اول ما وصلوا البيت
بثينه : يمه يمه
مشاعر الي كل ما تسمع هل كلمه مشاعرها تتجدد وتحس انها هي الي جابتهم
بثينه : يمه
مشاعر : عيوني شفيك
بثينه : تفاهمي مع جميله ترا هربت طول اليوم ولا احد يدري وينها
مشاعر الي عصبت : جميله وين كنتي وليه ما حظرتي ؟
تجاهلت الكلام وراحت غرفتها
مشاعر : يمكن فيها شي بروح اكلمها
بثينه : خليها تولي مالت على الي يهتم فيها
مشاعر : الاء قومي شوفيها
الاء : ان شاء الله
مشاعر : استوى كلشي يلا امشوا ناكل سحاب نادي لي نجد
سحاب : تمامً
راحت سحاب غرفة نجد ولقت جنبها علبة حبوب طايحه
ونجد طايحه على الارض
بدت تصرخ سحاب
والكل جا على صراخها
مشاعر اول وحده دخلت الغرفه خايفه وتحاول تاخذ نفس من الركض الي ركضته ؛ بسم الله شفيك
سحاب بصعوبه وهي تبكي : شوفي شوفي ط ط طاحت لقيتها طايحها مع علبة الادويه
مشاعر رفعت نجد تحاول تصحيها
اما البنات واقفين مصدومين
...
بثينه ركضت لغرفة رعد
بدت تطق الباب بقوه
رعد بصوت نعسان : زين زين
فتح الباب وشاف قدامه بثينه و ك العاده لبسها القصير وشعرها الطويل الي خلاه ينفتن وهم عصب وصد بوجهه: مره ثانيه اذا جيتي بتجيني لو تسمحين يعني
بثينه والغصه في حلقها : مو وقته مو وقته شغل السياره وتعال احمل نجد
رعد بتوتر : مره ثانيه نجد شفيها
بثينه : حاولت تنتحر
رعد الي دخلت غرفته واخذ مفتاح السياره و جكيت طويل
رعد : خذي هذا المفتاح والبسي ذا لا احد يشوفك برا وانتي كذا
راح رعد ركض : لو سمحتوا خاله مشاعر
مشاعر سمعت صوته : احنا هنا جميله قولي له احنا هنا
طلعت جميله واشرت له ودخل
حمل نجد ونزل فيها و وراه مشاعر
مشاعر : بنات انتو تكلوا واحنا بنطمنكم ان شاء الله مافيه الا العافيه
سحاب : انا بروح معكم انا ماخليكم
الاء : اي اكل يمه صار فيها اكل
مشاعر : طيب يا سحاب تعالي
راحوا بسرعه وعلى المستشفى
الشمس حاره على عكس باقي الايام
والتوتر في وجهه سحاب ومشاعر و رعد و بثينه
اما نجد ف كانت تنام مثل الابرياء
....•••....
في المستشفى اخذوها الطوارئ
ومشاعر تمشي رايحه جايه
اما بثينه فهي جالسه جنب رعد
رعد : وترتني رايحه جايه
بثينه : حتى انا بس وش نسوي حتى هي متوتره لا تناظرها
وسحاب فكانت جالسه جنب الغرفه الي فيها نجد وتبكي
...
في البيت
الاء و جميله و شيم متوترين
وكلهم جالسين على سرير واحد وينتظرون اتصال من اي احد يطمنهم
لكن التعب غلبهم وناموا ثلاثتهم
....
بعد ساعه من التوتر طلع الدكتور
مشاعر الي رحت له بسرعه : وش صار
الدكتور : صار لها تسمم نتيجه بلع كميه كبيره من الحبوب و سوينا لها غسيل في المعده والمفروض صحت يعني بس هي عنيده تقدرون تشوفونها
مشاعر : الحمدلله الحمدلله
الدكتور : لكن الشرطه تبيك
مشاعر : انا !
الدكتور : اي تفضلي من ذي الجهه
بثينه ارتاحت وسحاب وقفت بكي
اما رعد توتر ليه يبونها الشرطه لحقها لكن وقف من بعيد
...
بعد ربع ساعه طلعت مشاعر
اول ما طلعت شافت في وجهها رعد
رعد : وش يبون فيك !
مشاعر : تحقيق ليه انتحرت يارب يارب ما يفتح الموضوع على راسي مصايب
رعد : ليه وش راح يصير
مشاعر : بيعصبون علي ويمكن يفصلوني من وضيفتي لاني ما قدرت اهتم فيهم
رعد : لا ما اتوقع بسم الله عي تغلط الغلطه وانتي تاكلينها
مشاعر : هلي تشوف بس يمكن ما يصير لي شي
رعد : مهو صاير لك شي بالعكس من جاو وانتي تعاملينهم كانهم بناتك واكثر
جات رساله لجوال مشاعر وخلت وجهها ينقلب اصفر
رعد : بسم الله شفيك بعد
مشاعر : نزل قرار جديد يقول الي تكمل 18 مالها مكان بالدار وراح يتم طردهم حتى يعتنون بنفسهم ويعتمدون على نفسهم
أنت تقرأ
لربما صدفة خير من الف ميعاد
Romanceالكاتبه : اثير بعض الصدف تاتي بدون سابق انذار وتغير حياتنا من جذورها
