أسيرة حرب

p10😉

ونعود اليكم
اسراء بديت اكل وصار منظر رائد
والمسيحيه ووجهه خالق ضليت صافنه صديت على
اهلي وجوهم تضحك ويسولفون ويضحكون
طرحت الخاشوكه وسويت روحي اريد اشرب مي
وبتعدت
ابوي :ليش بويه اكلي
اسراء والله ماشتهي اريد انام
امي لا يمه اكلي مزين عليج صايرة جنج عود
اسراء لا والله ماشتهي لو جعت اكول
كلت بكلبي
تعبانه اريد انام ضليت اعاين على ابوي الي وجهه شاحب تعبان
وامي الي حالهه ينبجي عليه ومصطفى كبران وطالع بي شيب اركان هم كبران بس يخبل شخصيه
سكن كلبي وماطلعه هاذا الروح
نعست كلش وغفيت مادري بروحي

چن خالق طاب علينه البيت حط سلاح براسي وضحك واني طفرت طفرة وعيت لني بالبيت وامي نايمه بصفي وعمتي هم واني بغرفت امي وبوي
عاينت ساعه 2 بليل
كمت الجو هدوء اسمع واحد يصلي عبالي ابوي
طبيت الستقبال لكيته اركان يصلي عاينت ساعه 2
صلات ايش هاي هوة نتبه عليه بس كمل صلاته ماهتم
اني شفت ابوي نايم اجيت يم ابوي كعدت اتمعن بملامحه فرحانه لان ارجعت فرحتي متنوصف اريد انام بحضن ابوي بس جسمي كله يلچمني بس اجيس احد صديت علىى اركان هوة يصلي ساجد ويسبح فطنت اني حتى صلاتي نسيته صوم ماكو
كلت بصوت عالي
اسراء والله ذكرتني بصلاه
نسيت حتى العبادات المفروضه علينه
تنفست وسكتت رجعت اعاين المسلم نايم علىى صفحه اخوي زود فدوة الخلقته
كمل اركان صلاة وكال
اركان ؛اشعندج ؟
اسراء :ها 🤨
اركان ساعه 2 ونتي كاعدة سولفين وياهم وهمه نايمين صاحيه انتي
اسراء وصلات شنو هاي تصليهه
اركان ضاهر داعش اثر عليج كلش صلات اليل هاي
اسراء احااا صدك؟
نسيت والله
اركان كافرة انتي
اسراء: الله يعذر ويدري شصار بيهه
اكلك عمي شلونه
اركان بغصه  الله يرحمه برحمته
اسراء:مااااات؟
اركان اسسس صوتج
صارله 3سنين
متوفي
اسراء عزه بعيني
كعد ابوي
ابوي وهوة مفتح عين ومغمض عين ها بويه خو مابيج شي
اسراء لا بس مانعس اجيت اشوفك
جر راسي الصدرة فدوة الهل وجهه
الحمدلله رجعتي بسلامه
اركان ساعه صارت 3متشوفين امي خل نمشي
ااسراء هاا تمشون
ابوي تعطلو اليوم عدنه عشه وباجر روحو
اركان عمي والله اجيت علمودك وعندي الف شغله
وبيتنه تايه
اسراء :اذا جيته علمود ابوي ضل علمودي 😍😉(((عديمه حيهه))
اركان بضحكه خفيفه
☺️انتي نعزمج وتجين وانتي ممنونه بس والله ناس تخابرني وكلش هواي عندي شغل
اسراء ؛براحتك 
صبح الصبح ومشو اركان وعمتي
ابوي راح يسوك يريد يسوي عشى الوجه الله
وامي طايرة ومرتاحه
حسيت اني شكد غاليه عليهم  خالاتي يخابرن يسئلن
على اخباري
جيرانه اجو سلمن وراحن بس كل هاذا واني كلبي مامرتاح من ناحيه داعش معقوله خلصت منهم
كابوس مستحيل اخلص منه اجه واحد من جيرانه معتبرته عمي عود
سلم عليه وتحمدلي على سلامه وكال
عبالنه شردتي وي واحد وسواهه بضحك
اني شبت روحي الخلقهه وعرفت ناس ماخذة نضرة مو زينه عليه عبالهم ناهبه لو عاشكه لو مزوجه
اني نصدمت من حجايته ضليت بس مخنزرة عليه
شفت  ابوي ساكت
مشه كلت ليش مادافعت عني
عجبك حجيه
كال الچلاب تنبح ومحد يكدر يسكته
