.... نبلش
ضلم اخي! عشگ ضابط
البارات الثاني
الكاتبه هدى آل وسام ⚡
...................................
وصلنه للبيت ومحمد راح للشغل رجعت شفت امي كالعادة منضفه البيت مسويته يضوي وريحه البخور افيييشش وكلش تعبانه سوده عليه رحت بدلت وجيت دلكت رجليهه
گمرة : يمه ليش متعبه نفسج هيج مو كتلج يا يمه اني أنصف من اجي
دعاء : ماكدر يا يمه البيت وصخ كلش وانتي هم تعبانه
بقينه نحجي شويه ورحت جبت فراش الهه نامت تمددت بحضنه وبقيت اشتم ب عطرها يا ريحه الجنه يا ريحتج يا يمه الله لا يحرمني منج نمت ما حسيت بنفسي اله علا صوت محمد ينده بيه
محمد : هيي تنبل نوم انتي كومي تعشي
گمرة : صدك محمد يعني ليوم راح نتعشه
محمد: عمت عينه لي يخليج تنامين جوعانه
كمت ويه محمد علمود نتعشى تعشينه وكمت غسلت المواعين نضفت المطبخ والبيت ورحت بوست امي ورحت لغرفتي ادرس وهيج مرت حياتي بين التعب والجوع والفقر والألم امي الي تدك بكلبي من تكول اخخ بيوم جانت الثلاجه فارغه والبيت كشايه ما بي بقينه اني وامي بلا اكل سويت جاي وكمنه ناكل خبز وجاي ومحمد ب شغل بقينه بلا غده ماكو شي تأخر محمد وعلاج امي خلص رجع بليل حاله يكسر الكلب همس
محمد: خويه ما لكيت شغل
گمرة: شلون محمد امي صارلهه 15 يوم ما شاربه علاجهه وكلش تعبانه سوده عليه فدوة رحتلك خويه الكا حل
محمد: شسوي يا گمر شسوي بس كوليلي ولج والله تعبت عمري 19 سنه وحملت مسؤوليه مو بعمري
ضجت كلش صح كلامه بزغر سنه تعب كام ينام واني هم كمت فرشت برا انام لأن اكعد الصبح للدوام وخاف افزز أمي
نمت وما حس غير ع صوت صريخ حاولت اركز اي هاذا صوت محمد اخويه احس حيلي وكع بادن رجليه همست
گمرة : لتعوفيني يمه
طفرت ع سريع وشفت محمد كاعد يم راس امي ويصرخ
محمد: ووولللججججج ييممممهههههه كككععععدددددييي ولجج والله جبتلجججج عللاااااج يمممههه بنتج بعدههه صغيرةةة
گمرة بخوف : محمد ع..عع. عوفهه نن.. ناايي نايمه
محمد: ولججج مااااتتتتت ماااتت امي
كعدت منهاره هلست شعري ملخت روحي ما اوصفلكم الشعور كلش صعب شخص يخسر أمه بعد ما خسرت أبويه حسيت ب نقص بس هسه خسرت كلشي امي وابويه ماعندي غير محمد وخايفه اخسرة ع صوتنه لتمو علينه الجيران
جيرانه : لجج يوم مو هيج مو زين عليج كومي شوفي اخوج
گمرة : مااااتتت اممممييييي منو اللي بعد
كومونه كوة اني ومحمد من امي رادو نرجع بس ما قبلنا الكل رجع لبيته وأهل امي حتا ما سئالو علينه لليل رجعنه اني ومحمد للبيت مهدود حيلنه ركضت كبل الفراش امي اشم بي واشهك من البجي وما اعرف محمد وين كاعد غفيت وما حسيت ب روحي كعدت الصبح مالي خلك اداوم ومحمد ماكوو رجعت ع فراش امي بدون وعي نزلت دموعي وكمت ابجي ما اكلت شي ولا أشتهي اكل ميته قهر """"""""
مر اسبوعين ع وفات امي محمد كلش تغير ك شكل ضخامة وبكل شي يطلع الفجر ويرجع نص الليل ماعرف شنو سالفته بس كلش تغير ب هل فترة حتا كلامه تغير وياي ينتر بيه من احجي ويا جنت كاعده اسوي مخلمه ذكرت امي وبجيت
