موجات الازيرق "الاصليه"

الموجه الثامنة

بقلــمي؛ سـاره السلمـان

لا تنسون التصويت والتعليق بين الفقرات

🌷⚫⚫⚫⚫⚫⚫⚫⚫⚫⚫⚫⚫⚫⚫⚫⚫⚫🌷

رسل

.بعد ما عمي وابوي خلصو من كتلتي طلعو واكيد مثل كلمره اسوي غلط مع انو هو مو غلط .بس عدهم كلشيئ اسويه او احجيه هذا غلط وممنوع

ضليت بغرفتي جسمي متكسر تكسررر مااكدر اتحرك منا لمن تعبت من التفكير والضرب وأخذنا النعاس للنوم

كعدت علئ صوت امي وهيه تكعدني .ضليت مسويه نفسي نايمه واني اسمعهه تكول
.. انتِ ما توبين شوفي شمسوين بيج موتينج كم مره اكلج لا تردين عليهن لا تحجين شيء تدرين بابوج ايشي يسمعه عليج يكتلج

هو انتِ كم يوم رايحه لبيت رجلج كافي ياامي شكد تحبين العرك شنو انتِ هسه هيه شكالتج وهيج ضربتيها .
والله تستاهلين من ابوج وعمج هيج كتلوج

.نرفزني كلامهه حيلل كمت علئ حيلي شبيج مماما شبييج يعني هسه انتِ صافه وياهن وبعدين ترا مو اني الكتلت اني النكهات منهن ومن رجلج وعمي

_ حتلو تجملي هنه كم يوم وتروحين لبيت رجلج ترتاحين

_كلساع وكلتي بيت صخمانج ترا موتيني يا اامي يعني يجاوزن عليه ومطيحات حضي واني لازم اسكت واني الممنونه

_لازم تسكتين مجبوره حته ابوج ميكتلج

_هسه موهذا اجه خابص البيت خبص والله لان تعاركت وي بناته
لعد ابويه ميسوي هيج

_ابوج وحد ويالله كومي راح يجيبون ابن عمج كومي خلنضف البيت لان راح تجينه ناس

_مو كالو بعد ميطلع لعد  شو اليوم طلعو

_لا هو مايحب ريحه المستشفئ

_ياعيني وعلئ ريحته الجايفه حته مايحب ريحه المستشفئ

_انجبي ولج مايصير تحجين علئ ابن عمج هيج احترمي ادبسزز
ويله كومي غسلي وجهج صاير خريطه من الضرب
بس يفيد ما يفيد تضلين لسانج طويل

_اي كايمن وجهي خريطه من رجلج وحماج همه سوو هيج بيه

.راحت امي واني بالكوا كمت مااكدر جسمي كله متكسر وخاصه اني جسمي من النوع الترف بسرعه تبين بيه الاثار

كمت للحمام اخذت ملابس ودخلت باوعت بوجهي بمرايه الحمام صدك من كالت ماما صاير خريطه

فتحت الدوش وخليته حار جسمي كام يحركني
سويته بارد ثلجت سويته دافي رجع هم ةجسمي يحركني روحي طلعت علئ ما كملت

لبست ملابسي بسرعه  لان  امي خبصتني خبص
مشطت شعري شلون مجان وطلعت لكيت ابن عمي جايبينه

مخلينه بالاستقبال لان الناس تجي
رحت للمطبخ سفت امي كالت تعاي ودي ماي للخطار

كتلهه منو هنا