شوفت يا محروس شوفت البت مقصوفت الرقبه اللى انت طلقتها لفت على مين
بص محروس طلامه بغضب وهو يقول:بقولك اى يامه انا مش عاوز اتكلم فى الموضوع ده
اى مش عاوز تتكلم على المحروسه بتاعتك ولا اى
محروس بغضب:انتى عاوزه اى منى يامه وبعدين انا خلاص تطلقتها انتى عاوزه منها اى بقا ما خلاص
امه بضيق:وانت زعلان عليه ليه بقا ده بدل ماتشكرنى و تقولى ربنا يخليكي ليا يامه عشان انقذتك من الزباله اللى انت كنت متجوزها
مسح محروس على وشه بغضب وقال:طب شكرا يامه عاوزه حاجه تانى يامه كفايه بقا ابوس ايدك انا تعبان ومحدش حاسس بيا بلاش تعملى فيا كدا
امه بحزن:كدا يا محروس حته انا يابنى مش حاسه بيك ده انا كنت جايه عشان اقولك على الى حصل كنت جايه اقولك ان البت لفت على عمر حفيد الحاج جابر لا والكتر من كدا كمان متهمه فى جتل جوز امها بيقولوا فى البلد انها عملت كدا بعد ما استغفر الله حاولت معاه
حرك محروس راسه بغضب وخرج من البيت كله وساب امه تدعى على ورد
فى القسم دخل عمر الى مكتب ونظر الى ورد وقال
:يلا يا ورد أظن انك اتكلمتى مع ولدتك فى كل حاجة يلا عشان منتاخرش
نظرات ورد الى امها بحزن وقالت:انا اتنزلت عن حقي يا امى فى ورث ابويا ليكى واذا كان على اللى حصل فى القسم انا اتنزلت عن حقي برضوا واتمنى من ربنا انك تفوقي مش هقول قبل ما تخسريني لان انتى اصلا خسرتينى
قالت كدا وخرجت من المكتب تحت نظرات امها الحزينه مش عارفه هى حزينه على نفسها ولا على بنتها اللى راحت من يدها
خرجت من القسم واتجهت إلى سياره عمر الذي قاد السياره وتوجه بها الى القاهره
ورد بستغراب :احنا رايحين فين ده مش طريق البيت
عمر بجدية:انا مش هينفع اقعد فى البلد اكتر من كدا انا عندى شغل فى مصر وعشان برضوا مش هينفع اسيبك هنا عشان كلام الناس ولا حته البوليس يشك فى حاجه عشان كدا لازم اخدك معايا القاهره
ورد بحزن:بس انا عاوزه اقعد هنا انا مش عاوزه انزل القاهره انا معرفش حاجه هناك وصل
عمر بسخرية: ليه هو انا واخدك عشان تشوفى قريبك انتى هتقعدى في الفيلا لمده سته شهور وبعد كدا هرجعك البلد تقعدى مع جدي لحد ماطلقك فاهمه
ورد بحزن :على فكره انا مش هموت عشان انزل معاك القاهره ويبقا احسن ليا وليك لو تسبنى فى البلد انا مش عاوزه اخرج من بلد ابويا ولا البلد اللى اتربيت فيها
نظر لها عمر بسخريه وقال:ده على اساس انك شوفتى فيها حاجه حلوه صح اذا كان كل اهل البلد بيقولوا عليكى كلام زاى الزفت ولا انتى سبتى الجريمه على نفسك لم غرستي السكينه فى جوز امك
