𝘈𝘯𝘰𝘵𝘩𝘦𝘳~𝘔𝘦

«𝐶ℎ𝑎𝑝𝑡𝑒𝑟 '𝑇𝑤𝑜'»

∫ ☕︎..چـــێژ ببینــن..➪ ∫

لەوانەیە من لە ژیاندا بم!!

ژوورەکەم پاککردەوە و ماڵەکەم جێهێشت

تەنها یەک ئەگەر بە مێشکما دادێت
بە دڵنیایەوە جەستەم لە نەخۆشخانەیە!!

بەڵام کامە نەخۆشخانە!؟
دەبێت لە نزیکترین نەخۆشخانە بێت!؟

قاچەکانم منیان بردە بەردەم نزیکترین نەخۆشخانە
سەیرێکی ئاسمانم کرد ، تاریکی باڵی گرتووە بە ئاسماندا

بەرەو ناوەوەی نەخۆشخانە بەڕێ کەوتم ، ڕۆشتمە لای پەرستارەکە

" سڵاو بەڕێز چۆن دەتوانم یارمەتیت بدەم!؟"
بە خەندەیەک وتی

" ئایا هیچ کەسێک بە ناوی "بوو سنگوان" هێندراوەتە ئەم نەخۆشخانەیە!؟"

" بوەستە با سەیرێکی تۆمارەکە بکەم"
دوای کەمێک گەڕان
" نەخێر هیچ کەسێک بەم ناوە نەهێندراوەتە ئێرە!"

بیرکردنەوەکانم بەرەو ئاڵۆزی زیاتر قوڵ ببوویەوە

تاکسیێکم گرت و ڕۆشتمە نەخۆشخانەیەکی تر
هەمان پرسیار و هەمان وەڵامم وەرگرتەوە

ڕۆشتم بۆ کۆتا نەخۆشخانە ، دووبارە هەمان وەڵام!

سەرم ئازارێکی زۆری هەبوو ، بەڕێ کەوتم بۆ ماڵەوە
کەس لە ماڵەوە نەبوو ، ڕۆشتمە سەر جێگاکەم و خەوتم

.
.
.

دوای یەڪ هەفتە

هەست بە ئاسودەیی ناکەم
تەنها هەست بە ماندووبوونێکی زۆر دەکەم
وەک ئەوەی هیچ خەوێک ئارامیم پێنەبەخشێت جگە لە مردن

بە تامەزرۆییەوە چاوەڕێی دەرفەتێک دەکەم بۆ گەیشتن بە ئارامیەکەم

" تەنانەت لە ئێستادا ناتوانم خۆم بکوژم!! ، ناتوانم ئازاری ئەم کچە و دایکی ئەم کچە بدەم!! "

لەم چەند ڕۆژە جەستەم ئارامی دۆزیوەتەوە لەم ماڵە و لەگەڵ دایکی ئەم کچە

دایکێکی زۆر باشە!!
بەڵام دڵی لاوازە بەرگەی هیچ خەمێک ناگرێت

کاری کچەکەش زۆر سەختە کچێکی تەمەن حەڤدە ساڵ زەحمەتی ماڵەوەی لەسەرە!!

ڕۆژانە دوو کار ئەنجام دەدات جگە لە خوێندنی وانەکان
تەنانەت لە لیستی یەکەمەکانە لە قوتابخانە!!