ميار تكون ام ياسر وهي قريبه من ولدها وتعرفه وهي صغيره اصغر وحده من خواتها ومابين عليها انها ام عندها بس ياسر وهي منفصله وتعيش مع ياسر ف بيت ابوها ايمن
ميار : استئذنك بابا بروح اشوف ياسر
وطلعت ميار صعدت فوق لغرفه ولدها دقت الباب ياسر ما يرد ف قررت تفتحه شافت ياسر متمدد على السرير وشكله ما يطمن
ميار جلست جنبه : ياسر شفييككك
ياسر : مافيني شي بس ابا ارتاح شوي بروحي
ميار تمام أنا بطلع ويا عمتك ومع البنات بغيت شي دق علي لان البيت بيكون فاضي بنطلع ناخذ لنا ملابس لعزيمه باجر
ياسر : زين
وطلعت امه
قام ياسر ياخذ له شور وبعد مرور ساعه طلع
-
ف الغرفه انسدحت على الغنفه فتحت السناب تتكلم ويا ربيعاتها
ملاك : الهنوف تخيلي اليوم كنت ف الكوفي وشفت قروب شباب كانو غريبين متكشخين كانهم رايحين عرس
الهنوف :هههههههههههههه 🤣
وطلعت من المحادثه وتذكرت الولد الي ياب الشنطه وضحكت
مسكين كيف تغير وجهه يوم شافني كان المفروض اطلع له بشكل حلو اكيد خاف
-
يوم العزيمه
الساعه 5 بيت الجد ركبو اضائه صفرا وجهزو الطاولات وكان جمال المكان ماينوصف
البنات كلهم متجهزين حتى الاولاد
في المجلس عمار يرتب شماغ خالد دخل عليهم ياسر ملامح التعب هواجيس لاعبه ف رأسه شعره مو مرتب
عمار عصب من ياسر لانه يكره يشوف ياسر في هذي الحاله : انت هيهه وش فيك قومم أبوك جاي تجهز
ياسر : أنا جاهز أصلا
دخلت ميار : يلا وصلو الضيوف قومو سلمو ياشباب ووقفت عند المنظره وأثناء ماهي تعدل شعرها انتبهت لولدها كيف حالته وقالت ل عمار خذ ياسر وخله يسلم مدري وش فيهه
ياسر يمشي مع عمار وهو بدأ يكلم نفسه
ياسر وش فيك بنت بنت ؟؟؟ تلعب ف نفسيتك ترا ماصار شي والله البنت مب داريه عنك صح انك حبيتها بس مسرع ماصارت ، انتبه عمار ان ياسر رجع لحالته الطبيعيه وابتسم
عند عمر والهنوف
عزيمهههه مب رايحه وبعدين ماعندي فستان
عمر أنا عندي فستان لك قصير للركب اسود مع اكسسوارت
مب هاذا جوك ف الفساتين
الهنوف : بس بعد ما ابغا
عمر : ساعه واشوفك جاهزه
-
ف العزيمه البنات لابسين قصير ومسوين حفله كبيره وكاشخين حاطين ميكب جلسو على طاوله ف الحديقه طلعو الشباب من المجلس و جلسو ياكلون ويا البنات المقبلات
فجأه دق جرس البيت وطلع ايمن وهو يقول يامرحبا يامرحبا لفو البنات والشباب وانصدمو بس مو مثل صدمه ياسر
.....................
