هـوس السـديـم

part..1

الكـاتبـه: زيـنب الحـسن

        ثقل مـيزانـك:
بـسم الله الرحـمـن الرحيم
اللهم صلي على محمد والي محمد
الحـمـدلله ربي العالمـين

يـم مـرايتـي يكثـر حـديث
الغـيض لبـوه تعـاين لـ لبـوه
___________________________

في صباح ليلة فبراير الهادئه اصوات زقزقه العصافير نسمات الهواء البارده صوت تلاوة القران
الكريم بصوت القارئ عبد الباسط

كومي ماما تأخرتي على الدوام
مو كتلج لتسهرين متسمعين كلامي
اهوو اي امي اي اجيت هسه اله يخلون الدوام الصبح مو حته نفسي لعبت كرهته للدوام كرهته

سديم: كمت غسلت وجهي وفرچت
اسناني وبدلت ملابسي ماما كملت وينج

جُمان: ها امي يمج اني هنا بالمطبخ
داسوي ريوك الأبوج تردين اسويلج

سديم: لا ماما ما اريد

جُمان: لعد يلا لبسي حذائج لبين
مايكمل ابوج اكل حتى ياخذج

سديم:ماشي ماما
لبست حذائي وعدلت حجابي واخذت كلينكس وبطل المي مالتي الي ما اكدر استغني عنه وكمت لمن صاحني ابويه

امير:وينج سديم بنيتي حبيبة ابوها كملتي

سديم:ها بابا حبيبي اي كملت يلا نطلع.؟

امير:اي يلا بنيتي

طلعنا للكراج ابويه شغل السياره وصعدت طلعت دعاء الصباح حته تنفتح بوجهي ويتسهل الي الامتحان الي اموت منه الانكليزي عندي عقده نفسيه كلولي انتحري ولا تقرين انكليزي وصلنه للمدرسه ودعت بابا ونزلت اول ما طبيت
صارت بوجهي عينـاي

سديم:لك هلا بهالصباح الجميل شنو هل حسن متكليلي

حـور: هلا بيج عزيزة عيوني مو الهالدرجه جميله اني لتبالغين

سديم: دكلي عسل غير عيونج اخضر من شجرنه وشكارج هذا جنج كيمر عرب

حـور: بس ابقه مو بجمالج

سديم: هواي تلوكنه البعض مو؟

حـور: ههههه بالضبط تفهميني المهم  بشري قريتي لا ترا كُلش صعب اليونت الثالث والرابع شنو هاي

سديم: اسكتي خيه خليه سكته غير البارحه ردت اتخبل تاليها شمرت الكتاب ونمت

حـور: يا لعد شون متجاوبين هيج عزا بعينج سديم

سديم :يمعوده خليه على الله وام البنين ميخيبون ضني

حـور:انشالله يارب نجاوب كلنه شنو هاي ولله هواي امتحانات يمته نخلص

سديم:لعد شنسوي خيه هذا هم حضنه

حـور: اي ولله يلا دك الجرس خلي نفوت لا تجينه هناء تضل تعد وتصف علينه

سديم:ايعع اموت منهه لتجيبين سيرته من الصبح عليج الله

حـور: اي ولله اني هم مثلج.

سديم:
دخلنه للشعبه قبل واجت المدرسه وصارت تشرح النه بمادة الرياضيات الي ماعندي عداوه وياهاا ما اعرف ليش وخلص الدرس وطلعنه اني وحـور للساحه

حـور:اكلج سديم يعني معقوله انتِ ماعندج لا عمام ولا خوال شو لحد الان ممستوعبه

سديم:اي ولله اني هم بس ابويه يكول كلهم ميتين وماما تكول ماعندي لا اخوان ولا اخوات واهلي ماتو بعد ما اعرف

حـور:اهاا ولله ماعرف بس احس اكو شي بس اهلج ضامينه عليج ماعرف ليش

سديم:اني هم احس هيج
بقينه نسولف اني وحـور واجه الدرس الثاني وامتحنه وخلصت من الانكليزي وكملنه ورجعت للبيت

سديم:ماما جُماني وينج ضوه عيوني

جُمان:ها حبيبتي بنيتي هنا اني شلونج جاوبتي بالامتحان.؟؟

سديم:اي ماما زينه شنو مسويه غده ميته جوع.؟؟

جُمان:سويت اكلتج المفضله دولمه وزلاطه هم روحي بدلي وغسلي وصلي لبين ما اصبلج غده

سديم: الله دولمه عشقي يلا لعد تمام ضوه عيوني ابدل واصلي  وارجع

رحت بدلت وغسلت وصليت ورجعت وصبتلنه نبع الحنان دولمه وزلاطه واكيد ما تخله الكعده من الببسي اجه ابوي هم كعد ويانه

امير:شلونها حبيبت ابوها بالأمتحان اليوم

سديم:زينه بس جانت الاسئله صعبه كُلش بابا مدري شبيه المُدرسه ويانه

امير:ميصعب عليج شي انتِ بنيتي اعرفج كدها وراح تحيبين درجه زينه

سديم:اكيد بابا

كملنه غده وشلت المواعين للمطبخ وغسلت وامي سوت الابويه چاي واني رحت اخذت قيلوله الضهر وكعدت على صوت التليفون

سديم:اهوو منو ديتصل بيه هسه
رفعت التليفون شفته حـور الوو ها حور شتردين خربتي احلا نومه بالتاريخ

حـور:ياا بعدج نايمه سديم لعد سوكت تقرين عزا بعينج الساعه
بـ7

سديم:حـورر الساعه بـ7 ومكعدتني
خرب حضي الاغبر ولج يغبره ميته نعاس وهسه انتِ طيرتي النومه شبيج بنت الحلوه

حـور:وجع شبيج مو زين اكعدج اوي سوي زين شر مايجيك

سديم:محد عتب عليج وكلج تعالي كعديني

حـور:تمام لعد انتِ كملي نومتج اني رايحه ماما صاحتني

سديم:ماشي بايي
كمت غسلت وعدت نفس الروتين وقريت ضليت اقره لحد ما اجاني اتصال من رقم غريب وانصدمت بي

سديم:الوو منوو

المتصل:الوو ويايه سديم امير!!

سديم:اي نعم تفضل منو حضرتك؟

المتصل:وياج ابن عمج محمد اسمي يوسف

سديم:شنووو!!

دُمـتـم سالـمـين..
___________________________

شرايكم بنـات
لتحكمون على القصه من البدايه
تصويت على القصه اريد تشجيع لأنو هاي اول مرا اكتب روايه وانشالله القادم افضل😔😂🤌✨