حُب مراهُقه♡

بارت2

هلو رجعتلكم بارت ثاني من قصه حُب مراهقه بالبارت الاول تعرفنا ع ابطال هسه نتعرف على حياة البطله شلون كانت بدايه قصه حبها وشنو هيه الصعوبات الواجهتهن
○○○○○○○○○○○○○○○○○○○○○○○○
وره ما فتحت قناة ع يوتيوب صار عدي أصدقاء هواي شباب و بنات طبعا كلهم اكبر مني قليلين بكدي
جنت اخلص قوتي انشر و ادرس بعدين لكيت شخص معلقلي و كاتبلي ممكن متابعه تابعته و تابعني وجان اسمه{ حسن ابن البصره}
حسابه جان بس بنات مابي شباب و جان ينشر نفسه بس بفلتر اني استحي استخدمه فلتر بناتي
طبعا كلت لصديقتي فاطمه ع حسابه و تابعته و فاطمه و حسن ارتبطو و فاطمه
طبعا انصدمت بس مهتميت وجان يجي الليل حاجيت حيدر سولفنا
هانا :حيدر شونك شخبارك
حيدر :لحمد الله وانتي شونج
هانا :دومك اني زينه
حيدر :دوم نبضج دومج
هانا : ونبضك يدومك
حيدر :شكو ماكو
هانا :كلشي ماكو بس باجر روح لبيت عمي و العب وياه ولد عمي بالشارع
حيدر :اوكفي شنو تلعبين وياه ولد عمج بالشارع
هانا :ايي عادي العب وياهم طوبه دعابل وهناك اهلي يقبلون اطلع بالشارع وشدخلك انته
حيدر : هاا ايي صح و شدخلني انه يلا من رخصتج باي
هانا :الله وياك واني هم رايحه انام
حيدر :باي
هانا :طبعا مدري ليش فرحت من حسيته غار كمت احس بفراشات بطني 😂😂
نمت و ثاني يوم جذب مرحنه لبيت عمي لان اصلا همه جايين
شاقيت وياه ابن عمي الاصغر مني بسنه
و بليل رجعت يم شلتي باليوتيوب
تمر الايام و يجي رمضان و يخلص رمضان و يجي العيد بوكتها جان العيد يوم الاربعاء و ثالث يوم العيد صادف يوم الجمعه فااا الجمعه من الصبح اني و حيدر نحجي و نسوالف و نشاقه
جان حيدر يكلي كله عمري و حياتي و كلبي و حبيبتي
مجنت فاهمه قصده فا كتله لا تكلي هيج
جان يكلي احبج
بقيت صافنه
هانا : شنو تحبني
حيدر :ايي احبج
هانا :بقيت لا اخذ ولا انطي
توب كتله حتى اني احبك
هانا :حتى اني احبك
حيدر :صدك
هانا :والله
بقينه نسوالف صار وكت الغده
حيدر :عمري اني رايح اتغده
هانا :عادي ابقه احجي وياي
حيدر : شلون احاجيج سمج و زفر
هانا :ايي عادي وشنو يعني
حيدر :تجين لبيتنه
هانا :شسوي؟
حيدر :تغديني
هانا :ايي اجي اغديك و ارجع لبيتنا
حيدر : لا تبقين بينته
هانا :ليش؟
حيدر :بليل اخاف انام وحدي
هانا :نام يم امك اذا تخاف
حيدر :لا تعاي انتي يمي ما اريد يم امي
هانا :انجب🙂
حيدر :ههههههههههههههه
هانا :تغده حيدر  وبقه يحاجيني صار العصر كلي راح اروح
حيدر :حبيبتي اني رايح
هانا :وين رايح
حيدر : يم جماعتي و اليوم عندنا لعبه
هانا :طوبه؟
حيدر :ايي
هانا :تمام مو تتأخر
حيدر :لا ما اتأخر
