ها انا واقفه في زاوية غرفه معتمة والهدوء، يعج المكان. هدوء موحش عتمة مرعبه انا تلك الطفلة المسلوبة الحريه. انا الجمر الذي سيحرق الجميع
الكاتبة جمرة الزيادي
...................
جمرة: لااا بابا فدوه كوم. بابا لا تعوفني اديه نترست دم. عيوني تصب دموع احس برعب رجفه سرت بجسمي اجه جرني بقوه اخذني واني اقاوم. عوفنييي. بابااااا كوم. بابااا راح ياخذني
هاتف: كافي اسكتي ولج فضحتينا. يالله شباب خلي نمشي
جمرة: بابااا. باااااااباا. بيبي. فدوه بابا.
هاتف.: كافي ولج دوختينا.
جمرة: صفنت توقفت عيوني عن الدموع مشه كدامي موقف شلون اتناثر الدم باوعت لاديه شفتهه كلهه دم باوعتله ليش موتت بابا
هاتف: هذا خالج مو ابوج انتي لازم تعيشين يم امج وابوج همه يحبوج
جمرة: ما تحبني هي جوتني وهي ضربتني.
هاتف: ماكو ام ما تحب بنتهه
جمرة: صفنت. بابا مات خلص بعد ما اسوفه
هاتف: ما مات ما شفتي بيبيتج طلعت. اكيد اخذو للمستشفى
جمرة: اكرهك.
هاتف: ههههه شعرفتي عني ولج بكد كطف الجكاره وتكرهين
جمرة: اكرهك لان انت طلعت دم بابا
في مكان اخر...
ام نور: ييبووووو ياناس ياعالم ابني حيروح مني الحكولي. ولك يمه حيدر
هشام: خيرج يمه. هاي شنو شو وخري خلي اشيله اركض بي للمستشفى
ام نور: فدوه اروحلكم الحكولي يمه وليدي راح يروح من ايدي
هشام: اهدي يمه بس اهدي. خليج ضاغطه ع الجرح خلي نوصل. للمستشفى
ام نور: اي يمه راح اضغط.
حيدر: جمره جمرتي باباتي
ام نور: سوده عليه يمه. الله ياخذج نور
في مكان اخر......
مهى: هاج اكلي
جمرة: ماليد
مهى: يطبج مرض اكلتي او لا
جمرة: احس بطني توجعني من الجوع. شفت الخبزه يابسه. كرطتهه كرط من الجوع
هاتف: هلا يحلوه شبيج ضايجه. وليش ما مغسله ايدج من الدم
جمرة: ضليت ساكته وعيوني. صبت دموع تذكرت الموقف. تراجعت. لزاوية الغرفه تكورت على نفسي سرت بجسمي رجفه
هاتف : شبيج خايفه مني. اني عمج ترى مو غريب
جمرة: اريد بابا. اخذني اله ما اريد اضل هنا
أنت تقرأ
ما وراء منتصف الليل
Randomخلف ضحكه رنانه. وعيون لامعه. و وجهه ملائكي. توجد معاناة طفله عانت الم ما وراء منتصف الليل. كوابيس مستمره حزن دامس ومع كل هذا تقول. انا الجمر من اي نار اخاف