اسراء لا بوي تسكت الجلاب اذا واحد حط طلقه براسه ضجت وكمت رحت يم امي اجه مسلم
وجايب علاكه زغيرة كال هاي هديه الج
اخذته وبسته براسه طلع تليفون وسيم كارت
رجعت حسابي ورجعت رقمي رجعت الصور
الي مصورته وي فريقي الله يرحمهم 😭
بجيت عليهم لمن صفه راسي كافحت هواي حتى اطلع بنفسي والله مضيع تعبي بس مدري كلبي ممرتاح
مرت اسبوع شتاقيت الكربلاء والامام العباس وكف هواي وياي اريد اروح وازورة وشكر منه
كلت الابوي وامي كال ابوي
بويه اركان خابرني وكال مع ومين مسوي عزيمه ويريدنه نروح وماكدر ارفض وانتي تردين زورين
اسراء بويه ازور كربلاء وبعدين اروح البصرة
ابوي باجر اريد روح
اسراء بويه فدوة الوجهك باجر انروح الكربلاء والجمعه نروح البصرة
كال
ابوي فشله من اركان هوة يكول الخميس عشه
خابر على اركان واني احاجي وخلي يأجل عزيمته
ابوي والله خوش يشتغل عدنه لا نروح البصرة ونرجع نروح الكربله
واخطف تليفونه من جيبه واشرد بي هوة يصيح عليه فشله من الولد بويه عيب
كتله شنو اسمه
كال بويه عيب
اسراء بويه شنو اسمه
ابوي :الشيخ
اسراء :دكيت عليه دك مرتين نوب رد
اركان الو
اسراء السلام عليكم
اركان وعليكم سلام
اسراء اني اسراء عرفتني
اركان هه واني اكول صوت منو اي شلونج
اسراء الحمدلله اكلك
اركان كولي خير ان شاء الله
اسراء انته عازمنه باجر
اركان اي ليش بس لا متردين تجين
اسراء لا مو ماريد اجي بس اريد ازور كربلاء وابوي ميقبل يكول اركان اوله
شتكول انته
اركان لا عمي كربلاء اوله اني متنازل
ابوي مخنزر عليه كتله
اسراء يعني تاجل عزيمتنه
اركان  هوة علمودكم سويته
ااجله ليش لا
اسراء طلعت من لا ارادي فدوة الكلبك هاذا ابوي يريد يحاجيك
حاجا بوي وتعذر منه وسد تليفون ضليت اضحك
اؤتاحيت سمعت صوته طلعنني من عالمي
كلبي لو حاجيه يكوم يدك سريع وصير عندي طاقه ايجابيه
رحنه اني ومصطفى الكربلاء ماخليت ابوي وامي يرحون
اريد انفرد بس اني ومصطفى 
وصلنه الكربلاء من شفت كبه الامام كلبي انفجع
كمت ابجي لا ارادي  واحجي
شفت يالعباس اشصار وياي شفت الي مريت بي
مشكور على وكفاتك وياي اطلع جلبه اذا انكرهن
مشكور يا ابو فااااااضل
اريد امشي الحسين عليك تقويني واتخلص منهم
دوم سكتت ومصطفى زار وطلع واني هم طبيت زرت الامامين واجينه نمشي ونشتري حلويات
والعاب اجه واحد يم مصطفى   
   كبل كال الحمدلله على سلامه اسراء
        اني ماعرفه عبالي من اقاربنه ومصطفى
     ضل صافن عليه عبالي يعرفه
كتله الله يسلمك
   كال خالق هم يتحمدلج على سلامه ومشه بهمه
اني من كالخالق اعضامي كلهه بادت طحت الكاع 
ورجليه كمت ماشيلهن مصطفى شالني وكعدت على
كرسي جابلي مي كال شبيج
اسراء مصطفى خل نطلع منا
مصطفى غير اعرف من. هاذا الي سلم عليج
اسراء ماعرفه خل نمشي
ضليت امشي وتلفت دخيلك يا علي يعني خالق عايش اني شفته رائد ضربه طلقه وطاح بالكاع
ماخاف على نفسي بس مصطفى وياي خاف يصير بي شي من وراي
وصلنه الكراج
ضلينه نص ساعه وقبطت سيارة
مصطفى يلح يريد يعرف من. خالق
شون اكول خالق الي طيح حضي خاف اكول وصير سالفه جبير لو اسكت احسن

........يتبع