ديرين( صار اليوم الي نروح بيه لكربلا مثل مكالو كعدت لبست وخلصت وحطيت شويه مكياج ولبست كله اسود لين مناك يردون يزورون ابن عمهم بالنجف وهيجي يفتروها كلها المهم لبست شال لبسته تخبل كعدت ازاد وخلصنه وخلص البيت كله وخبصه وجهال ويبوو وسندس همزين متروح راحت يم خوالها المهم طلعنه بره شفت منشئه منتضرته صعدنه وهاي اني كعدت يم مريم اني صايره يم الجامعه ومريم بنص وانطلقت السياره وكلها نامت إلى اني شفتهم نامو كلت فرصه ارسال اران بيها اكله اشوفه هناك لين طك كلبي عليه وممتعةده علا هيج مده ماشوف تؤامي بيها)
ديرين " الووو اران رد وينك "
( اتصلت عليه اربع مرات وشويه وهوا راسلني )
( بخوف ) اران" ها ديرين صاير شي شبيج شكو "
ديرين" اهداء ماكو شي بس حبيت أكلك انو ...."
( كتله كلشي وهوا توتر لين مسيح وشون نروح اتفقت انو اخابره هناك ونشوف مكان بعيد شويه نلتقي بيه)
( وشويه ونمت وصلنه بعد تعب نزلنه حجزنه كلمن غرفه فهد وأركان سوه ومريم وفواطم وكل ثنين بغرفه جان فندق جبير يخبل واني حتاريت ويامن اروح ماكو حل غير وي ازاد وكلت عادي مثل كل مره هوا جوه السرير ينام واني فوك المهم جنت متوتره كلش لين اول مره ادخل كربلاء رحنه نتمشى واني التوتر يقره الف بس حسيت براحه وسكينه مو طبيعيه تقسمنه قسمين واتفقنه من نطلع هنا نجي حته نروح ناكل اصريت انو اروح وحدي دخلت والازدحام كتل متت يلا وصلت بس بجيت بجي بس الله يدري بيه حسيت ارتاحيت طلعت ورحت مكان شبه فارغ اتصلت باران وصفتله المكان جان بعيد عن الإيمام اجه بسرعه حته ماتاخر عليهم ويشكون بيه جانت زاويه فارغه مابيها بشر وصل وشفته ماصدكت شفت اخوي صحت بصوت مسموع )
ديرين/ ارانييي
( ركضت حضنته وعيوني تصب وهوا هم ومارضه اعوفه مشتاقتله كلش كلش موت أردف هوا بفرح ودموع)
اران/ شونج دايو حبيبتي مشتاقلج شنو هل جمال لابسه حجاب عيني ( وغمزت )
ديرين/ اي عيني غير اسايرهم حضرت زوجي ميقبل بدون حجاب اران طكت روحي عليك اران بعد ماكدر ماكدر مشتاقتلك كلش ماكدر ابتعد عنك أكثر
اران/غير متت من الطريق يلا وصلتلج وخاصه اليوم خميس تركت دوامي علمودج مبقه شي تخلص السنه بس احس راح اعيد
ديرين/ كلبي يوجعني دراستي الي راحت وحلمنه انو نكون محاميين سوا ونفس الكليه كله راح هبائأ منثورا
اران/ والله اعوضج بس خل ناخذ حقنه اوعدج اعوضج صدكيني واني هم راح اترك السنه وأخذ اجازه كم يوم اروح لاربيل لين الاحلام هل ايام عليه كلش ومدا اعرف اقره ابد نفسيتي زفت
( ضليت نص ساعه محسيت بلوقت ولمن شفت الساعه طرت حته ارجع كلها تباوعلي بس همزين شويه اتاخرو لين جانو يصلون ف عبالهم اني هم جنت اصلي بس اني ماصلي لين مسيحيه رحت لكيتهم كلهم متجمعين همزين محد حس كالو نبات وباجر نطلع للنجف رحنه اكلنه بمطعم وتونسنه وازاد كل هذا واحسه ضايج مشتعل نار مافهمت ليش مهتميت خلصنه رجعنه للفندق نرتاح دخلت ودخل وياي ازاد لين نفس الغرفه أردف هوا بغضب)
أنت تقرأ
مجرمون ابرياء
Romance"مُجرِمونَ لكن أبرياءٍ" "خائِنونَ لكن أوفياءٍ" "متكبرونَ لكن بسطاءٍ" "أقوياءٍ لكن خَائِفونَ " "هُنَاكَ سؤالُ واحدُ يَجبُ أنْ يوسئَل مَن هُم " ديرين . ازاد فاطمه . اركان مريم . فهد زهراء . فرقد سحر . سمير هدى . مهند اريج . علي سندس . ف...
