قدام الجامعة
صبا وهي تحاول تدق على مُهاب
مُهاب:هلا
صبا:وينك لي ساعه منطوعه عند الباب انكتمت تعال
مُهاب:يله جيتك مسافه الطريق بس
صبا:يله انا عند نفس البوابه اللي نزلتني عندها
مُهاب:طيب
بعد ١٠ دقايق
صبا:كان طولت ليه جيت بدري؟
مُهاب بضحك عليها:ههههههههههههههههههههههههههههه معليش ياختي الصغيره اللحين اعشيك واقهويك واراضيك
صبا:تم تم
———
في المطعم
مُهاب:هاه رضيتي ياجراحتنا؟
صبا:اي رضيت
مُهاب:كويس اجل
صبا:بنرجع الديره اللحين ولا الصباح؟
مُهاب:لا اللحين بعد مانخلص
صبا:زين
في طاوله ثانيه.
منصور:اقول عزوز
عزوز:هاه
منصور:هذاك مو كأنه مُهاب ولد عمتي؟
عزوز وهو يناظر في جهة مُهاب:الا والله هو الورع،غريب ليه جاي هنا لايكون احد صاير له شي.
منصور:لا شوف اخته معه اكيد عشان دوامها
عزوز وهو لمح صبا :اها اي اي نزل عيونك عن اخته
منصور :طيب بس خل نسلم عليه
عزوز:طيب،قوم
مُهاب اللي شافهم جايين له وهو مستغرب من وجودهم:ارحبوا
عزوز:البقى يابو آسر
منصور :البقى يالشيخ
عزوز:شالاخبار وكيف الاوضاع عندكم في الديره؟
مُهاب:والله بخير والديره تناديك
عزوز:بكره عند امجاد تدريب من الصباح للعصر وبعدها بنمشي
مُهاب بحب:اها،الله يوفقها ويسهل لها يارب
عزوز:امين يارب،الا وش جابك هنا عسى ماشر؟
مُهاب:لا والله الحمدلله كل شي زين بس صبا عندها اختبار وجينا.
عزوز:اها زين ،الله يوفقها
منصور:طيب وانا وش وضعي ماحد سأل عني؟
مُهاب وعزوز بضحك:مزهريه هههههههههههههههههههههههههه
منصور:قليلين ادب صدق
مُهاب وهو يقوم :يله ياشباب استودعناكم الله ولا تبطون عن الديره
منصور:اجلس شوي
مُهاب: لاوالله صبا تنتظر وورانا خط
عزوز:الله ينور دربكم وانتبهوا زين بالطريق
مُهاب:ابشر
منصور:يله توصلون بالسلامة يابو آسر
مُهاب:يسلمك ياولد فاهد
———
في سيارة المُهاب
مُهاب:سلام
صبا:وعليكم السلام
مُهاب:شفيك؟
صبا:سلامتك اخوي الحلو بس كان سهرت مع الشباب للفجر بعد
مُهاب بضحك:افا ههههههههههههههههههههه ،
صبا:اي!
مُهاب:معليش بس كنت اتطمن عن احوالهم
صبا:زين
مُهاب:تبين شي قبل نطلع؟
صبا:سلامتك
مُهاب:يسلم قلبك،زين توكلنا على الله
صبا:بانام اذا وصلنا قومني
مُهاب:ابشري بس تبين اجيب لك قهوه؟
صبا:اي اي
مُهاب :من عيوني
صبا:تسلم عيونك
———
في طريق الديرة
مُهاب يفكر في حبيبته ويتذكر سنينهم ويتمنى يرجع لوقت كان اكبر همه انه يجيب لها شي تحبه من البقاله ويفكر كيف كبروا وتغربو وبس صار يسمع طاريها مع انهم من نفس الديره والباب بالباب بس ماعادو اطفال يدوون في الحاره .. بعد فترة قصيره وصل الديرة والتفت على صبا
مُهاب:صبا ابوي!
