بعد مامر اسبوع من التفاصيل الحلوه وكل الديره تشهد على انه بيت زايد نور ومايسمعون الا ضحكهم ومر اسبوع على ابطالنا واللي بدت المها تلاحظ سند وتصرفاته والبنات يتكلمون عنه وعن الماضي وصارت تذكره وتذكر مواقفهم الي لااجتمعت هي وياه وحمد لازم يصير مصيبه وصارت تفكر بس ماتبي تتعمق بالتفكير وسند ينطر الفرصه اللي يبي يكلم جده بس خايف ترفضه
.........
الصباح والجو غيم والهوا بارد وريحة القهوة والبخور تعم البيت وسوالف الاولين اللي ماينمل منها قرروا البنات يكلمون جدهم يبي يكشتون بهالاجواء مايبون بضيعون الفرصه
المها والبنات جو قعدو جنب ابو سعود واللي تصب القهوه واللي تحط له حلو واللي تهمز كتفه
ابو عبدلله: والله انه وراكن بلا
ابو خالد : غردن غردن
ابو مسعود ضحك:عجيب والله
المها: جدي الحين وش رايك بالجو
ابو سعود فهم انهم يبون يكشتون بس قال يمزح معاهم وقال بعدم فهم: مافيه شي زين
المها: يعني ماتلاحظ الجو برد وغيم ماودك بشي بهالجو
ابو سعود : اييي والله ودي
المها بحماس : وش ودك
ابو سعود : ابي انام
المها بخذلان: جدييي
ضحكو كلهم عليها وفهمو انه ابو سعود يمزح
حمد : انا احس ياجدي وش رايك نسير على ابو فيصل
وغمز له ودخلو الكل بالجو
صارو يتناقشون عالاساس بيسيرون والبنات قعدو جنب بعض وهم محزنين
خالد اللي كان مفهي: جدي وش رايك نكشت اليوم والله الجو فنان
البنات فزوا وهم يعززون لخالد
المها: وخالد صادق يجدي الجو اليوم يجنن مانبي نضيعه
ابو سعود ضحك: اصلا من اول فاهمكم وانا وشلون ارفض لكم طلب ياقلب جدكم
تقدمو البنات يبوسون راسه ويحضنونه
ابو سعود: عيل ياحمد خذ العيال وشوفو لنا مكان وانصبو الخيم وتاكدو من المكان لايكون فيه شي
حمد قام هو والعيال:ابشر يبه
ابو سعود: وانتو يبنات جهزو اكل وفراش يمكن اننا بنام هناك
انبسط الكل وقام يجهزون
.........
عند العيال
نصبو الخيم وتاكدو من المكان وقعدو بتعب
حمد: سند تعال معي نجيب الحطب وعبدلله روح جيبهم معك عشان يدلون الطريق
وفعلا راح عبدلله
سند: كانت رحت انا ابيلي كم غرض
حمد :مايحتاج تبي شي الحين نجيبه انا وانت
سند:بنجيب اغراض من البقاله عشان السمره وفعاليات
حمد: الحين نجيب الحطب ونحطه هناك ونبلغ مسعود وخالد عشان اذا جو قبلنا ابوي يكون عندهم خبر
سند :تم
وخلصو وبلغوهم وراحو
وهم بالطريق للبقاله وقفو عندها وشافو فيه شخص ماسك واحد ويصرخ فيه
راح حمد وسند وهم يفكونهم
حمد: اذكر الله اذكر الله وش فيك
فك طلال الشخص (طلال شخص جدي بس قلبه ابيض وطيب مره وعنده اخت وحده وهي ماسا طيبه وحساسه وذي الي تكلم عنها حمد مرا للمها😉 بس ماكان يعرف اخوها ابوهم ميته وامهم طيبه مرا )
طلال: ابن الكلب قاع يرقم اختيي اللي مايستحي على وجه
حمد شاف السيره وكان فيه بنت والواضح انها قاعد تبكي
حمد : تعوذ من ابليس هدي انت كذا قاع تخوف اختك روح لها وخله علي انا اربيه لك الكلب ذا
راح طلال لماسا اللي فتح الباب وشاف قاع تبكي بصمت سحبها من يدها وحضنها وهمس لها: اسف اسف والله مااخليك مرا ثانيه والله
ماسا: لاتتاسف انت ماسويت شي هذا قضا ربي ياعزوتي
شدت حضنها لها وهي طبطب عليه
وبعد وشاف حمد وسند اللي ضربو الولد وتجمعو الناس وقالهم حمد وقعدو اللي يضربه واللي يتفل عليه لان الديره امن وامان
جاهم طلال: مشكور ماقصرتو
حمد : ماله داعي تشكرنا يا..
طلال: طلال انا طلال ولد عبد الرحمن الله يرحمه
حمد انلجم وتذكر انه قالت لها المها من زمان انه ابوها عبد الرحمن ومتوفي لف بكل قوته وشاف اللي بالسياره وعرف انها ماسا بس دفه سند عشان يصحى
حمد بتوتر: ونعم ونعم الله يرحمه
سند: الله يرحمه ويجعل مثواه الجنه
طلال : امين الا ماقلتو لي من انتو
حمد : انا حمد بن زايد ابو سعود وهذا
سند: انا سند ولد سعود هذا عمي
طلال ضحك : ايه ايه عرفتكم والنعم والله اعذروني كنت ابسلم عليكم من يوم جيتو لكن الوالده تعبت وقعدنا معها بالمستشفى
حمد : لا لا ماعليك ماتشوف شر الوالده مافي مشكله بعدين خلاص حنا صرنا اخويا ومابينا هالكلام
سند الي انصدم لان حمد مايخاوي اي حدا بس ضحك لان شافه كل شوي يلتفت للسياره وعرف
سند: ايه عطنا رقمكم نروح نسمر سوا وحياك الله
حمد اللي ابتسم لسند وهم فاهمين على بعض
راحو وحمد كان يهوجس وسند ضحك وشغل المسجل واول اغنيه طلعت غنى معاها سند وهو يضحك :
تقولي ودنا صافي وتحسب حبنا خافي
ترى راعي الهوى مفضووووححح
صحيح النظرة ماتكفي من الالام ماتشفي
ضحك حمد وصارو يغنون مع بعض
لكن عذرنا الحاظر نراعي والوقت والخاطر
.........
