‏ يحن لك قلبي كما حنت رعود على سماء ديرةٍ أنا و أنت منها

البارات ' الأول '

مساء يوم الجمعة تحديداً ' الرياض '
بعد ما خلصو العيال من صلاة الجمعة و الخطبه تجمعو بالحوش ببيت الجد سعود وعندهم عادة كل جمعة يجتمعون للغداء و للصلاة كذالك اللي يقرا قران و اللي يسولفون تكلم عبدالعزيز وقال
أبو ولييد ؛ يا أبوي ودي بـ سفره معاكم و ننتبسط ونغير جو فزو العيال و البنات يصارخون ينتظرون جدهم يوافق و هو اللي انزعج من الصراخ
الجد سعود ؛ لابارك الله في عدوينكم اقصرو الصوت يا شباب وهو بدا يصارخ عليهم و يهزأهم و ارتبكو لانهم ظنو جدهم يوافق من حماسهم نطق فيصل
أبو هذام ؛ طالبينك يا أبوي بنسافر نغير جو والشباب مو قصدهم يصارخون فرحانين انهم بيطلعون برا الرياض رد سعود و قال
الجد سعود ؛ بفكر و ارد لكم عندي شغل و الشباب كذالك بقصده ( وليد و هذام ) بسبب مهماتهم و المركز كل شوي متصلين يحظرون فيه مشكله والخ ..
دخلو البنات و قالت هاجر بحماس لنجد
هاجر ؛ نجد نجد متخيله يقول عمي عبدالعزيز بنسافر صارخت نجد وهي ترتب الاكل وسرعان ما ضحكو كلهم من رده فعل نجد
أبتدو البنات يرتبون السفرة و الغدا اللي من يدين نـُهى و نظرات سعود لها كافي بانه يشكرها و جملته قدام عياله بالطبخ الزين والسنع تغدو بهدوء وهم يتحاورون عن السفره اللي كانت لـ أبها وكيف الاجواء و نجد تدخل الطقس لجل تشوف درجة الحراره اللي تفرق عن الرياض و حرها
أنتهى الغداء وهم يتحاورون و سرعان ما طاحت عين وليد على نجد و هي تناظره وتصد من حط عيونه عليها ولاحظت جدته نـُهى و حست أن فيه شي ونظراتها عليهم الأثنين سرعان ما قام وليد وهو يقول
وليد ؛ أستئذنكم عندي شغل تنرفزو العيال وقام هذام معاه وهو يقول
هذام ؛ اكرمكم الله عندي اشغال الدنيا مع البطل وهو يناظر وليد طلعو و نظرات هاجر على هذام وهو كان حاس انها تناظره وكل ماناظرها صدت
رتبو البنات الاطباق و بدو يغسلونهم مع بعض و يطقطقون وهم ينثرون الصابون بكل جهه من المطبخ تحت أنظار هذام وهو مركز على هاجر وكيف حنونه وتستحي و جميلة بدون ميكب و بدلتها ناظرته وهي تبلمت وسرعان ما صد وطلع
هذام ؛ وليد ، التفت وليد له
وليد ؛ لبيه ؟
هذام ؛ أحس فيني مشاعر لبنت من العايلة
وليد ؛ نقول ممبروك ؟ ، مين هي
هذام ؛ بتعرف مع الوقت لانتأخر خلينا نمشي
توتر هذام وهو ما بيغى يقول لـ وليد الا وهو جاهز ركبو السيارات و تحركو .
عند البنات ..
نجد ؛ أحس وليد عيونه علي مب قادره اتحرك يوترني هالولد
هاجر ؛ مو قادره اشيل عيوني عن هذام مادري هو حب او مشاعر باهته تجاهه
نجد ؛ خرشتني جده نهُى لما تناظرني وتطالع وليد قلبي طاح ببطني 😭
هاجر ؛ نهُى جدتي طيبه وتعرف الكل كيف ماتبينها تشك وجدي عاشقها وعارفه الحب و سواياه ؟
ابتسمت نجد وهي تسمع كلام هاجر و كلمو سوالف
عند ابو نادر بعييد عن الرياض وتحديداً ' الخبر ' كانو يرتبون أغراضهم و نوره تصيح على ندى و نادر يتحركون لان حرفياً مب راضيين يروحون للرياض بحكم ان دراسه ندى ونادر بالخبر
ندى ؛ نادر كلم بابا وقوله بتجلس وانا بجلس معاك ما ابي اروح للرياض وبكرا سبت و بعدها دوامات
نادر ؛ بروح أقول للوالد واجيتس لاتحركين
نادر وهو يركض تجاه غرفه أبوه ويطق
ابو نادر سعد ؛ ادخل ، دخل نادر وجلس يحاول يقنع أبوه
نادر ؛ يابوي تكفى بنجلس انا وندى هنا بالبيت و انتم روحو للرياض عند عمامي غيروو جو وتجونا
ابو نادر ؛ كيف اروح واترككم هنا لحالكم وماتعرفون غير جيرانا أبو عبدالله واهله
نادر ؛ يايبه ماني بزر لهدرجه اعرف اتصرف وراح نقضي الاسبوع بالبيت منب رايح الا للضروره .
ابو نادر ؛ مايطاوعني قلبي يابوك اتركم وامشي نروح ثلاث ايام على الاقل و نجي بنشوف جدك و جدتك و عمامك هناك ، تحمس نادر وهو ووده يشوف غادة اللي له سنتين ما راح للرياض ' للمعلومة كل البنات يتغطون عن عيال عمهم '
قام نادر بحماس و لهفه لذيييك العيون وهو يمشي متجه لغرفته حصل ندى بالممرات و هي اللي تخبطه لانه مفهي و سرحان يفكر بـ غدو ' غاده '
ندى ؛ وين وصلت يا حبيب ؟
نادر ؛ ابوي رفض وقال ماروح الا وانتم معاي و بنقعد بس ثلاث ايام
ندى ؛ وين اللي قلت بتقنعه دفته ومشت لغرفتها ترتب اغراضها وبعد ساعتين بينطلقووون للعاصمة 🇸🇦