صبا:هممم
مُهاب:قومي ياخوك وصلنا البيت ادخلي نامي داخل
صبا:يله
نزلوا من السياره وكل واحد راح لغرفته
عند مُهاب اللي تروش وبدل وطلع للمسجد يصلي العشاء اللي فاته من وقت..طلع الحاره متوجه للمسجد والظلام منتشر في حارته اللي ماتجمع الا اناس قريبين من بعض وقلوبهم مافي اطيب منها ،دخل المسجد وصلى وسمع صوت من وراه..صوت اخوه وصديقه وولد عمه(سعود)
سعود:الحمدلله على السلامه يابو آسر
مُهاب بابتسامه وهو يقوم يحضنه:الله يسلمك يابو الادهم
سعود:كيف حالك
مُهاب بتعب:على خبرك
سعود:افاااا ،لين متى بتعيش بهالكذبه؟؟
مُهاب:اي كذبه؟كذبه اني استدعيت شخص ماله دخل ودخلته في مهمة هو كان في غنى عنها؟؟
سعود:يومه!بتعترض على قدر ربك؟
مُهاب:استغفر الله واتوب اليه،انا قررت
سعود:وش قررت؟
مُهاب:برجع لمقري
سعود بفرحه:كفووووو،اي ذا ولد عبدالرحمن اللي اعرفه
مُهاب:كفوك الطيب ياولد عمي
سعود وش رايك ببريه؟
مُهاب:تم
سعود:يله اجل
خذو عزبتهم وطلعوا مسافره ٨ كيلو عم ديرتهم
شبو نارهم والشاهي وصاروا يطلعون اللي بقلبهم حق بعض
سعود:اطربني ببيتين يابو آسر
مُهاب:ابشر بسعدك
—
حتى ولو غبتي وراحت بك أعوام
مكانك بـ قلبي ولا أحد يطوله
حب الطفوله ما تغيره الأيام
وأصدق شعور الحب حب الطفوله
—
سعود:صح لسانك يابو آسر
مُهاب:صح بدنك يامحزمي،عطني واحده انت
سعود بتنهيدة :ابشر
—
هانت عليك ايام وسنين وشهور
ذكرى السنين انهيتها في دقيقه
ليه الزعل من عقب ما كنت مسرور
ليه الحبيب يخون ذكرى حبيبه
من طيب قلبي ما اعرف الف وادور
صدقت كذبك واحسب انه حقيقه
عاهدتني واثر العهد زور في زور
خنت العهد بعد العهود الوثيقه
—
مُهاب:صح لسانك
سعود :صح بدنك،زواجها بعد اسبوعين
مُهاب:مين؟
سعود:لمى
مُهاب:مانسيتها ياخوك؟
سعود:شلون انساها وهي علقتني وتركتني
مُهاب:ماتستاهلك
سعود:عطيتها قلبي وكسرتني وش سويت لها عشان تكسرني هالكثر!
مُهاب:حاب تتكلم؟
سعود:اي
مُهاب:انا معك قول
سعود:بدايه زواجنا كنت مو متقبلها ولا ابيها ولو مو اصرار امي ماكنت بتزوج وانت تدري بس بعد اقل من شهر كسبتني وكسبت قلبي وعطيتها كل شي عندي وسافرنا اعتمرنا وقالت لي تبي جدة قلت لها من عيوني وديتها وقعدنا ثلاث ايام وفي يوم جتني قالت تبي تنزل تتمشى وقلت بانام ونزلت وبعد ساعه خفت عليها لانها طولت وقمت نزلت للكوفي اللي قريب من الفندق وسمعتها تكلم رجال وتتفق معه على اشياء ياليتني مت وماسمعتها،سحبتها من يدها وطلعتها لغرفتنا وانا احس روحي بتطلع من كلامها
قبل ٦ اشهر في الفندق
سعود بعصبيه:من كنتيي تكلمييين ياابنت الكلبب هاه؟؟
لمى بخوف:ماكنت اكلم احد
سعود وهو بيذبحها:كيف ماكنتتتتيي تكلمين احد احد ومن حبيبي هااهه؟؟؟تكلمي مييينن؟
لمى:ماعرف عن وش قاعد تتكلم
سعود بقهر:شسويت لك فهميني؟؟ليه كسرتيني كذا؟عطيتك حبي وقلبي وصديتيها ليه وافقتي علي وانتي تحبين غيري؟؟؟؟فهميني وش سويت لك عشان تكسريني كذااا؟؟؟كل ذنبي اني حبييتكك حتى حبي لك صار ذنب
لمى وهي خايفه من شكل سعود:انا انجبرت عليك ماوفقت برضاي تفهم؟؟انا مجبوره عليك ولا انت اخر شخص افكر فيه واي اللي كنت اكلمه حبيبي وانت ولا شي قدامه تفهم؟؟
سعود وعيونه تطلع شرار:يالخسيسه يابنت الكلب ،امشي قدامي بسرعه وانتي طااالق ولا عاد المحك قدامي تفهمين
لمى:ابرك الساعات وفرقاك عيد ياولد الديره
بعد ٥ ساعات في الرياض
بيت جديد .. تعريف
((بيت العم نايف(ابو سياف)
زوجته(ام سياف)متوفيه
عيالهم
سياف:٢٦سنه اعزب ..محامي
لمى:٢٢سنه منفصله))
في المجلس
ابو سياف:وش فيك ياسعود عسى ماشر وش الحاصل بينكم ووصل الموضوع للطلاق يابوك؟
سعود:ياعمي انا وبنتك مافي بيننا اي اتفاق ولا ابي اظلمها معي واظلم نفسي معاها الله يوفقها مع غيري لاكن انا ماقدر استمر معاها وبكره يصير بيننا عيال ولا نعرف ندير حياتهم زين دامنا في البدايه الله يوفقها ويستر عليها انا مطلقها
سياف:كيف تقول كذا؟؟لازم يكون في سبب مو كذا من الباب للطاقه يابو الادهم اذا الغلط من بنتنا لك حقك واذا الغلط منك وضحه لنا
سعود:انا قلت اللي عندي بنتكم وصلتها عندكم وورقتها توصلها
ابو سياف:الله يوفقك يابو الادهم
سعود:استودعتكم الله
سياف:مع السلامه
————————
سُبحان الله ، والحمد لله ، ولا إله إلا الله
والله أكبر ، ولا حول ولا قوة إلا بالله.
