قد تهدم الدنيا من حولنا و قد نخسر جميع من نحب وقد تنهار كل الأحلام التي بنيناها منذ الصغر ولكن يبقى هناك شعاع من الأمل اظن أن هذا ما يبقينا على قيد هذه الحياة .
مرق شهر كامل وليلى آعدة بالفيلا عند حمدي الكل تعودو ع ليلى و على وجودا يلي عمل روح حلوة بالمكان هيك الأطفال بيعطو بهجة وحياة للمكان يلي بكونو في بس بالآخر كل شي إلو نهاية واجا اليوم المنتظر وصار وقت سفر ليلى بالمكتب عند حمدي بيك
حمدي : اي رشيد بيك البضاعة جاهزة للسفر ( قصدن بالبضاعة هي ليلى وأطفال غيرا )
رشيد بيك : تمام واحنا من طرفنا كل شي جاهز والشحنة رح تطلع اليوم بالليل
حمدي : ممتاز كتير هاي الضربة رح تكون ضربة العمر لازم يكون كل شي مضمون
رشيد : ولو حمدي بيك نحنا بنشتغل مع بعض من زمان عيب
حمدي : عداك العيب رشيد بيك بس بتعرف البوص شخصيا بدو الدفعة هاي بالذات توصل بأمان
رشيد : ما يكون عندك فكر كل شي مخططلو صح
بحط رشيد ايدو بإيد حمدي وبيخلص اجتماعن .
مرق الوقت بسرعة واجا الليل
مريم بحزن : يا بيك متل ما أمرت كل شي جاهز
حمدي بيك : تمام بس انتي منيحة يا مريم ؟
مريم : يا بيك انا بس صعب علي فراق ليلى هاي أول مرة بنت من يلي بتجيبون بتفوت ع قلبي هيك
حمدي بعصبية : يا مريم هاد شغلنا وبشغلنا ما في عواطف الشغل شغل يلا روحي ع شغلك فورا
مريم بحزن : أمرك يا بيك
ليلى اعدة بغرفتا وعم تلعب بألعابا وما عارفة شي بتفوت مريم لعندا
مريم : ليلى الحلوة شو عم تعمل
ليلى : ماما مريم شوفي شو رسمت
مريم : ورجيني لشوف يا عيني شو حلوة مين هاي يلي بالرسمة
ليلى : هاي انتي ماما مريم وهاي انا حدك
دمعو عيون مريم وحضنت ليلى
ليلى : ماما مريم انتي عم تبكي؟
مريم : لا يا قلبي ما عم ابكي بس في شي دخل بعيني وهلا بروح يلا حبيبتي صار لازم نجهزك للنوم خدي كاسة الحليب هاي واشربيها كلا
ليلى : حاضر ماما مريم
شربت ليلى كاسة الحليب و دغري راحت بنوم عميق بسبب انو الحليب فيو منوم
مريم بتروح لعند حمدي وبتدق الباب بيسمحلا حمدي بالدخول
مريم : كل شي جاهز يا بيك و ليلى نامت متل ما طلبت
حمدي بيك : تمام نزلوها ع السيارة رح نطلع هلا
تحركت السيارة يلي فيها ليلى وحمدي و وراهن في سيارة حرس شخصي و بعد مدة ما قليلة وصلو ع الحدود البحرية يلي رح تتطلع منا الشحنة
الشحنة يلي هي عبارة عن خمسين طفل وطفلة كلن بدون اهل و بدون أي هوية وما حدا بيعرف بوجودن وكمان ما حدا بيعرف شو مصيرن
حمدي بيك : انا هون خلص شغلي وصار لازم إرجع
رشيد بيك : خلص حمدي بيك الباقي علي ما تاكل هم
طبعا الأطفال كانو كلن نايمين طلعو كل الأطفال ع الباخرة وانطلقت فيهن تشق البحر والعتمة ماشية فيهن ع مصير مجهول وما معروف شو آخرو بعد ما مشيت الباخرة بأكم ساعة بلشو الأطفال يفيقو طبعا لما فاقو الولاد في منن خاف وفي منن صار يبكي وفي يلي عملا تحتو يعني بضلو ولاد صغار أعمارن كلن ما بتتجاوز العشرة أعوام
و فجأة بفوت لعند الولاد زلمة ضخم وشكلو بخوف وبيصرخ عليهن وكل الولاد فجأة بتسكت
ليلي أعدة بزاوية لحالا بس ما عم تبكي وما عم تعمل أي ردة فعل و في حدا بنت صغيرة من عمرا عم تبكي بس حاطة إيدا ع تما بسبب خوفا من هاد الوحش يلي فات وصرخ عليهن
