Unrequited Love (My bestfriend, My love)
*****
Walang hiningi mula sa iyo
Kundi, pabayaang ika'y mahalin ko
Ako na ang tanga! Inaamin ko
Anong magagawa e baliw ang aking puso?
Sa bawat pigil, lalong lumalalim
Sa bawat iwas, lalong namimiss
Ano ang dapat gawin?
Ng taong tulad kong umiibig?
Tuwing may problema ka, laging merong 'AKO'
Ako na dinidinig lahat ng hinaing mo
Balikat ko'y naging sandalan mo
Sa tuwing wala ang totoong iniibig mo
Hindi ko binibilang lahat ng aking nagawa
Gusto ko lang malaman mong ako ay tapat
Tapat sa pagibig, tapat sa pagmamahal
Tapat sa lahat kahit walang karapatan
Maraming tanong sa aking isipan
Kung bakit ikaw pa ang taong minahal
Gayung marami namang d'yang naghihintay
Para sila'y pagbigyan kahit konting sulyap man lang
Ngunit kahit ganoon, wala akong magawa
Pagkat alam ko ikaw lang ang nais mayakap
Walang iba, hindi sila
Tanging ikaw lang, aking kaibigan, aking sinta.