{ بسم اللّٰه الرحمٰـن الرحيم} ♡ 5555
حُطام _ ارواح
بقلمي: ريـحانه محمَـد 💚.
تصويت وتعليق بين الفقرات لطفًا 🦋
"''''''''''''''''''''''''''''''''''''''''
گَـلبچَ اَلطِـف مِـنْ وردهَـم
" يِـا و رَدتيِ"
هَـلي والنَـاس والدُنـيا عَـليه...!
'''''''''''''''''''''''''''''''''''''''''''
نازك :: اشوفهم كلهم مخبوصين بَـنور نور متسكت وامهه اتخبلت وباوعتلي خازرتني
ام نور :: نازك شنو سوتيلهه
نازك: والله مامسويه شي
ام امير: جذابه نازك بايكه الخرز من نور ونور رادتهن ونازك ضربت نور وضلت اتعيط
نازك: اسكتي انتِ جذابه والله جذابه
ام امير :: والعباس ابوفاضل هذه الي صار
نازك: لاشافج خوش هيه ضلت تخزرني نور سكتت واجت ام امير اتريد تاخذ الخرز بس اني خلص لازم اعاملهه بل مثل متستاهل اسكت حضنت الخرز على كلبي وركضت للشارع يم باب شارعنه جوره او حفره بيهه ماي وصخ وكفت وهيه تخزر بيه ذبيت الخرز بيهه واضحك
ام امير :: لاياعرمه
نازك: تعاي اخذيهن يلا
تخبلت كامت تجدح نار
دخلت للبيت ابويه واخواني اجو من الشغل فا الحيايه تدخل الحفرهه اسمع امير ايحاجي نور
امير: بابا نواره منو ضربج نازك
نور: لابابا هاي بيبي
امير: والله يا بابا على يوم تخبلني بيبيتج مخليه عقلهه ويه طفله
مديت راسي وابتسمت نازك :: هلو عموو
امير: هله بعد عمج وين بنت عم اتكول الابن عمهه عمو ولج انتِ شنو
نازك :: تره ماميته عليك واكلك عمو المعلمه مالتي كالت احترمي الجبير وكوليله عمو
امير: هههههه والله العظيم انتِ بلوه
دخلت ام امير الحقنه وتباوعلي تتمسكن كدام ابنهه
امير :: يمه وتالي يعني الى متى اتضل مشاكلنه شتريدين يصير وترتاحين ولد العم يتكاتلون لو اروح اكتل عمي لو مؤنس كولي
ام امير :: هاي علمودهه يمه امير ترفع صوتك عليه على مود طفله
امير :: وهيه شدخلهه ها يعني لوتنكلب الدنيه هم راح اتكولين من وره نازك
عافتنه وطلعت ياربي شگد حقنه
نازك :: عمومي عمي اكو فد شغله اريد اسالك عليهه
امير :: كولي عيون عمج وابن عمج
نازك :: يعني هسه المعلمه كالتلي الله ايشوفنه من نغلط ومن انسوي شي زين ومن انجذب يحركنه بنار مو
امير :: اي يروحي صحيح
نازك :: لعد ميشوف سوالف امك ويحركهه
امير :: والله انتِ وامي البطنج والحيه مينكدرلجن
نازك: اني البطنج وامك الحيه
امير :: هههههههه كيدجن عظيم من وانتن صغار
نازك :: هسه دسكت اشبيك ياعمو متخلي الواحد يحجي
امير :: ههههههههه كملي عمي سكتنه
نازك ::هسه الله محتار بعباده خلي اني وياك نحرك امك..
