طاجور المهيب

البارت 3

#طاجور _ المهيب

سولفَن عنّك أميرات الفخاتي گالن
النگار بالزعرور ما يشبه حلاتك
چا بعَد روحِي شحلاتك

"" "" "" "" "" "" "" "" "" "" "" "" "" "" "" "" ""
تصويت والتعليق بين الفقرات لطفاً 🌿❤️‍🩹

"" "" "" "" "" "" "" "" "" "" "" "" "" "" "
الخوف تجسد بينه راحت امي تفتح الباب شفت عمي دخل بس اشو هذا كلشي ما بي لا عصبي لاشي نوب يبتسم خفت منه
نهاد: هلا عمي شلونجن شخبارجن
ضلينه منصدمين ترنيم من الصدمه فتحت حلكها ميه متره
نهاد: شبيجن هاا اذا على ذاك اليوم ف انا صدك غلطان ما اعرف شلون اكفر عن ذنوبي وغلطي بس وعد. بعد راح اصيرلجن اب وعون الكم وانتِ خويه ام ريم بعد مصرف كل راس الشهر يوصلج

ميسون:هااا شنو منو

ريم: شفت امي مصدومه وكل احنه كتله هذا عمو مصار شي كلشي منريد منك بس تعوفنه بحالنه وما تدخل بينه حتى مصرف منريد انتَ هم عندك. عائله لازم تعيشهم واحنه فوكاهم انا جاي اطلع واشتغل والحمدالله المصرف جاي يكفي بينه

نهاد: لا عمي لازم اصحح اغلاطي مصرفكم يوصللكم كل راس الشهر

انصدمت من شفته كام يبجي عززه هذا عمي لو مبدلينه

نهاد: اخخخ يا عمي شلون جنت معيشكم بحجيم  بس ما راح اعيد الغلط مرتين وهسه هذا المصرف الكم بس اريد اخذ ريم وترنيم اشتريلهم اذا ماكو اعتراض منج ام ريم

ميسون: لا براحتك بس هسه دنيا اليل وراح ينامن تعال باجر ودللهن ما اعترض ساعتها

شفت امي تباوعله بنضرات مثل الي ما مرتاحتله او شاكه بي حتى احنه لان شلون هيج يتغير بيوم وليله
هو لح كلش على امي وافقت اخذنه السوبر ماركت اشترالنه واحنه ساكتين من الصدمه وحده اقوى من الثانيه

رجعنه البيت وهو راح البيته رحت الغرفتي او غرفتنه جانت عباره عن ميز خشب صغير وقديم علي الفراشات مالتنه وشباك يطل بنص الغرفه حيطان الغرفه جانت قديمه وفراشات قديمات وصوبه دافيه بوسط غرفه دافيه رحنه نمنه شفت امي طفت الصوبه الاحتايط والحذر وبعدها لمتنه بحضنها ونامت كان يوم نوعاً ما حلو الي

مهيب: كعدت من النوم شفت الساعه متاخر مو مثل كل وقتي رحت لبست على السريع وتوجهت الشغلي شفت ريم جايه قبلي بس هل مره جان اكو ورد هواي يمها والناس جاي تشتري ورد منها جان لونه احمر ومبين مال حدايق اعتقد جان اسمه جوري بس بوسطهن ورده بيضه جانت تختلف عنهن جانت صغيره وبنهايه الوردات اجت كل عاده تتمايل بمشيتها وشعرها بني الذهبي الي يطاير وي الهوى