سبحان الله
اعتذر على الأغلاط
عند ريان و مقرن و سعيد
مقرن : شباب تخيلو ايش فيه
سعيد : تخيلنا
مقرن: ما تضحك المهم فيه ولد جديد بيجي
ريان : احس شكله بيروح عند شلة سلطان وفصله لانهم قليل
مقرن : لا أنا احس فصلنا
سعيد : لا انت ولا انت بيروح عند ثاني اول ( ثاني أ )
مقرن : على اكل
سعيد و ريان : على اكل
________________________
عند فهد وحسن
فهد : حسون ولد
حسن : هلا
فهد : تدري ان فيه طالب جديد و يمكن يسكن معنا
حسن : طيب ؟
فهد : وش طيب قول لي كيف تتخيله
حسن : ما اعرف اتخيل
فهد : أتخيله عصبي و فلاوي و اهم شي مزيون
حسن : بديت احس مو بديت تاكدت أنا مو طبيعي
فهد : تخيل يروح مع شلة سلطان
حسن : ما احس
فهد : أنا بنام تصبح على خير
حسن : وانت من اهله
_______________________
عند نجد
نجد : والله بشتاق لس يا جده
الجده:وانا اكثر يابنتي بعدين مين اظفر شعره و اقول له قصص و يسولف معي
نجد : اقدر اجيكم في الاجازه بس مو كل اجازه
الجده : الي تبغينه
نجد : طيب تصبحين على خير
الجده : ودعتك الله
______________في الصباح _____________
نجد : جده بطلع مع السلامه
الجده : يحفظس الله افطرتي
نجد : ايه معليس
الجده : انتبهي على نفسس
نجد : ابشري من عيونيي
خالد : وانا ما تودعيني
نجد : مع السلامه هيا نمشي مافيه وقت
خالد : مستعجله ذي ليش
نجد : متحمسه
خالد : وامس تتحلطم
نجد : طيب تأخرنا
خالد : يلا أنا اوصلس ولا السواق
نجد : قد كلمت السواق
خالد : انتبهي على نفسس و فيه ولدين يقربون لنا قلت لهم عنس و ينتبهون عليس بس ما يدرسون يعني عمال و كذا
نجد : يعني ماني قويه
خالد : كسرتي عظامي ثلاث مرات
نجد بضحكه : شكلك تبغى الرابعه
خالد بترقيع : تاخرتي على المدرسه
نجد : مع السلامه
الجده وخالد : مع السلامه لاتنسينا
نجد : ويين أنساكم
في المدرسه
نجد : متاكد من الموقع ؟
السواق : ايوا بابا كلام أنا
نجد : طيب ارسل لك صوره
السواق : ايوا مدام
نجد : ورني ... غريبه المدرسه ذي كبيره احي احس اني بضيع ☺️
______________________________
عند الاولاد
ريان : تخيلووووو
مقرن : تخيلنا
ريان : الولد الجديد وصل
كلهم نطوا ( راحوا )عند الدريشه
مقرن : ما ارتحت له من شكله
ريان : اووففف مز
حسن : وين ما طبه
سعيد : بروح اتعرف عليه
فهد : خلصت تأخرت عليكم ولا
ريان : الولد جااا
فهد : بروح اتعرف عليه
سعيد ؛ اخيرا احد متحمس معي
عند نجد
نجد : اوبا جبت العيد كيف احفظ الأماكن بروح عند ذا اساله ... سلام
سلطان بنظرات غريبه : وعليكم السلام
نجد : أنا الطالبه الجديده عادي تعلمني وين مكتب المدير
سلطان : طالبه ؟ جديده ؟
نجد بتوهق : لا أنا أتكلم بسرعه عشان كذا
سلطان بشك : اها
نجد : وين مكتب المدير
سلطان استغل الوضع : تعال معي
جا سعيد وهو يركض و وراه الباقي
سلطان : ايش جابكم
حسن : وخر منه
سلطان بعناد : لا
فهد : قال لك وخر يعني وخر
سلطان : وانا قلت لا يعني لا
حسن سحب نجد بشويش وراح يعرف نفسه عليها
حسن : وين بتروح
نجد : أنا
حسن : فيه غيرك
نجد : مكتب المدير
حسن : ورانا سفر
نجد : يوه مالي نفس
حسن : عشان كذا بنيتك ضعيفه
نجد : اقول امش ولا تضيع وقت
حسن : ابشر