فتح عيونه على وسعه مصدوم
امير :: ولج شنو هلكلام عيني ميصير
نازك :: لعد كول الرب الدنيه يحركهه
امير: اطلعي ولج مو مال احترام انتِ
نازك :: شكراً صح نسيت اسئلك سؤال
امير :: كولي اخر سؤال اريد انام
نازك :: انتَ شنو ترتيبك من ولد عمي
امير::: اكبر واحد بيهم يعني الجبير
نازك: هههههههه لا انتَ الدبير
ماحس اله شمر المخده شردت اركض واسمه يضحك
نازك :: طاح حضك ياغبي فوك ماغلطت عليه يضحك
نازك :: دخلت الغرفتنه ههه اصغيره بس لامه عائله عائلتي الي مكونه من بابا الي عمره ماصرخ عليه ولامد ايده عليه يشتغل صباغ وقصاب وماما ربت منزل حاله حال باقي امهاتنه قاسيه بس حنونه اخواني الثنين مؤنس وانس
مؤنس متزوج بنت عمي وعندهم طفله فاطمه بس اغار منهه
وانس الي من وهوه صغير موكفيله بنت خالي جيهان واني الـ مُعاذ وعندي خمس اخوات بس اني اخر العنقود
اهلي وعمامي كل يوميه عركه ومشاكل وهوسه من مات جدي لليوم
نازك :: ماما اشوكت اروح الجدو
الام :: اسم الله يمه حبيبتي باقي يومين وتصير الاربعين مالته
نازك :: يعني شنو
الام :: كومي ولج اسألتج اكبر منج
نازك :: هسه على كيفج اشكلنه
الام :: اسكتي ولج يمه اخوج نايم متعبين
نازك :: ليش مشتغله اني حته اتعب تره جاي احجي اكلج ماما
الام :: ها عيني
نازك :: صار هوووواي مارحنه البيت جدو
الام :: ليش شذكرج
نازك :: اريد اروح اشوف مُعاذ والعب وياه ويشيلني
الام :: مانروح همه راح يجونه حته يرحون ويانه للنجف
نازك :: كولي والله
الام :: وعيونج
نازك :: بس لاتكليلي الغثه دامس هم يجي
الام :: لاخالج يخاف علي
نازك :: طاح حضه. وحض خالي وياه
الام :: لاياادبسززز تغلطين على خالج
نازك :: تره المحبه من الله واني خالي وابنه ماحبهم
الام: ولج شمسويلج
نازك: دامس چلب كل ماروح الهم يكتلني
الام: وخالچ شعلي
نازك: هم چلب ايدافع الابنه
واجه اليوم الي اروح بي للنجف اول مره بحياتي جنت فرحانه الي شوفني يكول راح اروح المدينه الالعاب مو نجف انجمعوا الناس وجتي السيارات بدوا يصعدون الاكل الي صار اسبوع ايحضرون بي ماما واخواتي ونسوان عمي وبنات رحت الابويه
نازك :: بابا هاذه الاكل الهواي لـ منو
الاب :: ثواب الجدج
ضحكت وهوه مستغرب
الاب :: ولج ليش تضحكين
نازك :: جدو من جان ويانه تتنكسون من ياكل بلماعون مالتكم ماما جانت تكسره وتكول وكع من ايدي واليوم من مات صرتوا تسون اكل لليسوه ولي ميسوه حته ياكلون وتكولون بثوابه
ضل ساكت يعرف كلامي صحيح
نازك :: اكلك بابا
الاب :: عيوني كولي
نازك :: ماما كالت يجون خوالي ومُعاذ وياهم بس اجتي بيبيتي وخالي مُعاذ مااجه
الاب :: عنده مدارس ومتحانات ميكدر يجي
نازك :: خوش لعد
رحنه للنجف اول مره ادخللهه زرنه الامام وتوجهنه للمقابر مجرد مرمر وعله اسماء وكفوا كدام مرمر مكتوب علي (س. خ. م) وملخو نفسهم اني رحت اصعد على القبور واكمز على بالي لعبه مو جواهم اشخاص منتهيه احلامهم بابا انتبهلي واجه يمي
نازك :: بابا اشوكت انروح الجدو
