لَوٌ کْآنِتٌ عٌيَنِيَکْيَ بًحًرآ لَکْنِتٌ آوٌلَ آلَغُآرقُيَنِ بًهّ

والاخيرpart 14

سلسبيل: انا اوريس
ودخلت وراها
ورد دق عليها احد: هلا من معي؟
الشخص بمكره وخبث: تعالي المكان........ولا تعلمين احد ولا ودعي حاكمس
وقفل ورد بردت ملامحها ماتدري تعلم حاكم ولا تروح بدون لحد يدري
الميلا: ورد حبيبتي فيس شي
ورد بتوتر: ها لالا
وطلعت بالحوش الي وراء وهي ماتدري تعلم ولا تسكت وتروح والي يصير يصير
ورد وهي شوي وتبكي ماتبي حاكم يموت ولا تبي تروح: يارب الهمني وش اسوي
حاكم من وراها: شفيس ياورد
ورد بردت ملامحها هي ماتبيه يعرف لكن وييين هذا حاكم داهيه يعرف الي بيقوله الشخص الي قدامه قبل يتكلم
ورد لفت وقالت بتوتر: حـ حاكم
حاكم عرف فيه شي وقال بحده: ورد انطقي شفيس
ورد بتوتر: مافيني شي
حاكم بحده: ورد مابي اكرر كلامي مرتين بسرعه تكلمي
ورد نزلت دموعها وطاحت على الارض تبكي
حاكم انصدم اول مره يشوف ورد تبكي وهو الي يعرفه انها قويه وتكسر خشوم الرجال ماشافها تبكي الا بموت امها وذا طبيعي لكن الحين مايدري شفيها
حاكم مايعرف يواسي لانه ما عمره لان لكن ذي المره غير ذي روحه تبكي قدامه كيف مايسوي شي
حاكم جلس جنبها وضمها: اشششش هدي وردي هدي
ورد تمسكت بثوبه بقوه وجلست تبكي ماتبيه يموت هي توها تعرف معنى الحب الحقيقي
ورد ببكاء: حاكم تكفى لا تروح مكان اليوم تكفى
حاكم باستغراب: انا لازم اروح المركز كيف ما اروح
وكمل بحده: ورد ثالث مره اسال وهاذي آخر مره بسرعه شفيس تكلمي ولا ياويلس
ورد ببكاء: مقدر والله مقدر
حاكم عرف فيه سالفه كبييره والضحيه هو و ورد لان مستحيل تقول"لاتروح" وتترجاه عشان سبب تافه ولا هي تبكي عشان الضعف لانها ورد والي يعرفه عنها انها تكسر خشوم الرجال ولا تباهي
حاكم بهدوء قااتل: طيب هدي وقوليلي وش فيس
ورد اخذت نفس وقالتله كل شي
حاكم ضحك بسخريه: الحين كل ذا البكاء عشان بموت...... انتي ماتعرفين مين متزوجه
ورد: حاكم العسكري
حاكم ضحك بسخريه: هذا بس قدامكم لكن وراكم امور داهيه ماتعرفونه
وكمل بحده: والله لو جاء على بالس انس تروحين للبني آدم ذا اقسم لادفنس حيه
ورد اول مره تخاف زي كذا
ورد بتوتر: طـ طيب
وقامت تروح؛ حاكم: ورد اتوقع سمعتي شقلت والي ببالس لو تسوا ابقص رجلس قص
ورد انصدمت كيف عرف انها ناويه تروح
وهي تعرف حاكم لو طلعت برا البيت بدون اذن منه قسم لينهيها
ورد: طـ طيب
وراحت لبيتها هي وحاكم بدون لاتروح للحريم
دخلت وراحت مكانها حق الرسم والي مليان ورود وحياه ورديه بس حياه ورديه ببيت اسود؛
ورد بصوت خفيف: يارب وفقه يارب وبعد شيطانه الي مره يجي ومره يروح
دخلت مكانها وسكرت الباب وحطت الستاره الورديه
كانت الغرفه عباره عن الوان ورديه وبيضاء بس هاذي الحياه الي تتمناه ورد
وقدام اخر شي فيه الواح وفرش وفرشه بيضاء فرو جلست بعد مانزلت لبسها ولبست فستان ابيض عليه ورود بيبي بينك
جلست على الكرسي وبدت ترسم كانت ترسم طبيعه كلها ورود واشجار واشياء كلها حياه
وكان لورد توقيع خاص هو على شكل غزال ورد تعشق الغزلان تعشقهم ممرررهه ولازم بكل رسمه لها يكون عليها رسمه غزال لو صغير اهم شي ترسم غزال
««بجهه اخرى من البيت»»
دخل وما سمع صوت راح لغرفته بدل ولبس لبس بدلته
طلع من الغرفه وكان يلمع سلاحه سمع صوتها بغرفتها حقت الرسم دخل ولقاها معطيه ظهرها للباب وترسم بكل تركيز جاء وراها رفعها وحطها بحضنه
ورد انصدمت وتصبغت خدودها باللون الاحمر
حاكم: كملي رسم
ورد مسكت الفرشه وهي متوتره بدت تكمل رسم وحاكم يدقق بكل تفصيله تسويها
ورد بتوتر: بتتاخر على الشغل
