---នៅឯកង់ទីន---
ក្រោយពីទទួលពិន័យឲ្យឈរជើងម្ខាងរួចហើយមក រាងតូចក៏បានធ្វើដំណើរមកកាន់កង់ទីនដើម្បីនឹងស្រស់ស្រូបអាហារពេលព្រឹករបស់គេនៅទីនោះផងដែរ ទៅតាមទម្លាប់ប្រចាំថ្ងៃរបស់គេ។
រាងតូចចាប់យកម្ហូបនិងបាយដែលគេបានដាក់ឲ្យរើសដោយសេរីនោះ មកដាក់ក្នុងថាសរបស់ខ្លួនគុណនឹងពីរ ហើយនេះវាគ្មានអ្វីដែលគួរអោយប្លែកនោះឡើយព្រោះថារាងតូចគេតែងតែធ្វើបែបនេះជារៀងរាល់ថ្ងៃទៅហើយ។
រាងតូចដាក់ថាសបាយរបស់ខ្លួននៅលើតុអង្គុយដែលស្ថិតនៅជ្រុងម្ខាងនៃកង់ទីន រួចគេក៏អង្គុយញ៉ាំវាដោយស្ងៀមស្ងាត់តែម្នាក់ឯង មិនដូចជាអ្នកដទៃទៀតដែលនៅក្បែរខ្លួនគេនោះឡើយ ដែលពួកគេមានគ្នីគ្នាដើម្បីនិយាយលេងពីនេះពីនោះនោះ។
នៅក្នុងសាលាមួយនេះ រាងតូចគេគ្មានមិត្តភក្តិអ្វីនោះឡើយ ព្រោះថាលំដាប់សិស្សដែលមករៀននៅក្នុងសាលាមួយនេះគឺសុទ្ធតែជាកូនអ្នកដែលធូរធារទាំងអស់ មិនដូចជាខ្លួននោះឡើយ ដូច្នេះហើយទើបគ្មាននរណាម្នាក់ចង់មកបន្ទាបខ្លួនរាប់អានជាមួយនឹងមនុស្សក្រីក្រដូចជាខ្លួននោះ។
រាងតូចទំពារបាយដែលនៅក្នុងមាត់បណ្ដើរនិងសម្លឹងមើលទៅទិដ្ឋភាពជុំវិញខ្លួនបណ្ដើរ ក្ដីអាណិតអាសូរខ្លួនឯងក៏បានកើតឡើងមកម្ដងទៀត ក្រោយពីឃើញអ្នកគ្រប់គ្នាដែលនៅជុំវិញខ្លួន មានមិត្តភក្កិនិយាយគ្នាលេងទៅវិញទៅមក ខុសអីតែខ្លួនដែលអង្គុយស្រងូតស្រងាត់កណ្ដោយកណ្ដែងតែម្នាក់ឯងនៅក្នុងសភាពអ៊ូអរបែបនេះ។
YOU ARE READING
🕊️ វណ្ណៈស្នេហ៍ 🕊️ {SUNSUN}
RomanceTrailer: Sunghoon : " ហេតុអ្វីរស់នៅបែបនេះ " Sunoo : "ដើម្បីក្ដីសុខរបស់បង អូនត្រូវតែចាកចេញ......💔 " Sunghoon 💛 sunoo