هلا حبايب قلبي بارت جديد ونار وباللهجة العراقية همات 🔥❤
مو بالكلب بالروح أرد أنا اضمك
شحده اليكول انساك وتخلا عنك
بيدي أرد أشيل الروح ورميهه يمك
يل مختلط شريان دمي وي دمك
#مِن_عرفتِك_والليالي_كلها_مُختلفه
🔥❤
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في الصباح كعدت وانا تعبانة وقلقانة على جدي وخايفة بنفس الوقت حسيت امي همات تعبت وماكدر اخابر على بابا علمود يرجعها للمستشفى ما طلعت علينه عزيمه
فاطمة: امس الليل كله ما نمت بسبب التعب واتقيئ دم حاولت اسلك لوضعي بس ماكدرت بسرعة اتجهت لــ ود
ود: ماما شبيج اخابر بابا ماما احجي
فاطمة: بصعوبة طلع الكلمة اي خابريه خلي ياخذني للمستشفى
ود: تمام هسه اخابر لبابا
الوقت جان ب6 الصبح جانُ كلواحد بغرفته ماعده جدي الجان بالمستشفى
رحت اتصلت على بابا بسرعة
ود: بابا تعال فدوة علينه ماما كلش متخربطة وجاي تتقيئ دم
محمد: خوش بابا انا جاي شربيها دواء
ود: اكبر مخاوف الانُسان أَنْ يفقد أمه لان الام هي الحضن الوحيد الدافيء وهذا جان اكبر مخاوفي بالدنيا كلها ماعندي غيرها رغم مرضها بس هي حنينه بكل الوقت.
في الصباح الاخرُ عند زمرد جان حزين
جانت منومه خالد بحضنها رغم تصرفاته وتعامله ألا هي لطفية وترحمه بهذا الموقف نام بحضنها بلا ارادي كاالطفل النايم بحضن امه ويحاول مايفقدها هو جان هيج هو يحب الجد اهواي لان هو اول حفيد والمدلل
زمرد: كعدت على حيلي علمود أمارس حياتي رحت دخلت سبحت جان الوقت ب8 سويت ريوك معنو اعرف ماراح احد يتريك وسويت ريوك خاص لخالد لان ما ماكل من فترة خدرت جاي وخليته على الطباخ وطلعت فوك كعدت ليلى سبحتها ولبستها ملابس نزلتها جوه تتريك وشغلت التلفزيون ألها علمود تكعد
بعدها رجعت صعدت فوك دخلت للغرفة شفت خالد بعده نايم
زمرد: خالد اكعد تريك مايصير هيج علمود تروح لجدك
خالد: اول ما سمع اسم جده بسرعه كام يريد يبدل يطلع
زمرد: اشبيك اوكف اتريك وجهك اصفر
خالد: عوفي الريوك جدي لازم اروحله
زمرد: اي تروحله بس اصبر سويتله لفة جبن على السريع وحليب خليته غصب ياكل هو بسرعة نزل بدون لا كلام ولاشي نزل اخذ سويج السيارة وراح للمستشفى
كعدت كرار (راح اسميه كرار افضل من كيڤن)
بدلتله وشربته حليب ونزلته جوه يلعب هو وليلى
رحت لغرفت ود ما لكيتها ولا خالة فاطمة رحت بسرعة اتصلت على ود
زمرد: الو ود وينج وين خالة فاطمة
ود: ماما بالمستشفى متخربطة ماعرف شسوي خايفة عليها
زمرد: حبيبتي لاتخافين ان شاءلله ماكو شي اخابر على احد من الولد
ود: اريد وحدة يمي ماتكدرين
زمرد: اتمنى أجي بس ماكدر أخلي لجيُن تجي
ود: اي فدوة