ليلى عم تحكي مع البنت يلي حدا : لا تخافي نحنا رح نروح ع مكان حلو
البنت : بس بس هدول كتير بخوفو هني رح يضربوني
ليلى : لا تخافي وازا خفتي غمضي عيونك وتخيلي إنك بمكان بتحبي أنا بعمل هيك عطول
البنت ما حكت شي بس هديت واتطمنت
ليلى : انتي شو إسمك
البنت : آمال إسمي آمال
ليلى : وانا اسمي ليلى تعي نصير رفقات ؟
آمال : موافقة
ضلو ليلى وآمال طول الوقت مع بعض وكانو طول الوقت عم يحكو ويضحكو ويخففو ع بعض من جو الخوف يلي هني في وبعد ثلاث أيام وصلت الباخرة يلي فيها الشحنة ع ألمانيا و بجو ساد في الرعب فاتو رجال ضخمين ع الولاد وصارو يكممو تمن ويطلعوهن تقسمو الأطفال لمجموعات كل عشر أطفال بسيارة وهون خلصت رحلة ليلى وآمال مع بعض لأنو كل وحدة فيهن طلعت بسيارة
مجهول : سيدي لقد استلمنا الشحنة وكل شيئ يسير على ما يرام
البوص : حسنا أوصلني بكل جديد
مجهول : حسنا سيدي
البوص : سيد حمدي العزيز لقد أحسنت صنعا فعلا هذه المرة
حمدي بيك : وهل لديك شك بهذا فهذه ليست المرة الأولى لنا
البوص : نعم نعم وسوف نحتفل بهذا عندما تزورنا في ألمانيا
حمدي بيك : بالطبع سيدي والآن اعذرني يجب أن أغلق الهاتف
البوص : لك ما تريد فأنت عزيز علينا وداعا
بين الغابات والجبال مشيت السيارة يلي فيها ليلى وأطفال تانيين بس للحظ السيئ أو ما بعرف ازا فينا نقول عنو الحظ الحلو السيارة عملت حادث وانقلبت وكل يلي بقلبا ماتو ما عدا ليلى و ولدين معاها تم تبليغ الشرطة من قبل بعض عالم كانو بالمنطقة عن الحادثة وصلت الشرطة والإسعاف وتم نقل المصابين ع المشفى
في المشفى
الشرطي : سيدي السيارة بنمرة مزورة وهي تحمل مهاجرين غير شرعيين ولكن أغلبهم أطفال
الشرطي 2 : يبدو أنها عملية تهريب جديدة ولكنهم لم ينجو بفعلتهم هذه
أريد صور لجميع الأطفال وأما بالنسبة للأحياء من الأطفال يجب أن يتم نقلهم إلى مركز الرعاية بالأطفال القصار فورا
في مكان آخر عند البوص : ماذا تقول ايها الأحمق كيف حدث هذا لقد كانت هذه أهم سيارة أيها الغبي
مجهول : أيها البوص صدقني أنا لا أعرف التفاصيل لكني لن أستطيع الاقتراب أكثر فالشرطة والصراحة تعج بالمكان
البوص : من بقي على قيد الحياة في هذه السيارة ؟
مجهول : سيدي يقولون أن هناك طفلين وطفلة على قيد الحياة وهم الآن في المشفى
البوص : اممم حسنا اذا تصرف يجب أن لا يخرج شخص حي من المشفى
المجهول : حاضر سيدي
راح الشخص يلي أمرو البوص أنو يخلص ع الأطفال العايشين بس وصل متأخر لأنو كان تم نقل هدول الأطفال لمراكز خاصة .
نعم هذا هو شعاع الأمل ورحمة الله بنا نحن لا نشعر بها ولكن تأتينا ع هيئة ضوء بعيد ليخرجنا من مصير هالك لا محال كم أنت رحيم يا الله .
وداعا إلى الفصل القادم
أنت تقرأ
ليلى والذئب
Abenteuerتدور أحداث الرواية عن فترة التهجير وكثرة الفساد وتجار البشر . الرواية عبارة عن خيال وشخصيات الرواية خيالية ولكن يمكن أن تحدث في واقعنا هذا سوف نسرد قصة فتاة اسمها ليلى تم اختطافها بعد أن فقدت جميع أفراد اسرتها بقذيفة حصدت أرواح كل عائلتها .
