*فطم تعاي عالسناب لا تكسرين گلبيي*
شباب هاي مو الكم هاي شغله بيني وبين فاطمه
هيهيهيهيهي انتو متعرفون شديصيرررر
خلي الفضول ياكلكمم
طبت يمي ولسانها انربط
هييي ياربي سترك انت شتسوي هنا!!
امه لأمير گالت
بما انو گمر لا وقعت على عقد ولا شي. فهاكم هذا المحبس. وگمر. اذا ميزوجونياها بعد ما ياخذوها. هسه راح اخمطها منهم كتهديد لحد ما يتقبلون فكرة انو تكون ✨گموره✨ مرتي.
گال وحط المحبس عالميز
وشالني شيلة العروسه وراح گبل لسيارته وذبني بالمقعد الي بصف السايق(الصدر)
وگبل راح لمكان السايق
شفت الحراس الباقين كلهم يلحگونه قبل لا نحرك
حسيت نفسي بفلم اكشن واني اميره خطفها فارس الاحلام
بدينه نحرك بالسياره والحراس رأسا گامو يلحگون ورانه بالسيارات
الاي فتح الجامات والهوه گام يضرب بوجوهنه
هاا؟! شلونها الخطفه؟!!
الاي گال
اني گمت اضحك وابچي بنفس الوقت
الاي ما توقعتك گعدت!!
اني گتله وگمت ابچي
لچ والله ما اگدر اشبكچ هسه اذا اوگف السياره يجونه.. بس نضيعهم اوديچ للمكان الي حاخطفچ بيه واسوي بيچ كلشي يعجبني
الاي گال وهوه يصيح لأن ما اسمعه زين
تسوي بيه كلشي تريده؟!!
اني گلت
اي واذا تعترضين اكتلچ!
الاي گال وگام يضحك
باوع من الجامه شويه
ضيعونهه!!
الاي گال ورأسا گام يمشي طبيعي مو سريع
استدار علمود يروح للمكان الي محد يدري بيه
گمر ما تدرين شگد اشتاقيتلچ! بالمناسبه. صارلچ شگد مشايفتني؟؟
الاي گال
فد تلث ايام.
اني گلت واني امسح بدموعي
تلث ايام؟؟ شنو كليوم تزوريني؟؟
الاي گال
اي كليوم ازورك بس بعدين امي مخلتني.
اني گلت وبالنهايه خنگتني العبره وگمت ابچي
اگول ليش اختفه الشخص الي چان يكمش ايدي كليوم!! باجي بعد ما احاچيها لحد ما نتزوج
الاي گال
شباب باجي يعني زوجة العم احنه نصيحلهن هناك هيچ
الاي ظل يحچي يحاول يغير جو الاكتئاب الي اني داخله بيه
لحد ما وصلنه لمكان
بيت چان بغابه تخبلل
وبحيره صغيره يم البيت
نزل الاي واجه فتحلي الباب
ولبسني جاكيته لأن چانت بارده وشبكني وگعدنه نباوع عالبيت
