صلاة الجنازة كانت حشد عظيم...صغار وكبار كانو بيبكو عليها... وقفت قدام القبر بعد ما الكل مشي... قولتلها صدقتي يا آية صدقتي يا حبيبتي... مبارك يا عروسة زمانك مبسوطه دلوقتي صح؟ انا همشي اهو علشان الملايكة يجولك.... أسأل الله أن يثبتك يا روحي... متخافيش انا مش هسيبك ابدا... بس أنا مش عوزاكي تزعلي مني بالله عليكي..اناا ااا انا هعمل كل حاجه ربنا بيحبها والله لحد ما اقابلك عنده... ب ببس س أنا اللي زعلانه منك... غصب عني يا نور عيني والله.. مش انتي وعدتيني مش هتسيبيني غير علي باب الجنة.. طب انا لو مُت كده هروح النار يا آية... يارب... يارب
أخويا أخدني وروحت البيت...فضلت طول الليل اقلب في الشات... وصورنا... المصحف اللي جابتهولي هديه من سنة لما لبست النقاب.. فضلت اقرألها قرآن لحد ماجه الفجر...
استنيت رسالة منها علشان اقوم اصلي... مبعتتش!
لقيتني بمسك تلفوني وببعتلها
" قومي يا أستاذة علشان الصلاة.." 💔
افتكرت... افتكرت خلاص.... جريت اصلي وانا قلبي مفطور...
كانت ديما تقولي " الجأي لربنا ياسارة... اسجدي وطولي السجود.. هو عالم بيكِ كتر منك انتيِ واللهِ... هيشيل همك من قلبك.. هيصبرك.... بصي انتي هتدخلي الصلاة بحالة هتخرجي بحالة تانية خالص.. "
- صدقتِ يا آية والله... صدقتِ... كنت بصلي معظم الوقت اطلب من ربنا الصبر... انا مكنتش متخيلة اني بحبها كده!
روحت بيتها تاني يوم... بوست ايد مامتها... وحضنتها... كانت صابرة جدا... وقاعدة تقرأ قرآن... استأذنت ودخلت اوضتها...
لقيت الأجندة اللي بتكتب فيها مذكراتها...
" ربي لا تتوفاني الا وانت راضٍ عني "... كانت كتباها في أول صفحة..
حاكية مواقف لينا كتير... أيام حست فيها بالفتور...دموعها علي الورق بتطلب من ربنا لا يتوافها وهي في الحالة دي..
أمنيتها!
' نفسي اكون داعية... عوزه اعرف الناس كلها بربنا... واتكلم عن رسولك وحبيبي طول الوقت... يمكن انا مش مؤهلة لده دلوقتي... بس نفسي فعلا... أسيب أثر طيب...!
ويااه لو اكون انا وسارة... ونعمل حلقات في المسجد...ياااربي...هو عليگ هيّن '
...
اخدت الأجندة في حضني وبكيت.... انفطرت... كانت ديما تقول وهيا مبتسمة
" هو عليه هيّن، اطلبي بقلب جامد يابنتي كل اللي تتمنيه"
فات اسبوع علي موت آية... روحت بيتها وطلبت من مامتها هدومها...
عوزه نقاباتها...
آه هنتقب..
مش علشان آية والله... لِله!
الأسبوع اللي فات عرفت معني اللجوء لله... اللي كانت ديما توصيني بيه... استعنت بالله... وصبرني وقواني... صاحِبْت ربنا.. وحسيت بكلامها... " هو صاحبي وحبيبي وأنيسي"
...
قدمت في معهد لدراسة العلوم الشرعية... ودرستها... ختمت القرآن بعد وفاة آية بسنتين... بقيت أبِرّ أمى بكل ما تعنيه الكلمة... كانت توصيني ديما وتقولي الا مامتك يا سارة بالله عليكي...
عارفة يا سارة
لما الصحابة راحوا سألوا الرسول عليه الصلاة والسلام ما أحب الأعمال الي الله
قال لهم " الصلاة علي وقتها"
قالوا ثم ماذا يا رسول الله؟
قال " بر الوالدين"
ده أحب الأعمال الي الله يا سارة... اوعي تزعليها مهما حصل..
قربوا من ربنا يا بنات... بصدق.. واطلبوا الصدق...لولا آية وصبرها عليا انا كنت ضيعت... اغاني وبناطيل وحب... الصحبة الصالحة اتشعلقوا فيها... مفيش حواليكي صحبة؟
ابقي انتي الصحبة الصالحة للي حواليكي...هاتي صاحبتك واصبري عليها.... وقربوا سوا.. العمر هينتهي في لحظه...
في اللي هيجيلها الموت وهيا بتصلي... وفي اللي هتكون بتقرأ قرآن.. فيه اللي هيجي وهيا نايمة بعد أغنية أو شات لا يُرضي الله..ولا خناقه مع مامتها.. فيه اللي هيجي وهيا خارجة ببنطلون وميكب.. واللي هتبقا خارجه بخمار ساتر.... بصي لعملك كده وهتعرفي موتك هتبقا ازاي...!!
توبوا... ان الله يغفر الذنوب جميعاً والله... مهما أسرفتوا... ارجعوا وهيقبلكم... أتبعوا سيئاتكم حسنات... أجروا علي ربنا ياولاد....التزموا بالفروض والقرآن... والقيام... كل حاجه حلوه هتحصل بعد كده..!
بصيت للبنات... لقيتهم بيعيطوا.... ابتسمت مابين دموعي.. وقولتلها...حققت أمنيتك يا آية أهو 🌸
يلا يابنات خدوا الخطوه دي وقربوا من ربنا وهيحبكم قربوا قبل مالموت يجي فجأة قربوا قبل فوات الأوان.اللي بتلبس بنطلون هتفضلي كده لحد امتي واللي بتلبس طرحه أو بدي أو بتخرج بميكب في الشارع أوبتكذب أو أو أو أو.........كتير اسألي نفسك كده إنتي هتفضلي كده لحد امتي ياتري جاهزه تقابلي ربنا دلوقتي ولا لأ.جاهزه علشان تتحاسبي علي كل حاجه ولا لأ .اللي مستنيه تلبس شرعي لما تكبر شويه أو لما تفصل لبس أو لما البنطلونات واللبس الضيق يقدم أو لسه شارياهم جديد فمش هاين عليها تسيبهم وتلبس لبس يرضي الله .فالجواب ان دي غفله والشيطان ضاحك عليكي لأنك متضمنيش يمكن تموتي وإنتي بالللبس ده أو المعصية دي فهتقولي لربنا ايه ؟؟؟؟؟؟؟هتقولي للرسول ايييييييه عند الحوض وكلنا هنموت من العطش ومفيش إلا حوض النبي صل الله عليه وسلم الموجودوهيسقينا منه ان شاء الله شربه لا نظمأ بعدها ابدا هتقولي ايه ؟؟؟تفتكري هيشىربك ولا هيقولك سحقا سحقا💔💔فوقي وبلاش غفله بالله عليكي😔اللي سابت كل حاجه تغضب ربنا أحسن منك في إيه إللي طاعت ربنا دي ليه متكونيش زيها .من ضحي لله بشيء عوضه الله خيرا منه فالجنة غالية♥️
