :  26 توام نواف طايش شويتين و دايما الشياب يقارنونه باخوانه بس مع كذا ما تأثرت علاقتهم طالع على نواف
الهنوف : 25 سنه اخذت النصيب الأكبر من حب اخوانها هادئة و تجنن و أخلاقها عالية مفضلة ابوها ما يرفض لها طلب
ريوف : خبله و هبلة و تحارش نواف و تركي و وافي و تسوي لهم جو بالبيت تجنن مره
وافي اخر العنقود : 22 سنه طالع على ريوف مفهي بس ينشد فيه الظهر
عقاب (ابوهم) :تاجر كبير و معروف بالديرة صارم و قاسي شويتين بس حنون و ما يقدر يقسي على بناته
امهم حواء : اكبر قلب بذي العائلة و دايما قلبها على عيالها و تحس فيهم
نرجع لهذال
وافي : تكفى هذال خلاص نروح المستوصف بالكثير ما يصير تسذا
هذال : وافي تقلع انا بخير ما فيني شين
وافي : لا ولله؟ بدون هبال تكفى ياخيي خلنا نروح
هذال : وافي انقلع ما تشوفيني معافى ما يحتاج
وافي : تبيها تسذا بروح اعلم امي
تربع هذال السرير و قال بحدة : قلت لك ما يحتاج لو فتحت فمك بكلمه لأمي قصيت لسانتس
وافي : مايصير قم معي ما تشوف حالتس يعني؟!
قاطع نقاشهم تركي
و هو يلهث من الركض : رح وافي جب لي مي بشرب
وافي : بسم الله عليك شفيتس تراكض تسذا
تركي : رح الله يهديك
وافي تنهد بقلة حيلة : طيب ريح هنا
إبتسم له تركي طلع وافي و نطق تركي : تحس بشي شفيتس
تنهد هذال و نطق بصوت ثقيل : ما فيني شين
تركي : هئئئئ ما تمشي علي قم خلنا نروح المستشفى
هذال : ليه ما تقتنعون
تركي : تكفى خلنا نروح حتنا احس بتعب
فز هذال : اسألتس بالله ( تركي عنده سكري) 
تركي : اي مره تعبان و لي ساعه اراكض بشوف شفيتس و انت ما تعطيني وجه
هذال بتإنيب ضمير : تركي لا تسوي تسذا يلا الحين ابدل و نروح و لا تعلم ناصر ما ابيه يشيل هم و ينشغل
تركي : ترا بالحالتين بيعرف يمسك الفرع الي تشتغل فيه و اكيد بيسأل ليه ما جيت و بعد شوي يجي البيت و يعرف
تنهد هذال بقلة حيلة : طيب ببدل و اجي نطلع
راح هذال بس وقف و التفت لتركي : مع مين بنروح
تركي : نواف توه يجي من السوق
هز هذال راسه و راح يتروش و يبدل
طلع تركي من الغرفة و اتصل على ناصر : هلا ناصر
ناصر : هلا شفيه صوتك تسذا هذال فيه شين؟
ضحك تركي : لا بس كنت اراكض
ناصر بإنفعال : ترووك متى تنتبهوا لنفسكم
ضحك تركي اكثر على انفعاله : نويصر لا تشيل هم المهم اقنعته نروح المستشفى
ناصر  تنهد :طيب انتبه لنفستس وله مين بياخذكم؟
تركي : بياخذنا نوافوهه
ضحك ناصر : لا يسمعتس و يزعل عليك
تركي :يلا بتصل عليك بعد شوي
ناصر : تركي و انا اخوتس تكفى انتبهوا لنفسكم و ذكر نواف ما يسرع بالطريق
تركي إبتسم بحب : لا تشيل هم و انا اخوتس بنتبه لهم
إبتسم ناصر يتمنى تركي يشوفه : يلا اتصل لي بعد شوي طمني
هز راسه تركي بتمني ناصر يشوفه و قفل الخط و جاه وافي : اقتنع يروح معتس و انا لي ساعه احاول معه و لا راح
ضحك تركي : اي يحبني أكثر منتس
وافي بسخريه : هذا وجه ينحب بالله شف وجهتس
تركي بزعل : تقصد انا شين؟
وافي : مسوي زعلت اي شين و تشبه دجاجه جدتي
تركي صرخ عليه : وافي
و ركض وافي : خلاص اسف ولله اسف
تركي و هو راكض وراه : تعال هنا انا اشبه دجاجة جدتي ها
انقطع نفسه و هو يراكض جلس بتعب شديد
توجه له وافي بقلق : تروك فيتس شي؟
تركي ما رد عليه و هو يلهث
وافي : انتظر هنا بروح اجيب لك مي شين تشربوه
راح وافي ركض و التقى نواف بطريقه : جيت وجابتس الله رح شف تركي
نواف بقلق : ليه شفيه
وافي : كنا نراكض مب وقتس رح شوفه و اجي لك
نواف : طيب
راح له نواف و لحقه وافي
شهق نواف : شفيه وجهك محمر تسذا
تركي : تعبان شوي عطني مي
مد له له وافي المي
جلس نواف على ركبه و هو يطالع تركي : تعبان مره؟
وافي وهو ماسك ضحكته على شكل التوأم
تركي بعصبية : شفيتس انت؟
نواف : اي اضحك
وافي انفجر يضحك : تكفى وش ذا كانه طفلتك
تركي بعصبية : انا طفلة يا تسلب (كلب)
انفجر وافي يضحك : و عصبيتس تضحك بعد
نواف : حدتس الا توأمي
وافي : طيب ما تحسون سحبتوا على هذالوه
تركي : اي ولله بروح اشوفه
نواف : لا شغل السيارة و اقعد فيها انا بروح له و عطاه المفتاح و راح
وافي : لنا الله يا وافي وراح
نواف : هذال يلا نروح
هز هذال راسه : يلا