رجعت ومسحت الميكب ونمت نومه ساعتين
صحيت الصباح قبل الدوام بنص ساعه تجهزت نفس كل مره وفطرت واخذت سياره ماما عشانها مب مداومه
شغلت اغنيه يا أجمل غيمه بصوت عبد الله المانع
واشرب كودرد ثم وصلت
نزلت وخذيت سماعتي والايباد جوالي
سلمت على اول حد شفته بوجهي وهي جوان
وش بدايه اليوم الحلوه ذي ناظرتها الا واشوف المديره تقول يا طالبه على فصلك
وهجيت واشوف جوان تضحك ابتسمت ودخلت فصلي وانا اتذكر هالتفاصيل السريعه
————
مثل اي يوم مرت الحصص الين وصلنا حصه الانقليزي وكان الجو زق بزق جلست على جوالي وسافهتها وكنت قاعده بنفس المكان الي دايم اقرا فيه رواياتي ويكون فاضي بس ذيك البنت تعودت تجلس جمبي
(ورد) من اليوم اسولف وهي بالجوال اعتقدت انها هاديه ثم استوعبت انها ماتسمعني اصلا وحاطه سماعه انقهرت وشلت السماعه من اذنها ومعرف ليه سويت كذا بس قلت اسفه و طلعت برا الفصل
(شهد) فجاء وانا جالسه ب امان الله سحبت سماعتي ووجهها احمر وطلعت انا ماادري شصاير ووجهي حرفيا ريكشن عامر وهو مغدور
طلعت والاقيها ابكي خذيتها لحضني وقعدت اقولها شفيك وشلت شعرها عن وجهها وقالت
(ورد)اسفه بس اكره التجاهل ومن اليوم كنت اسولف ثم استوعب انك حاطه سماعه اساسا وفجاء عصبت وطلعت ومالقيتني الا ابكي كان فيني ضحكه وضحكت وقلت ورعه انتي تعالي بكل وقت وسولفي شدعوه تبكين خلاص برجعك معي اليوم وتسولفين لين تفجرين راسي قولي تم؟
قالت تم
قلت ماتقولين لا انتي مافيه مني مناك يعني وقمت اضحك وضحكت
