آلمِــــــــلاچة

اعلان

#المــــــــلاچه

#fatima Al najam

دكيت باب المكتب بكل رقه عكس الي جوايه

وائام - ادخل

روُيا - مساء الخير

- أهلاً تفضلي

- اعرفك بنفسي أنا المحاميه روُيا حاصله على شهاده بكالوريوس قانون

_ أهلاً ، تردين ادبرلج تعين

_ لا شكراً ، بس جاي على موضوع خاص

_ وهو

_ استاذ وائام اء

_  الشيخ وائام

_ شيخ ؟؟ اممم تمام ، شيخ شيخ ، شيخ وائام أنا حفيده حچي عبد ، صاحب الأرض  الي انتم حالين كاعدين بيها

وكف بصدمه وصار يبلعم :- هاي كاع جدي

_ لا شيخ هاي ارضي وكاعي وهذه سند الطابو عندي هم اقراهن هاي الكاع ملكي ابً عن جد  ، اخذهن وشمرهن ب الكاع

- وهسه شتردين

- حجيت ب برود :- اريد كاعي

- منين نجيب كاعج هسه ، كاعج صارت بيوت

_ والله صارت بيوت صارت قصور مشكتلكم ، أنا صاحبه الأرض واجيت أطالب بحقي

_ انتِ تعرفين ويامن جاي تحجين

_ ايييي افتهمنه الشيخ وائام ، اسمع شيخ انتم حالين رجال دوله والله انعم عليكم فا شنو المانع ترجعولي حقي ، هم ؟؟

_ انتِ ما عندج واحد يردج

_ اهلي وزلمنه كلهم استشهدوا وخلو الحكم بيد الغمان

_ شقصدج ولج

_ لا عشتو زلم ولا خليتو الزلم تعيش

_ طلعي برا لا اخليهم يكطعوج

_ ههه تطردني من كاعي , وكفت ورفعت رجلي ودكيتها , كاعي هاي كاااعي , بس اذا على الموت والله الي الشرف اذا اموت بكاعي ولا اتلبد ب الحفور

_ شوفي شراح يجرالج

_ أعلى ما بخيلك اركبه

_ أنا زلمه وكلمتي ما تثنه وشوفي

_ الزلمه الي اذا دخل محتل يشد جفيته ويحط السلاح على جتفه ويروح يحارب مو يهوس بجفيته للمحتل ، دبجت برجلي وشلت شالي ، وها وها وها

_ اطلع موش رجال وما عندي كرامه اذا ما خليت دمج بطولج

_ منو يحجي على الكرامه ؟؟ ، انتَ ؟؟ ، انتَ اذا اجت الانتخابات مو بس تنزع كرامتك حتى الب**ك تنزعه علمود شكم صوت

_ طلعي براااا

_ شيخ لا تتحمس ترا أنا حالين فوك كاعي ههه ، أنا الملاچه

روُيا

قريباً