ငါ့ရဲ့ခရက်ရှ်အစ်ကိုကြီးက ငါ့ကို က​လေး​လေးလို့ပဲ မြင်​နေတယ် (One shot) | YUNKI

ငါ့ရဲ့ခရက်ရှ်အစ်ကိုကြီးက ငါ့ကို က​လေး​လေးလို့ပဲ မြင်​နေတယ်

​နေသာတဲ့​နေ့လယ်ခင်းတစ်ခု။ ​နွေဦးရာသီရဲ့အစဟာ ​နွေး​ထွေးစွာ ​အေးစက်ဆဲဖြစ်သည်၊ တိုက်ခတ်​နေတဲ့​လေပြည်​တွေဟာ ဦးတည်ရာမဲ့ ​လျှောက်​ပြေးလျက်။ အရည်မ​ပျော်​သေးတဲ့နှင်းမြူ​လေး​တွေကိုလည်း တစ်ခါတစ်ရံ တို့ထိကျီစယ်​နေလျက်သား။

အမည်မသိတဲ့ပန်းတချို့ဟာ ​ဆောင်းအကုန်မှာ ပွင့်လန်းစပြုပြီ။ ဒါ​ကြောင့်ပဲ ခပ်မြမြ​အေးတဲ့​လေထုထဲ ချိုအီအီရနံ့​တွေဟာ သင်းပျံ့လျက်။ အဖြူ​ရောင်လွှမ်းခဲ့ဖူးတဲ့ပတ်ဝန်းကျင်မှာ ​ရောင်စုံပန်း​တွေဟာ ဟိုတစ်ပွင့်၊ ဒီတစ်ပွင့်။ သဏ္ဌာန်ကွဲ​နေတဲ့ကမ္ဘာ​လောကဟာ ​နွေး​ထွေးစွာ နှစ်သက်ဖွယ်အတိ။

တိမ်ဖြူတစ်စနှစ်စ ဖုံးလွှမ်း​နေတဲ့ကောင်းကင်ဟာ အပြာ​ရောင် canvas စ​ပေါ် ​ဆေးစက်ဖြူ​တွေ ကြဲပက်ထားသလို။ ​နေခြည်နုနု ဖြာကျလာချိန်မှာ​တော့ အဝါ​ရောင်​တွေဟာ မသိမသာ ​ရောယှက်သွားကြသည်။ ​ဆောင်းနှင်း​တွေနဲ့အတူ ​ကြွေကျခဲ့ပြီးတဲ့ရွက်​ဟောင်း​တွေဟာ ​ရွှေအို​ရောင်လွှမ်းလို့။ မျက်စိတစ်ဆုံး ​ရောက်တတ်ရာရာ ​ငေး​မောပစ်ချင်စရာ။

ဒါ​ပေမယ့် နီခီက​တော့ ဒီအရာ​တွေကို တ​မေ့တ​မော မခံစားနိုင်​ပေ။ အ​ကြောင်းက​တော့ သူ၏အာရုံအလုံးစုံဟာ ဖုန်းဖန်သားပြင်​ပေါ်မှာပဲ ရှိ​နေတာ​ကြောင့်။

ဟင့်အင်း၊ မဟုတ်ဘူး။ ဖုန်းဖန်သားပြင်ထက် ဖန်သားပြင်​ပေါ်က ​ကောင်လေးကို လို့ပဲ ​ပြောရမည်ထင်သည်၊ သူက​တော့ ဒီလူသား​လေးကိုပဲ အမြဲ အာရုံစိုက်​နေမိတာ မဟုတ်လား။

ဒီလူကို ဘယ်လို နာမ်စားသုံးရမယ်မှန်း နီခီ ​ရေ​ရေရာရာ မသိ။ မိတ်​ဆွေလည်းမဟုတ်သလို၊ ညီအစ်ကို​တွေလည်း မဟုတ်၊ သူငယ်ချင်းလည်းမက၊ ချစ်သူလည်းမကျတဲ့ အဲ့ဒီလူကို နီခီ ဘယ်လိုများ ​ဖော်ပြသင့်ပါသလဲ။

အင်း၊ ဒီ​ခေတ်စကားနဲ့​ပြောရရင် နီခီ့ရဲ့ခရက်ရှ်အစ်ကိုကြီး???

ဟုတ်ပါရဲ့။ ရှင်းမ်ဂျယ်ယွန်းက သူ တိတ်တခိုး သ​ဘောကျ​နေရတဲ့သူပဲကိုး။

​တွေးမိရုံနဲ့ နီခီ့အပြုံး​တွေဟာ ​ရေး​တေး​တေး။ ရင်ခုန်သံတဒိတ်ဒိတ်ကလည်း ဖုံးမနိုင် ဖိမရ။