ماهو ذنبي ateez

بارت 3

هونغ : حبسني حقير بظلام وانا اخاف ظلام كلش من جنت صغير واسمع صوت كلاب تنبح ضميت رجليه بصدري وحاوطتهن بيديه وابجي واندب حظي الفكر ليش وين ماذبها عوجه كضيت طول عمري متعذب ، وينج يمه تعاي شوفي ابنج ديصير بي ، حسبي الله عليكم من ابوي لمرته لاخوي ، شنو ذنبي اريد اعرف شنو سويته حتى كل هل مصايب تصير الي ، بجيت وبجيت وانا خايف من ظلام اشوف شغلات تتحرك اذا هو هلوسه من خوفي او صدك ، ماعرف ساعه صارت شكد بس لي اعرفه حل سكون الليل ، وهذا اكثر شي اخاف منه ، غفيت من خوفي وبرد الي بي انا حتى بطانيه ماحد جاب الي شنو جلب انا يمهم حابسيني ،

كعدت على ضوء الشمس من شباك داخل ، باوعت محد موجود ومحد اجه عليه صار الليل ومحد اجه رحت على باب دكيته وصرخ فتحو الي محد يجاوب ماكو صوت ، رجعت وضعيتي بس اليوم ضليت أتخيل اشياء اكثر
تخوف غمضت عيني وحاولت اهدي نفسي ونام ،

ضوء شمس يدخل من شباك هم ماكو اي احد اجه عليه مرت 4 ايام وانا بعد ماكدر اتحرك من جوع وعطش والبرد ، الى بليل وبسبب صخونتي ضليت اتخيل جلب جبير بغرفه وياي ويريد يجي عليه وصرخ وخر عني وخر لاتاذيني وخر وفجاه اسمع صوت قفل باب ينفتح بدون ماشوف واعرف منو ركضت على شخض واكف وماعرف منو هو بسبب ظلام غرفه حظنته وخليت راسي بركبته وابجي وتوسل ياخذني ويا ومايبقيني هنا ،الى ان ماحسيت باي شي بعد ،

سونقهوا: ردت اروح اشوف شصار على ابو لسان ظنيت مات او نايم
اول مافتحت باب حسيت بجسمه صغير يحظني ويبجي ويتوسل ، فجأه وكع بيدي ، شلته بين اديه وديته غرفتي وجبت اله طبيب وطلع بي سوء تغذيه لان صاله 4 ايام بدون اكل شد اله دكتور مغذي وبقى نايم وانا رحت لشغلي اكمله ،

هونغ :كعدت راسي يوجعني ومغذي بايدي وانا على لفراش دافي ، اباوع على غرفه شلون اجيت هنا ، ينفتح باب ويدخل سونقهوا ،

سونقهوا: ها كعدت واخيرا يلا صير زين ورجع لصحتك وراك شغل

هونغ: شغل شنو شغل

سونقهوا: باوعت عليه ورحت على كنتور اخذ ملابسي ، ورديت عليه
" تشتغل عامل بمزرعتنا وبستانه حالك حال فلاح "

هونغ: وليش اشتغل هذا شغل موشغلي واريد ابدي ادرس وارجع للمدرسه

سونقهوا: ضحكت وباوعت عليه " هذي يامدرسه وليدي انسى كلشي عشته يم اهلك هنا راح اشوف جحيمك "

هونغ :ابتسمت اله وكتله " ياريت اكدر انسى لي عشته يم اهلي ياريت افقد ذاكرتي ، "

سونقهوا: باوعت عليه حسيت اكو شي غريب بي من بارحه جان يهلوس بنومه ويصرخ جلب هذا اخاف من جلب وخرو عني ،

هونغ: كعدت صبح لكيت نفسي نايم بلكاع وفراش مفروش ، ستغربت ليش نايم هنا جنت على جربايه ، يطلع سونغ من حمام ولابس روب حمام وشعره مبلل ،باوع عليه

سونقهوا: واخيرا كعدت يلا كوم تريك وراك شغل ،
هونغ : وليش اسمع كلامك وانفذه ،
سونقهوا: باوعت عليه زوجه عليها طاعه زوج

هونغ: روح جيب الك زوجه انا موزوجتك ولا راح اكون وانا مو مثلي انا مستقيم

سونقهوا: امشط شعري ورد عليه " ليش شايفني مثلي انا هم مستقيم بس ظروف حكمت اصير زوجتي ، يلا كوم بسرعه اريدك واكف يم سياره ،

هونغ: واذا كلت ماروح. شراح اسوي بله واكف وكتفت يديه لصدري ،

سونقهوا: تقربت عليه ولزمته من شعره وجريته حيل الي ،
"اسمع زين ابو لسان هذا اخر تحذير الك قبل ماخلص تبديل اريد اشوفك يم سياره جوه ان كسرت كلامي او عاندت راح شوف شي. مايسرك "

هونغ: وخر ايدك عني لاتلمسني اقرف من لمستك وقربك الي ،

سونقهوا: خوش راح احسب لل3 اذا ماشفتك نزلت من غرفه راح اذيك

هونغ : شنو تخوفني يعني ، وانا بداخلي راح اموت من خوف ضل يعد
واحد
ثنين ، رديت عليه " لو تحسب لل100 مانفذ كلامك

ثلاثه ، هو قال ثلاثه ماحس اله راسي تفلش بلحايط الي جنت واكف بصفه
لزمني من شعري وسحلني سحل حد الباب ودفعني ،

سونقهوا : ابدل واريد اشوفك يم سياره واذا ماشفتك يمها تعرف شسوي ،

طبيت بدلت ملابسي وطلعت دورت عليه مالكيته باوعت شفته واكف يم سياره ثانيه ، صحت على كبير الخدم وطلبت منه يعلم هونغ شغل فلاحين

هونغ: يعني انت عندك شركات وبنايات وفنادق متشغلني بيهن ختاريت الي فلاح ، شكد خسيس ونذل ،

سونقهوا: هذا كلام واهانه كبال كبير الخدم ، رحت اتمشى اله ورفعت ايدي
هو خلى ايده على راسه وضم راسه بيديه يتفاده ضربتي اله ،
خليت ايدي على راسه وامسد بشعره ، وقوله
" هذي اول واخر مره تحجي هذا كلام واله راح تندم ، لبيت مليان كامرات وحقل اذا شفتك ما مشتغل ويه باقي عمال احسب نفسك ميت "

عفته ورحت لسيارة نطلقت للشغل شركتي ،

.
.
.
.
.
————————————