#الجزء_الثالث
#لعنه_دنهش
بعد مـ خرجت من المكتب وانا بجري ومش قادر اخد نفسي حاولت انام بعدها معرفتش من التفكير والقلق ، النهار طلع وروحت لوالدي عشان نروح لـ استاذ احمد اللي بيقول عليه ونشوف يتصرف ويعمل اي حاجه ، نزلنا وروحناله البيت كان في منطقه اشبه بالمهجوره وطيور غريبه في كل مكان محاوطه البيت اول مـ دخلنا سلم علي والدي وبدأت احكيله اللي حصل ليا ولـ وعد ، قالي دنهش اللي انت فتحتله الباب دا من اقوي اولاد ابليس وان احنا نقفل الباب تاني مش سهل وهو دلوقتي بيحاول ينتقم منك بـ انه هياخد وعد كـ قربان ليه وبعدها هياخدك انت كمان، بصيتله وانا مش عارف ارد غير بكلمه اتصرف ازاي !!
كان رده غير متوقع انا فاجأه لقيته بيقول عليك بغضب الرحمن الرحيم اظهر يا ملعون عليك لعنه خالق الارض والسماء، اظهر وبدأ يقول بعض ايآت من القرآن ، بدأت اسمع صوت غريب والاوضه اللي احنا فيها بدأت تعتم ومش ظاهر غير ضوء النار اللي قدامنا ، وفجأه صريخ عالي وكلام مش مفهوم وهو بيقول القربان ، القربان ايها البشري ، عليك لعنه دنهش ، لن تنجي ، واختفي والنور رجع تاني
بعد كدا استاذ احمد قالي تسمع اللي هقولك عليه بالحرف ، انت تروح البيت تحط مصحف في كل مكان وتحط تحت دماغ وعد مصحف وتجيب ازازه مايه وتقرأء عليها سوره البقره وبعض السور القصيره وتخليها جمبكو وكل شويه اشربو منها وتعالي تاني يوم انت و وعد قولي ايه اللي حصل ويكون معاك الكتاب اللي قريت فيه ، سبته انا و والدي وروحنا البيت واحنا في الطريق والدي كان سايق العربيه وحصل شئ غريب ، بابا كان بيتكلم معايا وبعدين بقوله هقول لـ وعد ازاي هتخاف اوي ومش هتقدر تيجي وفجأه ظهر ظل ضخم قدام العربيه مش باين اي تفاصيل لـ ملامحه وبعدين اتحجبت الرؤيه لوالدي وهو سايق وفقد القدره علي السيطره في السواقه والعربيه بقت ماشيه بسرعه عاليه اوي وفجأه اختفي احنا كنا فـ لحظه العربيه هتتقلب بينا ، بس الحمد لله عدت علي خير ، والدي بصلي وقالي لازم تنفذ اللي اتقالك يا ادم كدا كلنا هنبقي ف خطر اتصرف وقول لـ وعد بـ اي طريقه
روحت البيت وانا بفكر ازاي هقولها وازاي هتبقي رده فعلها
_وعد انا عايز اتكلم معاكي فـ موضوع مهم بس وحياتي متخافيش كل شئ هيكون بخير والله.
_ قول يا ادم انا سمعاك متقلقنيش اكتر من كدا .
بدأت احكيلها كل اللي حصل من اول م جبت الكتاب من المكتبه بتاعه جدي لحد م روحت لأستاذ احمد ، بعد صمت دام فتره ، بدأت تعيط وانهارت وفضلت تقول انا كنت حاسه ان اللي انا فيه دا مش طبيعي انا خايفه يا ادم اووي ، حاولت اهديها وقولتلها احنا بكرا هنروح لا أستاذ احمد وكل شئ هيبقي تمام متقلقيش .بدأت تهدي وحاولت اقنعها انها لازم تيجي معايا وعملت اللي استاذ احمد قالي عليه
_ادم انا هدخل ارتاح عشان تعبانه اوي تصبح علي خير
_انا كمان داخل انام يا وعد وانتِ من اهل الخير
اخدتها ودخلنا نرتاح ، وبعد نص ساعه تقريبا بعد م دخلنا وبدأنا ننام ، حسيت بيها بتصحيني وبتقولي ادم انا خايفه وحاسه بحاجه غريبه ، لسه بسألها حاسه بـ ايه ؟!
لقيت فجأه عنيها كلها اتقلبت اسود وفي نار ماسكه في كل اجزاء جسمها وفضلت تضحك بصوت بشع وقالت سأنتقم منكم جميعا ، ستكونوا قرابين لي وحدي ولن ارحمكم ، انا قومت مفزوع ومش قادر اتحرك جسمي حركته اتشلت وبدأت اقراء ايه الكرسي بصوت عالي وفي لحظه وعد رجعت لطبيعتها واغم عليها علي الارض طلعت اجري اشوفها وفوقتها واول مـ فاقت لقيتها بتقولي ايه اللي حصل انا علي الارض ليه يا ادم ، احنا مش كنا نايمن ؟! رديت عليها قولتلها لأ مـ انتِ قومتي عشان تشربي وبعدين اغم عليكي والحمد لله انتي بخير ، خدي اشربي العصير دا وارتاحي
اضطريت اكدب عليها لان الوضع ميسمحش اني احكيلها شئ
صحينا تاني يوم اخدتها ونزلنا لـ استاذ احمد و والدي معانا وهي مرعوبه ومش عايزه تروح اصلا
اول مـ دخلنا المكان لقيتها مسكت في ايدي جامد ومش عايزه تسيبني انا مدرك انها خايفه واني انا السبب في اللي هي فيه بس اللي مكنتش مدركه ان هيحصل فينا كدا ، استاذ احمد بدأ يتعرف عليها وبدون اي مقدمات فضل ساكت فتره وبدأ يقول . اعوذ بكلمات الله التامات من شر ما خلق ، اخرج يا ملعون عليك لعنه الخالق ، بسم الله ،{وَمِنْ حَيْثُ خَرَجْتَ فَوَلِّ وَجْهَكَ شَطْرَ الْمَسْجِدِ الْحَرَامِ وَإِنَّهُ لَلْحَقُّ مِن رَّبِّكَ وَمَا اللّهُ بِغَافِلٍ عَمَّا تَعْمَلُونَ}
،{قَالَ اخْرُجْ مِنْهَا مَذْؤُوماً مَّدْحُوراً لَّمَن تَبِعَكَ مِنْهُمْ لأَمْلأنَّ جَهَنَّمَ مِنكُمْ أَجْمَعِينَ}
وبدأت وعد تصرخ بصوت عالي وبشع وتقول ستقتلون جميعا القربان ، سأنتقم منكم يا ايها البشريه اللعينه وعد بدأت تقوم من علي الكرسي وعنيها بتنزل دم وجسمها شبه محفور علي كل جزء فيه صلبان ، وفضلت تكسر في المكان بدأ الشيخ يقولي انا و والدي امسكوها واخد الكتاب نزله في مايه وبعدين فضل يقرأ ايات قرآن ورماه في النار وبعدين سمعنا صريخ بصوت عالي من وعد بيقول لعنه دنهش ستعود لن
# هيسوو
