كانو يسولفون ومستانسين وبنص ضحكهم رجع الالم لريفان حاولت ماتبين انها تتالم بس على مين احمد لاحظها وقال
احمد: يلا ريفو لازم ترجعين تاخذين راحه على الاقل نامي الدكتوره قالت
ريفان فهمت لان الدكتوره ماقالت لازم تنامين بس تاخذ راحه بسيطه
شالها دحوم لين غرفتها وتطمن عليها وهي تحاول ماتبين شيء اول ماطلع دحوم وتاكدت انه راح بدت تبكي من الالم وتشاهق وفجاءه دخل احمد وكان مخروش لانها تبكي وصوتها عالي سكر الباب وحط مانع خروج الاصوات وركض لمها وضمها زاد بكها
احمد: شفيك ليه تبكين احد قال لك شيء
ريفان: تعور تعورر مرهه مقدرر مقدر
احمد: طيب اخذي مسكن تبين اوديك المستشفى
ريفان: مدري مدري بس تعور مره تشد تشد
احمد فكها ونزل سريع ياخذ ادويتها لانه نساها تحت
ابرا: شفيك ياولد تركض وملابسك كلها ماء ليه
احمد: مدري مدري
ابرا: ياولد وراك بلا
احمد مارد عليه واخذ الادويه ورجع لغرفتها ركض فتح الباب لقها طايحه على الارض وتشاهق وماسكه رجلها
ركض بسرعه وشالها والعيال لحقوه واول مادخلو شافو ريفان بحضن احمد مغمى عليها كلهم انخرعو وركضو يشوفون وش فيها
احمد: ابعدو ابعدو سوو مساحه وشالها وركض فيها لسيارته ودحوم وابوصالح ركبو معه
دحوم يسوق وابوصالح جنب دحوم واحمد ماسك ريفان يحاول يقومها. راحو لاقرب طوارى اسعفوها وبعد فتره قامت
الدكتور: الف حمدالله على السلامة انسه ريفان حالتك مو مستقره بس لازم تتنومين يوم علشان نتاكد من كل شيء
دحوم: بس يادكتور مانقدر نخلص اليوم هي ماتحب التنويم في المستشفى
الدكتور: ماقد هذي قوانين و حالتها غير مستقره لو صار لها شيء طيب؟
دحوم: طيب ريرو بس يوم
ريفان: بس مابي🥺
احمد: ريفو يوم واحد لين تستقر حالتك يمكن يصير لك اسوء من كذا
ريفان: بس.. 🥺
دحوم: خلاص يوم وبتطلعين اكثر من كذا برفض انا من نفسي
ريفان: طيب
راح الدكتور وابوصالح تطمن عليها ورجع بقى احمد ودحوم
دحوم: عادي اسالكم سوال
ريفان:......
احمد: اسال
دحوم: انتو بينكم شيء
ريفان ماسمعته كانت تفكر واحمد ناظر لها ورجع ناظر لدحوم
احمد: صح انك اخوها ويمكن تهاوشني بس انا احبها وصارحتها وللان ماردت علي
دحوم: صراحه كنت متوقع لان واضح وريرو للان ماردت عليك ولا لمحت لك؟
احمد: اول ماصارحتها صارت تتجاهلني بعدين خلاص بدت تقوى علاقتنا
دحوم: وللان ماقالت لك شيء
احمد: لا انا استناها تعطيني كلمه علشان اروح اخطبها ويعني كونو مستعدين
دحوم: لنا الشرف والله
قعدو يسولفون وريفان طفشت لانهم ماجابو جوالها
ريفان: ياخي ليش ماجبتو جوالي
دحوم: احنا نلحقك قبل يصير فيك شيء ولا نجيب جوالك
ريفان: بسس ابيي جواليي طفشش
احمد: امسكي جوالي
ريفان: جوالك طفش حتى تيك ماعندك رحت حملته وطفش مو نفس جويي
احمد: طيب تبينه ولا؟
دحوم: لا بروح القصر اجيب جوالها وبطمن العيال
احمد: تمام
