انذار الحب

صدفة

كانت في طريق العودة للمنزل بعد يوم جامعي طويل فتاة جميلة تدعى "سيرين " نزلت سيرين من سيارتها الفخمة لتمشي بخطوات سريعة وتم تم في نفسها " وقتاش نوصل لدار رح نموت " وفجأة تصطدم ب شاب طويل   القامة وسيم للغاية لتتألم وتقول " وشبيك ماتشوفش قدامك اااا راسي " نظر الاخر إليها بنظرات طويلة ثم قال " سمحيلي ماشفتكش " نظرت له بنظرات غاضبة ولطيفة لتقول " ايه ايه معليش اوك " لينطق الاخر " وش رايك نعرضك لكاش بلاصة اعتذار يعني اعتبريه " لتقول الأخرى ايه ايه اوك ان شاءالله" كانت ستذهب ليوقفها الاخر قائلا " ماقلتيليش وش اسمك " تأففت الأخرى  بادية انزعاجها منه لتقول "سيرين اسمي سيرين تسحق حجا وحدوخرة؟" لينفي الاخر بينما هو غارق في تفاصيلها " لالا والو انا اسمي يونس " لتقول الأخرى " خيار ناس انا لازم نروح غدوا الخطبة تع ختي " ليقول الاخر " انا تان غدوا الخطبة تاعي " لتردف الآخرى " مبروك عليك " مر ذالك اليوم ليأتي اليوم الذي بعده ذهبت سيرين لتلتقي بأختها التي اشتاقت لها كثيرا لتقفز فوقها " نيرااااااااااان توحشتك " استدارت الأخرى وعلامات الحزن بادية على وجهها " سيرين جيتي كنت نسنى فيك ختي غير نتي الي نقدر نشكيلك همي " انصدمت سيرين من حال اختها لتقول " وشبيك وشبيك وش صرا علاه راكي زعفانة ياك حكاية خطيبك الول خلاصت وربي عوضك ورح تتزوجي و ان شاء الله يكون خير من اللول " قالت نيران بينما الدموع في عينيها " سيرين بابا حاب يزوجني بسيف بواحد مانعرفوش وهاذاك خو يانيس علاجال خدمة بيناتهم هو وبابات يانيس انصدمت سيرين لتقول " وشبيه بابا هبل دك نروح نهدر معاه ونشوف وشبيه" ذهبت بغضب لمكتب والدها لتدخل دون استأذان لتقول " بابا وشبيك هبلت كيفاش حبيت تزوج ختي لخو هذاك الي مايتسماش " استدار والدها ليقول " ايه بنتي لعزيزة الصغيرة تع دار وقتاش جيتي وهكا ناس يشوفو باباهم بعد مدة لا سلام لا والو  لتغضب الأخرى اكثر وتقول " بابا ادم هو الصغير تع الدار وايه هكا انا نشوف بابا قولي علاه راك دير هكا لنيران ماهيش حابة خليها على راحتها " ليتنهد الأب ثم يقول " اسمعيني يابنتي انا راني ندير هكا إجباري عليا ماشي برضايتي قبل ماتزيد ختك نيران كنت متافق مع واحد م صحابي نزوج بنتي لوليدو مقابل يعطيني الأرض تاعو وهو وافق وبعد الشي الي صرا قبل 8 سنين مع وليدو يانيس وبعد ماكسر قلب بنتي مازاد بأن عليهم والو ولا حتى فسرولنا سبب تع العملة تاعهم ودك حب يزوج وليدو يونس ل نيران باش نطبقوا الوعد الي بيناتنا" خرجت الأخرى دون تفوه اي كلمة لتصطدم ب الطويل الذي قابلته امس نعم يونس لتقول " ايهيه نتا نقعد غير نزدمو في بعضانا ديجا وش راك دير هنا " اليوم الخطبة تاعي ياك قتلك لبارح بصح نتي وش راكي ديري هنا " راني في دارنا واقيل ماعجبتكش يا سي محمد وزيد اليوم الخطبة تع ختي " لتستوعب الأخرى ثم تقول " اااااا تسمى نتا هو يونس الي رح تتزوج بختي خو هذاك الي مايتسماش" بقي يونس شارد الذهن غارق في تفاصيلها الطفولية الجميلة نعم لقد وقع بالحب كان يونس رافض فكرة الزواج من نيران لأنه لا يعرفها إضافة إلى انها حبيبة أخيه السابقة افاق  من شروده على صوتها " ودك تبقى واقف هكا خليني نجوز " ابتسم  يونس ابتسامه تكاد تشق وجهه ثم قال " جوزي يا الأميرة جوزي سمحيلنا "