عَد وأنه أعَد

Part 10 .

لطفًا تصوتوا بالنجــمه والتعليق بين الفقرات 🤍🤍

#عَد وأنه أعد

بقلمي :- جُمانه آل عَلي

حسابي الانستگرام:-jum.ana_22

بنات سويت قناة عـلى التليگرام تكدر تتواصلون وياي منها عـن طريق البوت ، هذا اليوزر :-jumana4440

نحنُ اللّذانِ لا تجمعُنا صورةٌ ولا طريق .
*****************************

                                       أيـــــــات

:- دخلنه للبيت كُلنه ضايجين على روحه ريـــاح كعدنه بالأستقبال كُلها صافنه وساكته أبويه وامُي عادي عدهم الموضوع راحوا لغرفتهم ينامون وحُسام اخذ مرته وراح والجهال نايمه ضلينه بَس أنه وحياة وجَلال واحد صافن عـ الخ

حجيت اريد اللطف جوو
أيات:- تكومون نركــــص !؟

صار هدوء ثنينهم يباوعون اليه ! وأنه عيوني تنتقل من واحد لواحد أريد واحد بيهم يحجي ماكو باوعت لجَلال يباوعلي وحياة هَم ، ضحكنه كُلنه بـصوت عالي ، كال جَلال

جَلال:- اوف منج أيات هم سالفه هاي .

حجيت وأنه اضحك
أيات:- شمدريني شفتكم صافنين ، كلت خلـ الطف جَو .

حياة:- وبـرئيج هذا تلطف جو ؟ نكوم نُركـص !؟

هزيت اكتافي بمعنى مادري ضحكنه وراح جَلال لغُرفته هوا والولد ينامون وأنه وحياة هم رتبنه البيت شوي ورحنه نمنه ، نمت بحضنها بعد ما حجينه شوي

كعدت من وكت ما اعرف ليش باوعت حياة ماكو بصفي ، اكيد راحت عـالهوايش ، كمت غسلت وتوضيت وصليت خلصت رحت للمطبخ اهلي كاعدين امُي دا تسوي ريوك ، اعتقد هذا يردون ياخذو لـ ريــاح

أيات:- صباح الخـير .

ردو علي كعدت بصف جَلال عيوني مغمضه انعس بس عندي دوام اليوم واصلًا حتى واذا ما عندي الي ينام للـ ٩ الصُبح هنا يم اهلي يكُفر
شويه وأجتي حياة تريكت وكمت بدلت وطلعت لكيت احمد هم مبدل مكمل طلعنه أنه ويا رايحين للمدرسه وأنه صافنه بنظرات أبوي الي من طلعت من البيت جانت عّينه على جنطتي ويرجع يباوعلي مبتسم مَستهزءه اكيد ما نّسه موضوع الزواج ! بس شعجب سد الموضوع هاي المُده كُلها !؟ اكيد لأنو جان عرس حُسام ورياح !؟
تأفأفت خلي يسوي الي يعجبه وصلنه المدرسه أنه واحمد دخلنه للصف اخذنه كُل الدروس ما عندي صديقات بالمدرسه أبددد أصلًا اضل لو كاعده بالرحله لو اروح على ابو الچاي مالتنه الي بالمدرسه عدنه رجال جبير بالعُمر يُشغل بالمدرسه ينطي جاي للمُدرسين وأنه اروح اكُعد يمه نسولف ، لو اروح عَلى احمد وهيج مكضيتها بـالمدرسه وهذا كُله بسبب سُرى اذا بنت تريد تمشي وياي ثاني يوم تروح بعد ما تجيني سُرى تخوفهن مَني دگللهن وصخه وبيها مرض ومن هاي القُصص فـ معاد احد يمشي وياي وأنه ميهمني هذا الشيء جنت مكتفيه بنـرجس !!؟ نرجس ! نرجس هَم راحت يلا عادي