آسر : اروحلج فدوة يا ياسمينة عروگي ويَشيبة گلبي
من سمعتة هيج يكول مدري شصار بية حسيت كلبي رجف
كمت رفعت روحي وحضنتة
آسر : ادري بيج مانايمة حيالة
ضَياع : ججج اسكت خلنام
آسر : هههه يلا نامي
نمنا وكعدت على صوت آسر
آسر : يلا كومي صبح الصبح
ضَياع : ماا عوفني نايمة
آسر : لا كومي شو
ضل يجرجر بية وانه ما ارضة اكوم
ضَياع : آسر عوفني نايمة والله بعدني نعسانة
آسر : لا كومي اريد اراويج شغلة
فتحت تك عين وكلت
ضَياع : شنية
آسر : لازم تكومين ماكدر اجيبها لهنا
رجعت غطيت وجهي بالبطانية وكلت
ضَياع : جا عوفها من اكعد
آسر : متأكدة؟
ترا اريدج تسمي
رجعت وخرت البطانية وكلت
ضَياع : شني شسمي
آسر : كومي وتعرفين شتسمين
ضَياع : بس الفراش دافي ماريد اعوفة
آسر : هسة شني ماتكومين ترا اخلي غيرج يسمي
ضَياع : هوا غير افتهم اسمي منو
آسر : يمعودة كومي وتعرفين
ضَياع : خوش راح اكوم بس خل اغسل
آسر : يلا متانيج حنروح على البايسكل
ضَياع : يااا على البايسكل!!!
آسر : اي يلا كومي سريع سريع
كمت غسلت ونزلنا جوة
البيت سنطة وكلها نايمة
ضَياع : صدك شكد الساعة هسة
آسر : بالخمسة
ضَياع : ههههه راح تصعدني ببايسكل بهالفجرية هاي
آسر : وداعتج راح تحبين الجو
كضي لبسي هاي فوك ملابسج
مدلي جاكيت من جاكيتاتة لونة قهوائي
هاذ الجاكيت شايفتة
كلشي بآسر شايفتة بس مادري وين
عيونة واسمة وجاكيتة
كلهن شايفتهن
لبست الجاكيت وطلعنا للحديقة
طلع بايسكل من الگراج وصعد وكالي صعدي وراي
صعدت وحضنتة من ورا وطلعنا للبستان
جان الجو حلو لا هو بارد ولا حار
ضَياع : صدك الجو حلو
آسر : استمتعي هسة بالجو لان جاينة الصيف وراح ننشوي
أنت تقرأ
آسـر الضَّيــاع .
Adventureإنني ضائعٌ في ضَياعي مَن انا؟ انا الذي تُهتَ في وَصفِ عيناكِ . يا آسـري كَتمتُ في القلبِ حتى فاضَت ادمُعي وإن دَمعيَ اضحى دماً احمراً اثَرَ فُراقكَ ايُها الحَبيبُ . بدأت 2 / 2 / 2024 انتهت / 23 / 9 / 2024
