خذني يمك
گبُل لا يخلص صبُرنا
ويطفى دم وجُوهنا
وتطلع صفر
خذني يمك
بعد ماظل
كُل عذر لا تعتذر
خذني يمك
گبُل لا يم الصفر
ينحط صفر
➴➶➴➶➴➶➴➶➴➶➴➶➴➶➴➶➴➶➴➶➴➶➴
زينب _ كلش جنت خايفه اخاف تصير سالفه من وره ام حسام بس حسام يعرف شلون يستغلها وهيه كذاك مستغله بعد تفكير وخوف وقلق بس استلمت لازم اكوم بين الفرحانه راح اشوف حسام وبين خايفه كلشي ينفضح كدام اهلي بعد كلت يارب عليك خل اكوم كمت من فراشي نزلت جوه وجهي كلش تعبان إهمالت دراستي ونفسي كلش شافني بابا استغرب انو هاي اني.
علي _ هلا نورتي شني منين اجت الشمس
زينب _ هههه شمس منو
علي _ انتي يروح ابوج وينج مانشوف وجهج الحلو شبيج
ام زينب_ يعني انته ماتعرف خبالات زينب من تصير نفسيه تحبس روحهه عبالك سجن
زينب_ اويلي شراح يخلصني اليوم
علي _ منين ولج
زينب _ منكم
علي _ يلا ميخالف نسامحج لان نفسيه انتي كلش معذوره بويه
زينب _ يروحي انت الفاهمني صح
ام زينب _ سمعت يعيني بنتك
علي _ شبيه بنتي جنهه البخت
ام زينب _ لا هيه جنه البخت اكيد بس بتك ماتقبل تروح لبيت حسام أكله عيب الولد طالع من سجن واجبنه نروحلهم وهيه قافله
زينب _ يي لعد منو الكالكم اروح
علي _ لا بابا حبيبتي ميصير عيب لازم نروحلهم بعدين حسام مثل اخوج من عدنه وبينه الولد ربته بيدي وثنيكم نفس لعمر ليش ماتروحين
زينب _ يي اعرف ياروحي بس مالي خلك
ام زينب : ليش صاير شي وهيج رافضه؟
علي _ اي اكو شي صاير كليلي
زينب _ لا شكو مثلا ماصاير شي ولله بس شويه مالي خلك ماروح
علي _ اي يابنتي نروح هناك غير جو وزحمه ماتروحين
ام زينب _ اي يمه كولي يالله ومناك نروح للمتكبه اخذي الكتب الترديهن
علي _ هاي هيه بعد شتريد الاميره مالتنه
زينب _ ههههه احبكم الله يخليكم اليه
علي _ يلا كومي رتبي روحج حته نروح
زينب _ ان شاء الله حبيبي
.
ام زينب _ ولله مادري شبيه هاي لبنيه هامله روحهه ودراسته ومتعبه نفسهه شبيدي عليه
