كمشت ايده والتفتت واشوف امي ودره طايحات ب الارض داعمتهم سياره عاليه ركضت ل امي اخر شي كالته ل فهد انو انا امانه يمه للموت وغمضت ما أدري اذا ميته او عايشه رحت ل دره ب الكوه تحجي
دره:- نر.. جس مالحكت اصل.. ي
_دره كومي كومي لاتعوفيني رده تدرين ما أكدر بدونج
دره:- انشاء الله.. تصاد.. قين غير.. ي ف.. هد نرجس.. امانه ب ركبتك للموت
_مستحيل فهد سياره اسعاف بسرعهههه
فهد:- راح يوصلون
حطيت راس دره بحضني واخر شي كالته الشهاده
وغمضت عيونها ضليت اهز بيها
_ دره كومي لا تعوفيني درهههه لاتعوفيني لا كلتي امس انا وياج نتخطه المصاعب هيج تزوديها
وصلو سيارات الاسعاف واخذوهم صعدنه انا وفهد بسرعه للسياره ويتخطه السيارات شون ما جان وصلو ودخلوهم الطوارئ وامي راح فهد جاب خاله ام دره واجا وكف يمي يهديني انتضرنه ب الممر ربع ساعه وطلع الدكتور وجها مايبشر ب الخير
فهد:- دكتور شصار احجي
ضل ساكت واردف ب نبره خوف لان كان فهد لابس زي الدوام:- خسرنه المره والشابه
كضاه فهد من ياقته ويصيح عيله:- ليش مابذلت جهدك
الدكتور:- سوينه النكدر عليه
ام دره ضلت تبجي وتلطم طحت على ركباتي ما مستوعبه الي جاي يصير اجا فهد كومني ما اكدر اوكف عليهن اجتني لحضه ادراك ضليت اكطع شعري ضلن يطيحن خصل ب الارض كض ايدي فهد وحضني وجهي صار بركبته نسيت انو حرام
فهد:- اهدي اهدي نرجس لازم تتقبلين
احجي وانا ابجي:- فهد ما.. كدر ب.. دونهم ما اك.. در
عافوني ب نص الطريق وراحو
حجه وهو يمسح على شعري:- تتقبلين وتتخطين احس بشعورج احس
_ محد راح يفتهم علي محد.. انتا فاقد اب انا صرت يتيمه اب وام
وخر راسي يمسح ب دموعي لكن ينزلن بدون لحضه ادراك:- انشالله اكون الج ام واب واخو واخت
_اريد اش.وفها قبل لا يدفنوها
فهد:- خاله ام دره تعاي كضيها شوي وارجع
اجت خاله ام دره حضنتني:- اهدي بنيتي اهدي
كلتلها تكعد على الكرسي وانا كعدت ب الارض وحطيت راسي بين رجلي حسيت ايد رفعتني باوعتله لكيته فهد:- يله مو تردين تشوفيهم
هزيت راسي اكثر من مره ومشينه شوي و وكفنه كدام باب شوي وفتحوه كلعو السديه ومغطين وجها خاله ام دره راحت ل دره وانا تقربت يم امي وخرت الغطه وفهد كاضني نترت ايده وحضنت وجه امي وابجي واعاتبها:-لييش ليش تعوفيني منو الي غيرج ليش كلتيلي حلمي اشوفج محققه نفس ابوج كومي ليش هيح تعوفيني ليش يعجبج بنتج. تتدهور وارجع يم خالي احمد تدرين بس ك... ليش تعوفيني بست ايدها رحت ل دره وكعدت ابوس ب ايدها:- كومي امس شحلاتنه نسولف كومي صلي كومي.. ماكدر والله ماكدر ليش عفتوني
أنت تقرأ
جحيم اليالي 1:30
Mystery / Thrillerلَيَآلَيَ تٌشُبًهّ آلَجّحًيَمً بً لَيَلَهّ لَيَسِتٌ فُيَهّآ ضوٌ لَلَقُمًر يَعٌلَوٌ صّوٌتٌ آلَتٌکْسِيَر وٌآلَصّرآخِ مًنِ غُرفُهّ مًعٌتٌمًهّ مًغُلَقُهّ يَنِتٌآبًهّآ آلَفُضوٌلَ وٌتٌدٍخِلَ نِرجّسِ لَلَغُرفُهّ وٌلَيَتٌهّآ لَمً تٌدٍخِلَ وٌتٌجّدٍ کْيَآنِ...
