سوري اتأخرت عليكم وايد بس لان انحين فاينل وجي يعني🤍🤍
بس يوم بخلص الفاينل بطرش لكم اول ب اول🤍🤍🤍
يوم يديد بتحديد يوم الجمعه الساعه(1:00) الظهر:
ف بيت بومكتوم تحديد بغرفة مكتوم
كان قاعد يلبس كندورته ويتعطر ولبس بعدها غتره
طلع برا الغرفه رايح غرفت اخته وهوه متضايق
دخل وجافها قاعد تلبس اكسسوارات
مكتوم:شو ها الجمال
اسماء:فديتكك ياخي والله
مكتوم:فداجج كلي عيوني
اسومه:كاشخخخ اونه
مكتوم:اكيدد شعبالج
اسومه:ههههه
مكتوم:اسومه
اسماء:عيونها
مكتوم:ياخي ابا اقولج شي
اسماء:قول عيوني
مكتوم:ياخي والله احب يزوي بس انا وياها متزاعلين
اسماء:اعرف انكم تحبون بعض بس ليش متزاعلين؟
مكتوم:يوم كنا طالعين هيه كانت محطيه وايدد مكياج وهيه تعرف اني ما احب البنيه الي جي تحط مكياج وايد وتخيلي اولاد يطالعونها ويضحكو ويبتسمو حقها وهيه زعلانه مني عسبت قلت لروضه فديتجج ترا انا اعتبر روضه اختي بس كلميها انتبهي عليها اذا متضايقه ولا لا والله خيفان عليها تقون متضايقه
اسماء:دقيقه دقيقه عن المكياج تراها بنيه وعادي كل البنات يبو يكشخو ويحطو مكياج مب حلوه تشوفنا كلنا محطين مكياج الا هيه ترا وهيه بنيه عادي تبا تحط وتفرح ترا وعن الشباب الي يغازلونها ترا كل الشباب جي لو تيب وحده خسفه بغازلونها ترا وعن موضوع روضه حتى لو انت تعتبرها اختك مب حلوه تقولها جدام يزوي وانت تعرف ان يزوي حساسه وما تباك تقول جي لغيرها
مكتوم متضايق:ما اعرف ياخيي ما اعرف
اسماء:انا بكلم يزوي لا تحاتي
مكتوم قام:زين عي اترياج انا بالسياره كل حد راح الا نحن
اسماء:تمام يايه
طلع مكتوم من غرفتها وراح غرفته شل فونه وسماعته وبوكه وركب سيارته هوه و اسماء اخته
ف بيت اليده كل حد وصل وكلهم كانو يالسين ف الميلس
ويزوي كانت قاعده صوب يدها
اليد:ها شو طلعت الاربعاء حلوه ولا يزوي
يزوي:هيه يدي حلوهه
اليد:دوم حبيبتي
تمت يزوي متضايقه من سالفت مكتوم ويوم رفعت راسها اطالعه
جافته قاعد يطالعها ولفت عينها عنه بعيد
اليده:يلا حبايبي الغدا جاهز يلا
كلهم قامو وراحو لطاوله الطعام يتغدون
بعد ماخلو الغدا وكل حد قام راحو البنات يقعدون ف الحوي برع
اسماء كانت قاعده صوب يزوي وتسولف وياها
اسماء:يزوي
يزوي:عيونها
اسماء:متضايقه
يزوي:لا
اسماء:حلفي
يزوي:مب لازم
اسماء:اعرف انج متضايقه من مكتوم ترا قالي الي صار بينكم
يزوي تمت اطالعها وساكته
اسماء: اعرف انج متضايقه منه عيوني انتي لا تتضايقين والله لا تخلين شي يضايقكم انتو الاثنين ترا مكتوم يحبج والله ولو ما يحبج جان ما يا وقالي جوفيها انتبهي عليها خيفان عليج اذا متضايقه ولا لا
يزوي تمت تفكر وهيه ساكته
اسماء:حبيبي لا تتضايقين مكتوم يحبج والله
يزوي هزت راسها ان اوكي وتمت تفكرر وسرحانه
عند الشباب والكبار داخل الميلس:
اليد:ها بتطلعون بتسيرو مكان ولا
حمد:يمكن انطلع البنات بنسير كوفي وبنرجع
اليده:حمدالله سويت شي زين
كلهم ضحكو
اليد:ها مكتوم اجوفك ما تسولف
مكتوم ابتسم:مافيني شي يدي
اليد:متأكد
مكتوم:هيه يدي لا تحاتي
دخلو البنات الميلس عليهم وراحت يزوي صوب امها وانسدحت عليها
ام يزوي:يزوي حرارتج مرتفع
يزوي:مافيني شي امي بخف انشاءالله
قام مكتوم من مكانه وياي يبا يطلع
اليد:على وين مكتوم
مكتوم:شوي يدي وراجع ما بطول
اليده:زين حبيبي اتحمل على عمرك
طلع مكتوم وراح سيده الصيدليه وخذ دوا حق يزوي ورجع بيت اليد
اول ما دخل راح فوق سيده ودق على اسوم اخته
اسوم:ها
مكتوم:تعالي فوق
اسوم:تمام يايه
شوي الا يت اسوم
مكتوم:هاج عطيه ل يزوي
اسوم:من عيوني
مكتوم:فديتج ياخي يلا ننزل
ونزلو كلهم وراحت اسومه عند يزوي
يزوي:شو ها
اسومه:دوا
وفتحت اسومه الكيس وطلعت الدوا وبدت تفتحه
يزوي:يعع مابا مب حلو طعمه
شوي الا تي رساله ل اسومه طلعت فونها
مكتوم كاتب حقها(قولي لها تشربه)
لفت اسوم فونها على يزوي عسبت تقرا
يزوي:ليش منو ياب الدوا
اسوم:مكتوم توه يوم طلع راح الصيديله ياب الدواه وياه يلا شربي
يزوي :اوكي
خذت الدواه وبدت تشرب
اسوم ابتسمت:شاطره
يزوي ابتسمت حقها ورجعت على ورا
ويلسو يسولفو لين ما حمد قال ان بيطلعو يلا
قامو البنات لبسو عبيهم وبدو يتكشخو كلهم
كلهم كانوو محطين فل ميكب جنه رايحين عرس الا يزوي بعد سالفت يوم الاربعاء ما حطت مكياج ولا تكلم مكتوم
لبست يزوي بنطلون وقميص وفوقه عباه وما حطت مكياج ولو تيبونها هيه صوب كل البنات هيه احلى وحده فيهم بدون مكياج طبعا عرفت اسومه ان يزوي ما حطت مكياج عسبت سالفت مكتوم
( معنه مكتوم ما كلم يزوي وقال لها انحين يوم بنطلع لا تحطين مكياج يزوي بروحها ما حطت مكياج لان ما متفيجه لشي مول)
