( ၂ )
ဒီနေ့ အလုပ်ကိစ္စတွေ ရှိနေသော် ငြား အစ်ကို က အပြင် ခဏထွက်ရန် ခေါ်သဖြင့် မှူး လိုက်သွားဖြစ်သည် ။
"ခဏပဲ နေမှာ နော် ၊ ပြီးရင်ပြန်မယ် "
မှူးက အိမ် တွင်း အောင်းရသည်ကို သဘောကျသည် ။ သို့သော် တိမ်တွေကိုချစ်သည် ။
"အေးပါဟာ ၊ ခဏလောက်တော့ နေစ မ်းပါ ၊ နင် အပြင်လေ မထိတာ ဘယ်လောက်တောင် ကြာနေပြီလဲ "
အစ်ကိုက ပခုံးကို ပုတ်ချ၍ ပြောသည် ။ မှူးကတော့ ခေါင်းတစ်ခါခါဖြင့်သာနေရသည် ။
"ဟာ pemella ၊ အစ်ကို ဝေယံလဲပါတာပဲ "
ရုတ်တရက် မျက်နှာချင်းဆိုင် တွေ့လိုက်ရတဲ့ နွယ် ။ မျက်နှာမှာ အတန်ငယ် ပြုံးရွှင်လျက်ရှိသည် ။
"နွယ် ၊ ဘယ်လိုဖြစ်လို့ ဒီမှာ လာတွေ့ရတာ တုန်း ၊ အစ်ကို ကမှူးကို အပြင်စာ လိုက်ကျွေးမလို့ ခဏခေါ်လာတာ "
အစ်ကိုမျက်နှာ နှင့် အသံတို့မှာ တစ်ခဏချင်း ရွှင်လန်းသွားသည် ၊ နွယ့်ကို စိုက်ကြည့်နေသည်တို့မှာ မျက်နှာမလွှဲ ။
"နွယ်က ဒီကို မေမေနဲ့ လာတာ အစ်ကို ရဲ့ ၊အခုမေမေက သူသူငယ်ချင်းတွေနဲ့ စကားလက်ဆုံကျပြီး နွယ်တစ်ယောက်ထဲကိုပျင်းနေအောင်လွှတ်ထားတာလေ ။ pemella နင်ကရော ငါ ခေါ်ရင်ကျ မလိုက်ပဲ နဲ့ကြည့်စမ်း "
နွယ့်မူက စနောက် ဟန်ပိုနေသည် ။ မှူးကတော့ နွယ့်ကို ပြုံးကာသာပြလိုက်သည်
"အကြာကြီးမနေပါဘူး ၊ ငါလဲ ခဏနေရင် ပြန်မှာ "
နွယ်က အစ်ကို့ ကိုကြည့်လိုက်သည် ။
"အစ်ကို စိတ်မရှိရင် နွယ်သူ့ကို ခဏခေါ် သွားလို့ရလား ၊ ဟင် "
နွယ်က မေးလေး တစ်ချက် ပင့်ကာ မေးလိုက်သည် ။ နွယ့်ရဲ့ ချစ်စရာကောင်းသော ဟန်ပန်ကို မည်သူမှ ငြင်းပယ်နိုင်မည်မထင် ။ သို့ သော် အစ်ကို့ ဟန်က အနည်းငယ်တော့ နှမျော တသရှိသည် ။
"ရပါတယ် နွယ်ရယ် ၊ အစ်ကို့ ဆီကို ၆နာရီ လောက် ပြန်ပို့ပေးရင်ရပါပြီ "
"ဟာ အခုမှ ၂နာရီရှိသေးတယ် ၊ အစ်ကိုပြောတော့ ခဏပဲနေမှာဆို ၊ နွယ်ငါ မရဘူးသိလား ၊ အလုပ်ကိစ္စရှိသေးတယ် "
