سجني هو المفتاح

بداية الحكاية

تبدٱ روايتنة بالبطلة الي راح تحجي النة. عن حياته :

بطلتنة اسمه وشق
اني وشق اني النار الي تحرك الكل :

اعيش وية امي الي جانت قاسية حيل وابد ماتظهر العطف عبالك مو بنتهة واني الوحيدة تقريبا من اخواتي هيج معاملتهة وياي وحتة وصلت للضرب واخواتي

بسبب مشاكل امي وابوي بس الحمد الله شبه خلصت هاي المشاكل ورجعنة ل البصرة يم ابوية هنا توقعت حتتغير حياتي للافضل بعد ماجانت اشبه بالسجن يم اهل امي
بس طلع العكس هنا راح يتغير كل شي وتبدي الحكاية
اول ماوصلنة جانت الحياة عادية عشت 3 اشهر وية ابوي وامي وكلنة بس جان اكو تشدد كلش يعني لاتلبسين هيج ولبسي هيج
وتحكم كلش قوي
اني روحي بهل دنية هي دراستي وجنت الاولى على المدرسه دائما
وكلش جان يقهرني لمن جانوا يكولون اسكتي لو حتركين المدرسة واني كلش انقهر بس ما اكدر احجي واسكت

- جنت اروح للمدرسة كل يوم وما اغيب يوم واحد
جنت خط يوديني ويجييني بس مرات ميجيني فاظطر ترجع مشي وجانت معاكسات طول الطريق بس جنت اسكت وما اكول لاهلي لان ادري مراح يتفهمون ابد وراح يذبون المشكلة براسي ويبطلوني

فجنت اسكت وما احجي ابد
- فبيوم من الايام واني راجعة من المدرسة شفت عمي الصغير احمد

وهوة جاي يحجي ويتعارك وية واحد واني ما افتهمت بس من شافني خاف عبالة راح اكل لجدو علي
فلحكني وحاجاني

-احمد: شنو جاي اتسوين هنا؟

-وشق: شنو اتشوف راجعة من المدرسة.

- احمد: والي يرجع من المدرسة بهل وكت ويضل يتلفت على الناس هاا؟

-وشق: هااا

- احمد: وجعااا

-وشق: ضحكت

-احمد: مادري بيج عمي تعرفين ضحكين وضل يضحك

-وشق: ليش عمو شنو شايفني وحش ورفعت حاجبي

-احمد: يمة شبيج جنج وحش صرتي صدك انتي وعيونج هاي جنج ذئب

-وشق: ترة عيوني مو ذئب وشق يا متخلف مع ابتسامة خفيفة كالتهة

-احمد: يلة عمو خل اوصلج للبيت خل نمشي

-وشق: ءيي

-احمد: المهم يل وشق شنو شفتي اليوم

-وشق: شنو شفتك انتة و ول..

-احمد: لا ما شفتي شي وهوة يقاطعني بصوت عالي عمي انتي ما شفتي شي اليوم مو بعد. عمج

-وشق: مستغربة شبيك عمو اكو شي

-احمد: ما الج دخل انتي سوي الي كلتي وبس

-وشق: هوة انتة شكلت

-احمد: يمةةةة شهل غباء ما صدك انتي الاولى على المدرسة

-وشق: واني شنو استفاد

-احمد: شنو قصدج؟؟

-وشق: عمو يعني تعرفني اموت بالسوالف فسولفلي شيريد منك هل ولد واني اسكت

-احمد: يلةة عمو وصلتو ابيتكم

-وشق وهية طب للبيت عمو مو تنسة تسولفلي اليوم

-احمد: ولي يلة

-وشق: بكيفك بس اذا متحجي اكل لجدو

- احمد: الله كريم عمو

رجعت وكعدت بدلت وتغديت جان اليوم خميس كلت اعوف الواجبات على الجمعة والسبت اقراهن
وضليت انتضر عمو احمد يجي بس الصراحة جنت
متشوقة اعرف شكو
لان شكلة الولد ابد ما يطمنن
صارت الساعة ب 9 واندك الباب كمزت وركضت للباب
-منو
-اني
-فتحت الباب
-احمد: وهوة عمي ياهو الكالج اني تفتحي الباب

-وشق: ضحكت
يلة عمو سولف
-يلة عمو عل الباب اسولفلج بيج طبع بغداد شنو ما كو تفضل
-يلة تفضل تفضل

سلم على امي وابوي وعل اخواتي واخوي
وكلمن كعد يسوي شغلة

-اني يلة سولف سولف

-وسم ءيي

-احمد: شوفي عمي راح اسولفلج بس مو تكولين لاحد
شوفي هذا ولد
تعرفت علي من جنت بالجامعة بغداد
ولد جان زين يعني ماشفت منة شي
وضليت امشي ويا فبين فترة ولخ يجيب جنطة صغيرة ويا ويطيهة لبنية وكتلة هاي منو كال اختي
اختك تمام وسكتت لان صدكت
-وشق: وانتة المطي صدكت

-احمد: ولج منو المطي صدكت تحجين والله براجدي
انسيج كلشي

-يلة يلة كمل

-ءيي فبيوم كلي ودي الجنطة لاختي وديتهة الة وصار هل شي كل يوم تقريبا اودي الجنطة الهة

-وشق: يعني صاير مندوب ابن الحجي وضلت تضحك

-احمد: وسم بكلبج

وعلى طاري الحجي لا تحجين شي الة فدوة اروحلج عمي
-وشق: شكو عمو خوفتني صاير شي

-احمد:  وبيوم من الايام تعاركت ويا وكتلة بعد ماعرفك ولاتعرفني

-وشق: ءيي

-احمد: وكلي اذا مجيبلي مليونين افضحك كتلة على شنو تفضحني كالي تدري الي وديتلهة الجنطة كل يوم

كتلة ءي اختك
كال والله انتي اختي وضل يضحك
احمد: احترم نفسك وانطا بوكس على وجهة

-وشق: وشنو ليش جان يهددك

-احمد: مو الجنطة جانت بيهة مخدرات

-وشق: عزة العزاني صدكك

-احمد: ءيي

-وشق: وشصار

-احمد: ماصار شي ادفعلة فلوس بين فترة وفترة

يلة أنشأ لله تنحل 

-وشق: انشالة

ورغم كل ظروف الي مريت بيهة والضرب الي احصلة من امي وابوي على اقل شي وعلى اتفه الاسباب
جان عمي واكف بصفي ولدرجة صرت اامن بي يعني باختصار صرنة اخوة لان عمرة قريب من عمري

بس ابد ماتوقعت الي راح يصير وياي وانو حياتي راح تنكلب راس على عقب
والسبب..... عمي