عند البنات
الحريم راحو مع ابو سعود وابو عبدلله
والشياب الباقي راحو مع عبدلله والاغراض معاهم ودق على العيال يجون ياخذون البنات وجا خالد
ركبو البنات خلود جنب خالد والبنات ورا والعنود واره وهو يناظرها ويبتسم والبنات يطقطون عليهم
خالد: وش ودكم تسمعون
المها وهي صارت تمون عليهم :ذوق العنود احلى
خالد يبي يستفزهم :انشهد
الكل:يوووو
العنود :حط لنا خالد وشلون مغليك
البنات يخزون فيها
شغلها خالد وهو يغني ويناظر العنود :
وشلون مغليك وانت الذي علمتني حبك
ياهاجسي عشقي عيونك
اسال وتقرا الجواب في محجر عيوني
تصوير لاجمل عذاب حبك يامفتوني
والكل انسجم ومرتاحين
.........
وصلو الكل
بدو يجهزون وتعشو
الحريم يتهرجون بجهة والشياب بجهة والعيال يلعبون كوره مع محمد والبنات يتمشون مع بعض
........
عند البنات
رهف : الا ماقلتي لنا يالمها ليه ماعندك سناب ولا انستا بس تويتر
العنود : اي صح ليه
المها :للامانه انا مااحب التطبيقات ذي ولا ارتاح لها
خلود: يعني ماتعرفين لهم ولا ماتحبينهم
الغلا: اذا ماتعرفين لهم نعلمك
ضحكت المها: لا لا اعرف لهم من بنات الديره بس انا مااحبهم
العنود: للامانه احسن وشوله توجعين راسك فيهم
الغلا: اي صح وبعدين حسابك حق التويتر يجنن هذول قصايدك اللي كاتبتهم ؟
المها : لا مو كلها لي في منها منقوله
المها: اسمعو خلونا نعود عشان لانبعد ونضيع الحين
البنات : تمام
.........
عند العيال
الكل كان يلعب ومبسوط رغم التكسير اللي جا الا انهم قاع يضحكون وقعدو عالارض بتعب وتسدحو
حمد: اخخخخ ظهري
سند:هذا لانك صرت شايب
الكل ضحك وقام حمد عشان يصفق سند
وسند انحاش بس ماامداه لان خالد مد رجله وطاح
خالد: استلمه
حمد:والله انك كفو
سند اللي طاح وجاه حمد اللي ضربه بمسبحته وانقطعت وهو كان يغلي هالمسباح لانه من المها
حمد انصدم: ياحيوان انقطع
سند ضحك: تستاهل من قالك تضربني
حمد قام يجمع باللي طاح وسند صار يجمع وهو مصدوم :وشفيك
حمد :هالمسباح اغليه بالحيل ياسند
سند غمز بخبث بعد ماجمعو :ليه؟
حمد ضربه على راسه:لانه من المها ياظريف
سند:ايييه معليش بس كنه قديم
حمد : ايه هذا اول هديه تعطيني اياها
قامو غسلو وجو قعدو
جو البنات
رهف:هايي
الكل يطقطقون عليها: هايي
المها لاحظت حمد وراحت جنبه :فيك شي
ابتسم حمد ابتسامه مزيفه وتعرفها المها
:لا مافي شي
المها:حلو يعني بتعذبني معك قوم قوم
مسكت يده ومااهتمت للقاعدين بما فيهم سند اللي ناظرهم ويدعي انه يعيش هالشعور قام حمد وهو يتحلطم اخذت فروته حطتها على كتفه واخذت كوبين شاي سند مد لها فروته لانها ماكانت لابسه جكيت: امسكي بتبردين
المها : لا لا ماله داعي
سند : امسكي
ماتدري ليه اخذتها :تمام شكرا
سند :العفو
راحو قدام عيونهم
عبدلله :ماشاءلله عليهم كانهم اخوان ولا كانه خالها
رهف:جد احب علاقتهم وتكسر خاطري المها وحيده وماعندها حد
خالد:اكيد انه عندها صديقات تكلمهم
العنود:لا لا ماعندها حتى سناب وانستقرام ماعندها بس تويتر
سند انشد لكلام البنات:مستحيل شلون بنت ماعندها
الغلا: والله ماعندها حتى عطتنا جوالها افترينا فيه
عبدلله:وانتو ماتستحون شتبون من جوالها
خلود:هي عطتنا اياه وقالت شوفو وفعلا ماعندها الا تويتر وكله قصايد تقول نصها منقوله ونصها هي كاتبتها
انصدم سند وهي يبي حسابها بس مايدري وشلون لاحظته رهف
عبدلله:جد ماشاءلله عليها هذي فعلا اللي تفهم
خالد:اي بالله
أنت تقرأ
وغلاك فالقلب ومسكنك فالعين...!
Poetryمها اللي عايشه بالديره بعد وفاة امها وابوها تركها من زوجته🐍ومتعلقه بخالها وتعتبره اخ وسند لها وماتحب تتعمق بالصداقات