باوعلي بنضرت حزن وتعب اول مره اشوف ابويه بهاي الحاله
الاب :: هذه جدچ راح مات
نازك :: ها يعني هذيج الطابوكات هنه جدي
الاب :: لاجواهم جدچ انتِ اتحبينه
نازك :: يووووووو لاماحبه اموت عليه هوه يضفرلي ويشتريلي ويسويلي بلحيته حركه احبهه
الاب :: تقصدين هاي الحركه مو
خله خده على خدي وصار يحرك راسه على كيف ولحيته اتجك بخدي واني اضحك وهوه دموعه نزلن
نازك :: شمدريك
الاب :: ابويه جان ايسويلياهه همينه
نازك :: اني احبهه بس خدي يصير يوجعني منهه
رجعنه من الانجف مرت الايام واجه يوم استلام النتيجه اكره هَـل اليوم احس راح اموت من الخوف
نازك :: استلمت النتيجه وناجحه فرحانه راح اصير صف رابع لبست جنطتي وبيدي شهادتي وطلعت للبيت ومدرستنه بصفهه مدرسه ولد فا حلينه كلنه بنفس الوكت ولولد كلهم راسبين بس من شافو نتائجنه فرحو الفرحنه وصارو يهوسون ويعيطون وحنه البنات نضحك ولولد يرحون على بنيه بنيه يسألونهه على نتيجتهه ويهلهلون اجوي مجموعة ولد كالوا خلي نشوف نتيجتچ ابتسمت ونطيتهيا شافوهه ونخبصو واحد يصلي على محمد وواحد ايلهل وواحد گال
الولد :: لو اصوم سنه كامله ماحصل درجاتج يلسچاچه
نازك :: لاتصوم الله معاتب عليك بس اقره
الولد: هههههههه هاج عيني هاج والله بطرانه منو اله خلك يقره
نازك :: دخلت البيتنه وشوفتهم نتيجتي ماما طارت من الفرح مَـايان زوجة اخويه هم وبابا ومؤنس كلهم فرحو اله ثنين انس وام امير ضاجوا كلش (فديتني ضاغطه گلوبهم من واني صغيره)
نازك :: ماما نجاح ونجحت مدارس وعطلت شوكت انروح البيت جدو
الام :: من اعيوني اكول الابوج واخذج
نازك :: احله شي من انروح البيت جدو بس الي كرهني الروحه دامس
الام :: نازك امي جهزي نفسج باجر انروح
نازك :: احلفي
الام :: وثول قابل اشاقيج
نازك :: كعدت ثاني يوم ميته فرح اريد بس اروح
الام: يلا يروحي
نازك: يلا حبيبتي خلصت
وصلنه سلمنه على الكل كلهم يحبوني بس خلصت سلامهم ركضت الفوگ بيت خالي ابو مُعاذ فوگ شفت مرت خالي تطبخ
نازك :: هلا عمه شلونج
حوراء :: هلا واكول البيت منور
نازك :: شنو عمه شكالولج عليه مصباح لو شمعه
حوراء :: موصوجچ صوچ الي يشاقيج
نازك :: لايگلبي اسف صدك نسيتيني مُعاذ والبنات وين
حوراء :: البنات بلغرفه ومُعاذ طالع ويه جماعته
نازك: هههاااا اني راح اروح اسلم على البنات
حوراء :: براحتچ گلبي
نازك :: شفتهن كلهن گاعدات
هااااي اناااا جيت ☺️
دارن وجهن وشافني گمزن عليه
جيهان :: بذاته ليش گاطعه
ميس :: ناسيتنه نازك
(جيهان وميس اخوات مُعاذ)
( استبرق وسندس اخوات دامس)
استبرق :: والله زعلانين عليج
نازك :: ووجع انطن مجال دن دن چنچن ذبان خلي اجر نفس وبعدين اييعععع. اشكد اتباوسن تره اكره البوس وحده اتكفي
باوعلي بزعل
جيهان :: هاي فوگ ممشتاقيلج چلبه
نازك :: لاحبيبتي اني ماعوي مثلچ
جيهان :: يمه من السانج
بعدنه نحچي وسمعت صوته
مُعاذ :: جيهان ولچ جيهان ولچ لطمان
جيهان :: ها ها اجيت شكو
مُعاذ :: ووجع صار ساعه اصيح مد راسه للغرفه شافني وسكت.....
يتبع. 🦋
