First Wrong Move (A Bisaya Novel)

Prologue

First Wrong Move

Prologue

“Palihog dakpa ang mga naka black!”

Nisiga akong mga mata pagkadungog ato. Sabay pud nga kalit nalang nidagan sila Sunny ug Andrea palayo. Yes, nawala sila’g pinakalit! Nataranta na hinuon ko’g apil pero pagtan-aw nako sa akong gisuot, nikatawa nalang ko samtang galantaw sa ila duha nga murag naa sa karera.

“Nganong nag color black, awa, dagan pa mo,” hunghong nako while gakatawa.

Great! May gani nag gray koa karun!

Pero nahunong akong katawa pagkadumdom nako nga sugod gaina, wa jud na-mentioned nga dakpun pud ang mga naka color gray ug shirts.

I sighed. “Grabe, bisa’g intramural, way mupili nako?”

Nabusy na ang tanan ug dakop sa mga naka-black. While ang uban, gatan-aw ra while gakatawa. Bibo kaayo ang first day sa intramural. Pero wa jud ko nalingaw! Kinsa ba jud say malingaw kung makita nimo nga gikasal na imong ex sa marriage booth! Samantalang ikaw, mura ra’g tao-tao sa school campus, dugang-dugang lang sa mag cheer sa mga dula.

Ako nalang isa ang nag lingkod sa bench, ambot ug nadakpan ba sila Sunny ug Andrea. Nevermind, ug nangadakpan tong duha, di nako sila lukaton, uy! Sayang pud baya ang singko.

“Hay…boring kaayo.”

Gikuha nalang nako akong cellphone gikan sa akong sling bag, ug nag scroll-scroll nalang sa didto.

“Miss!”

“Halaka! Miss, tindog diha!”

“Agoy, igo ni ba!”

Nihangad ko gamay gikan sa pagdungo sa cellphone pagkadungog nako ato. Pero mao sad akong pag hangad, ni ngitngit akong panan-aw! Aga!

“The hell! Paul! Nakaigo ka!”

Naguba jud akong nawong sa kasakit. Buwisit, mura diay ko’g nawong ug basketball ring kay sa akong nawong man na-shoot ang bola?

Gihimas nako akong agtang nga naigo. “Agay…”

“Miss! Sorry kaayo. Wala jud nako tuyo-a. Sorry!”

Na-feel nako nga naay niduol sa ako. Mu-buwelta na unta ko’g singgit sa iya pero halos mahulog akong panga pagkakita sa tao sa’kong atubangan.

“H-ha?”

Animal. Si Paul man ni sa STEM diay!

Nidungo siya sa ako while puno sa kabalaka iyang nawong. Damn, mao man ni’ng isa sa mga crush ng bayad dinhi sa school namo! Tinuod jud nga guwapo siya. With his chinito eyes and white skin, makaingon jud ka’g pang Song Joong Ki iyang beauty.

“Are you okay? S-sorry jud kaayo. I didn't mean to hit you with that ball…” ingon pa niya nga mura’g dili kasabot kung muduol ba sa ako or dili.

Nakulbaan jud ko pag ayo. Akong heart, halos mugawas na guro sa’kong ribcage. Kusog kaayo iyang pagbuto!

“A-ay… o-okay ra. Okay ra,” ingon nako sabay tango.

Didto pud nako na-realized nga daghan nag tan-aw sa ako—ay feelingon ra kaayo ko! Actually, daghan jud tao tungod sa iya! They're not curious about me, more likely, they are curious about him!

Yes! Inana siya kasikat! Wala pa gani tong uban niya kauban nga mga guwapo pong labaw, daghan na nitapok sa amo, what more kung kompleto sila upat?

Nitindog ko ug kalit sa kakulba ug nidungo gamay. Holy moly hotdog! Taas kaayo siya! Wala nawala akong kakulba tungod kay daghan nag tan-aw.