فصلية ابو غضب

بارت/1

جمانه السعيدي

من أجمل القصص الي وصلتني

اني حسن مواليد ۸۲ ويلقبوني ابو غضب لان اني كلش عصبي

يعني اذا اجتني العصبيه ما اشوف دربي

بلبدايه اخوي واختي هم الي طلعو عليه هذا اللقب هلكد ما عصبي ابد ما اعرف اجامل حقاني وكل واحد انطي استحقاقه واتعامل وياا كل الأمور بجديه ما اعرف اجامل ابد بعدين مشا عليه هذا اللقب الناس كله كامت تصيحلي

ابو غضب بلبدايه كنت اضوج من هذا اللقب بعدين تعودت علي بلعكس احسه لقب مميز ولايك على شخصيتي

عندي اخ وحيد ازغر مني عباس واخت ازغر وحده مها وامي الله يطول عمرها اما والدي توفا اثر حادث سیاره ۹۸

من توفا والدي شلت كل المسوليه رغم اني جنت زغير عمري ١٧ سنه ادرس واشتغل لان الراتب الي تركه الوالد ما يكفي

مصرف النا

اشتغلت كلشي حتى حمال وعماله وصانع بلمحلات بس ما مديت ايدي للحرام ابد

جمانه السعيدي

اتخرجت من كلية التربيه بس ماكو تعيينات

قررت ادور شغل واشتغل

وما ابقه منتضر الوضيفه

بعمري ماكان عندي علاقات وياا البنات

اروح بطريقي وارجع بطريقي اني برائي الي يدور علاقات انسان فارغ و ماعنده شغل وعمل الحب الحقيقي زواج

لمن تكون مزوج حب زوجتك على راحتك محد راح يمنعك

هذا مبدئي بلحياة حتى لو تكولون عني متخلف

اني طولي ١٧٥ حنطاوي شكلي مقبول جسمي متوازن عندي عضلات مو لان العب رياضه لا لان ماكو شغله تعتب عليه ما اشتغلته وأثر العمل المستمر طلعتلي عضلات

جمانه السعيدي

هسه را احجیلکم على اخوي عباس الي شخصيته عكس شخصيتي بلضبط

الصراحه مو مجتهد کلش

السنه بلدراسه يخلصه بسنتين ما عندا احساس

بلمسوليه ابد كاضيه لعب

حتلو يشتغل كم يوم ويترك الشغل معتمد عليه اني اسد مكانه بكلشي

وصاحب علاقات يموت على البنات سبحان الله شلون احنا اخوان وطالعين من نفس البطن

ما ادري

واني هم ما أحب اضغط علي ابد اخواني وامي امانه عندي ماطول الله رازقني اددلهم وماخليهم ناقصهم شي

قررت الوالده لازم ازوج

امي.... اريد ازوجك وافرح بيك

ابو غضب.... خليني اشتغل ومعيشكم وعوفي الزواج امي... انت موزغير صرت شاب ويعتمد عليك وتشتغل خير من الله

ا اريد افرح بيك قبل لا اموت

ابو غضب..... براحتج حبيبتي انتي اختاري وحده على ذوقج

واني موافق

جمانه السعيدي

هنا بدت رحلة امي ادور عروسه اكثر من ست اشهر وهي ادور الحد ما وصفوله بنيه وراحت تشوفه

وبيومه رجعت متعجبه

امي.. تخبل وجنن واني عجبتني هي هاي زوجتك ابو غضب.. اذا عجبتك هاي هي أهم شي تكونين مقتنعه

قررنا اروح اشوفه اني وامي ومها حددنا موعد ... ورحنا البنيه زينه حلوه بس مو خارقة
الجمال جماله متوسط

اني ماحجيت وياها جانت کاعده و مندکه لابسه ثوب طويل زيتوني وحجاب امي كالت هاا يمه

ابو غضب... تمام الي تشوفي

البنيه انحرجت راسا طلعت

واني اتفقت وياا اهله على كل التفاصيل كانت طلباتهم معقوله

وبدينا نمشي بكل الاجرائات الزواج دزیتله فلوس وموبايل هديه بقينا مخطوبين شهرين لمن جمعت كم فلس كنت اتصل بيه بليوم مره بس ما اعرف اسفط كلام حب مثل الشباب ابقه ساكت لو نحجي على شغلات عامه تممنا كلشي وحددنا موعد الزواج

انحرج من الكلام الزايد

الفرحه ما تنوصف اول مره تصير بيتنا هيج مناسبه عرسنا كان كلش حلوووو

العروسه كان اسمه رهام وازغر مني بسبع سنوات طبعا بلعرس طلعت غير شي خلصت هاي اليله على خير

كلش حلوه حتى اني انصدمت بشكله زفونا وكان كلشي مثل ما اريد واحلى البنيه عجبتني وكانت مطيعه وخجوله

كنت سعيد بشكل ما ينوصف طلع الزواج حلوووو

بعد يومين رجعت الشغلي

اليوم الي رجعت بي اكو ولد عرض عليه ندخل شراكه ونفتح محل اجهزه كهربائبه

الصراحه العرس اخذ كل الفلوس الي جمعتهن وماكان عندي فلوس الهيج مشروع

بس امي الله يطول عمره شاركة بسلفه ودفعة ١٠٠ الف الصاحبة السلفه حتى ناخذ اول اسم

ودخلت بفلوس السلفه شربك ماكان عدنا مبلغ جبير اني وصديقي هو هم حالته نفس

حالتي

بس کدرنا نمشي نفسنا الله رزقنا خير وشغلنا مشا مثل ما اريد واحسن كله توفيق إلهي

للحكايه بقيه .... تفاعلو بنات القصه حلوووه