گمرة : اووووف ياريت جان عدنه هل اكل قبل لا تموتين يمه تمنيت امي تاكل وياي لأن ويه امي خلصناهه خبز وجاي وب السنه حسنه ناكل مخلمه لو شي طيب وبهل فترا محمد ماعرف منين يجيب فلوس ويتسوك النه الثلاجه متروسه للعين بس ماعرف كلبي ناغزني وما اكدر اكل من هل اكل أحسه اكل حرام
وبين تفكيري وصفنتي نفتح الباب ودخل محمد
گمرة : هلا ب اخويه العود عاش من شافك هاي شنوو متغير ولا عرفتك
محمد: وهسه شتردين
گمرة : سلامتك بس عينك عليه محمد ماعندي غيرك واني اخاف ابقه وحدي أنته تطلع الفجر ترجع بليل شنو سالفتك
محمد: شغللل شغللل شتردين منيييي خبلتيني شوكت اخلص منج
كعدت ب الكاع ابجي واشهك واندب حضي لي ما موتني ويه امي محمد جان مينام إذا ما يبوسني وينومني بحضنه عبالك أبويه مو اخوي طفيت الطباخ لأن نسدت نفسي ورحت انام بهل فترا تركت دراستي ما اريد اروح نمت شويه ••••••••
بما انهو ماعندي شي وراح انام تعالو احجيلكم عن حياه امي وليش ميردونه خوالي وعمامي
امي من أصول كرديه وابويه من الناصريه امي جانت طالبه كليه وابويه كذالك لتقوو ب كليه ببغداد ودرسو سوا حبو بعض وابويه توسل ب أهله علمود يخطبون امي اله بس أهله رفضو رفض قاطع لأن امي سفور متلبس حجاب اخر شي تفقو امي وابويه يشردون شردو للعمارة وازوجو وتركوا الدراسه لأن بلغو اهلهم عنهم الكليات ووو خبصه المهم زوجت امي وصار عدهم محمد صار عمر محمد 3 سنوات وامي صار عدهه بنوته والي هيه اني سمتني گمرة لأن اني أشبه ماما عيون صفر وشعر ناري شعري غريب مائل للون الاحمر ناري وبيضه لهاذه سموني گمرة توفه أبويه اول ما ولدتني امي 😔💔 محمد حالين عمرة 20 واني عمري 15 بعد وفات امي تغير محمد وكام يوميه يجيب شدات فلوس خفت وكلبي ناغزني منهم
نمت وفزيت ع اثر كابوس موتني خوف يحجي عن ..
ب الحلم انهو اني واكفه ب صحراء ودنيا ليل خايفه شويه وسمعت صوت خنازير يردون يهجمون عليه بلشت الخنازير تتهجم عليه كمت اصرخ وابجي شفت اخويه محمد واكف بعيد عني ياكل من الخنزير ويضحك بوحشيه انقرفت منه شويه وحسيت شخص سحبني وهمس ب اذني " لتخافين " كال هيج واني فزيت ميته خوف وانقراف باوعت دنيا فجر ومحمد ماكو رجعت لفراشي افكر ب الحلم غفيت وكعدت ساعه ب 9 الصبح كمت غسلت وسويت ريوك لأن صارلي فترا اكلي مو شي شويه ودخل محمد ما حاجيته لأن ضايجه من كلامه وياي ينتر بيه ميكول اختي هاي مالهه غير حسيت بي تقرب عليه دارني علي لزم خدودي وهمس •••••••••
يتبع ...
لانتسون التصويت يا عيون كلبي انتو احبكم كلش هواي
النشر حيكون حسب الوقت
جقو لايك ..
اعرف الباراتات كُلش قصيرة بس شسوي عندي ظروف
الكاتبه : هدى آل وسام
أنت تقرأ
ضلم اخي! عشگ ضابط
Science Fictionالقصه تحجي عن بنت بعمر ال15 تمارس جميع انواع العذاب م̷ـــِْن اخوهه الداعشي بس •اللّـہ̣̥ سبحانه يفتح الهه باب جديد وتلتقي ب هشام البطل الي راح يغير كل حياتهه صوتو احبكم
