Mere papa

My dad, Mere papa,

Jinhone mere liye pyaar kabhi nhi naapaa.

Main 2 mangti hoon, voh 4 laate hain,

Main bas yeh nhi samajh pati ki kahan se itna pyar laate hain.

Voh mereliye duniya se lad jaate hain,

bas kyonki mujhe jaan se jyaada chahte hain.

Roz kaam se thake haare aate hain,

Phir bhi, sirf ek ice cream lene mere liye wapas jaate hain.

Jab main bimaar hoti hoon, tab har ghante ghar aate hain,

Aur jab tak davai na khaun, saara kaam bhul jaate hain.

Betiyan toh apne papa ki jaan hoti hain,

Voh hii toh unki shaan hoti hain.

Beti ka pita apne aap ko raja bulata hai,

Kyonki har koi thodi rajkumariyon ko paal paata hai.

Papa meri har khwahish puri kar jaate hain,

Papa meri khushiyaan hii ban jaate hain,

Papa har dost ki kami puri kar jaate hain,

Tabhi toh, voh papa kehlaate hain.

                                                                                                                                                         -Bhavya Golani