هانا :راح حيدر اني رحت يم شلتي
بقينه نسولف بثي
صارت ب11 بليل و حيدر ماكو بالي بقه يمه
ب11:30 اجه حيدر
هانا :وين جنت شو تأخرت
حيدر :حبيبتي جنت يم جماعتي و قبل شوي اجيت للبيت تعشيت و اجيت احاجيك
هانا :ليش متأخر ما تخاف هذا وكت يخوف مو أمان
حيدر : لا تخافين عمري ما يصير شي متعود
هانا :تمام بس بعد لا تتأخر ارجع للبيت من وكت حباب
حيدر : تمام عمري ما اتأخر
هانا : بقينه نسولف لصلاة الفجر نوب حيدر راح نام اني صليت و رحت لشلتي بقينه نسولف لحد ال9 الصبح كتبت
{ اني رايحه انام لحد يزعجني😂😂 }
ثبتتها بالبث و رحت نمت
لحد الساعه ب5:30 العصر كعدت فتحت قناتي دخلت ع بثي لكيت
حيدر و كرار و صديقتي حنين متعاركين
كرار :ولججج هنينو وينجج ما شبعتي نوم 😂😂
حنين :خليها نايمه بقت سهرانه ل9 يلا نامت
كرار :ايي خلي تكعد مو صار المغرب مو قطنت😂
حيدر : لا تحجي هيج
كرار : ترى هانا صديقتي انته منو؟
حيدر : حبيبها
كرار : لاجذب هنو ما مرتبطه
حنين :ايي صدك هنو ممرتبطه
حيدر :لا مرتبطه واني حبيبها
{ هانا :طبعا جنت نايمه و ملحكت ع عركتهم حرامات فاتتني باقيه بنفسي لليوم😂😂}
هانا : لكيت حيدر دازلي
حيدر :من تكعدين من النوم تحذفين البث لا اطيح حضج واني بعد ما اجي ولا تراسليني طايحه الحض
هانا :خربت ضحك من قريتها و رحت عتذرت من كرار و حنو نيابته عنه { حنين نصيحه حنو }
هانا : اني نفس الحبابه اخذت بكلامه و فتحت بث ثاني🙂✨
بليل اجه حيدر شاف بث الثاني
حيدر : هانا تعاي احاجيج انتظرج
هانا : ضحكت و كتله جايه
حيدر : شكو تعتذرين من كرار واني شكتلج مو كتلج حذفي البث
هانا :حتى ما تكبر مشكله
حيدر : انجبي....وشكو فتحتي بث ثاني اني شكلت؟
هانا :هوا سمعت كلمتك و فتحت بث ثاني😁
حيدر : ليش تعاندين
هانا : احب اعاند🙂😁
ايي شونك شخبارك حبيبي
حيدر :لحمد الله زين وانتي شلونج عمري
هانا : دومك اني زينه
و اخذته سوالف للصبح شلعت كلبه بتفاهتي و فهاوتي😂😂
وره صلاة الفجر صليت ونمت
ثاني يوم داومت شفت البنات كلش مشتاقتلهن
هانا :شونجن مشتاقتلجن
فاطمه و زهراء و زهور : لحمد لله وانتي شونج
هانا : اني زينه
اخذته سوالف و دروس وخلص دوام
رجعت حليت كل واجباتي و نمت شوي بعدين رجعت للبث و حاجيت شله و ب11 حاجيت حيدر
○○○○○○○○○○○○○○○○○○○○○
استمر هذا الروتين لحد ما تابعت واحد اسم حسابه مغلق
أنمار
تابعته و تابعني و طلب دعم لقناته سويتله و حسابه صعد
و وب ارتبطت فاطمه وياه انمار و عافت حسن
طبعا مهتميت لان ثنينهن منحرفين واني اغلس ع كلشي
#الكاتبه_ساره_عــــــــــــلــــــــي
يحتوي بارت ع844 كلمه
باي