حاكم ببرود: انا ابي اتاخر
ورد كملت رسم
ورد بتوتر: خـ خلصت
حاكم مسك الرسمه وبدا يشوفها كانت كلها اشجار و ورود وحيوانات وكانها صوره مب رسمه
بس حاكم لاحظ انو اكثر الحيوانات غزلان ولاحظ كيف توقيعها على شكل غزال
حاكم: تحبين الغزلان؟
ورد: اي
حاكم بدا يناظر كل تفصيله بالرسمه
حاكم ضحك بسخريه: هذا هي الحياه الورديه بس ما تصلح بعرين اسود
(لاتستغربون شخصيه حاكم؛ حاكم عنده شيطان مره يهجد والمره الثانيه يطلع)
ورد بهمس: يارب خلصه من شيطانه
حاكم سمعها وعض شفته
حاكم شال ورد وقومها وقام يطلع لسياره
ورد:انتبه على نفسك
حاكم ابتسم: تامرين على شي؟
ورد: سلامتك
حاكم باس خدها وراح لسياره
ورد تنهدت: يارب بعد شيطانه الي يوترنيي افف
ورجعت تكمل رسم
««فمكان فيه كل شي يغضب ربنا»»
رجال: ماجت؟
رجال ثاني: لا سيدي
الرجال الاول ضحك بسخريه: حاكم متعب هذال  بعد خمس ساعات القاه بعداد الموتى فاهم
الرجال الثاني انتفض بخوف: فاهم فاهم
الرجال الاول: برا
طلع الرجال الثاني
الرجال الاول ضحك بسخريه: وسويتها يا بنت راشد وماجيتي لكن اقسم لتكونين زوجتي برضاس ولا غصب
ضحك وهو يشرب الي نعرفه
««عند حاكم بالمركز»»
كان حاكم معصب من اتصال ورد بس هو خلاص تصرف وعطاه درس مارح ينساه
دخل المكتب وراح للؤي وعطاه بكس من قوته طاح لؤي على الارض
قام ياسر بسرعه ومسك حاكم
لؤي ضحك: يدك مرزبه بس مسموحه
حاكم هدا و راح يقوم لؤي: معليش يا لؤي من قوه عصبيتي مالقيت بوجهي الا انت
لؤي: شدعوه يابوي لو تدفني مارح اقول شي
حاكم ابتسم: طول عمرك بظهري يا لؤي ما عمرك كسرتني
ساير وهو يمسح دموعه "او نقول الموياء الي حطها": اقسم اني تاثرت
حاكم ولؤي عطوه نظره سكته
ساير: من تكلم انا لا ذا العسكري الي برا
العسكري ناظر ساير بصدمه
ساير مسح على دقنه عشان يستسمحه
ما مر ثواني الا وحاكم ولؤي وساير فطسانين ضحك
حاكم: وانا معكم احس اني شخص ثاني
لؤي وساير: ترانا اخوياك بظهرك
حاكم: ونعم الاخوياء؛ ويلا انت وياه تقلعو بروح للبيت
لؤي وساير: تطردنا من بعد مافتحنا لك قلوبنا
حاكم وهو يجرهم برا: اي ويلا برا
طلعهم حاكم ورجع ياخذ جواله ومفتاح سيارته
طلع لقاهم يستنونه
حاكم: شتبي انت وياه
ساير: نبيك توصلنا والدرج ذا "وهو ياشر على لؤي" جيت معه وطلع البنزين مخلص
حاكم: يلا انقزو
جو وراه وركبو السياره وصلهم حاكم للبيت
نزلو وراح حاكم لبيته هو و ورد قبل يدخل لقاء المندوب برا
حاكم:بكم الطلبيه
المندوب:550 اخوي
حاكم:بحاسب شبكه
المندوب:هذا بيت ورد راشد
حاكم مسكه مع ياقه بلوزته:اسمها لا يجي على لسانك
المندوب بخنقه:بموت فكني
فكه حاكم وحاسب وراح المندوب ركض
دخل البيت لقاه سكووون
راح للغرفه ولقاها على جوالها
حاكم راح لها
حاكم: وردي
ورد: هلا
حاكم: طلبيتس جت
ورد قامت بسرعه اخذتها وراحت للحمام(يكرم القارئ) لبست فستانها وطلعت لحاكم
ورد بابتسامه: شرايكك
حاكم رفع انظاره لها وتجمد من الملاك الي قدامه هو كذا مره شافها بفستان لكن المره ذي غير كانت ملكه جمال
كان فستانها اسود طوييل ومن يدينه له نفس الجناح
وله حزام اسود ومن قدام له شكل بالفضي وكانت تجنننن
ورد طقت اصابعها: هي وين رحت
حاكم تنحنح: حلو
ورد عبست بطفوليه: وش حلو امدحه زين
حاكم ابتسم على شكلها: تجنين قمر القمر يقولك بنزل وتعالي مكاني
ورد ابتسمت: حبيبييي(هاذي الكلمه دايم تقولها لاخوانها لو مدحو لبسها بس نست انه حاكم)
حاكم: وش
ورد تداركت الوضع: ولا شيء بعدين سلامات وين ثوبك بكره العيد وصراحه مالي خلق اغسله واكويه رح للمغسله وخلص امورك
حاكم: كذا نظامس
ورد: ايوااه
وكملت بتوتر من ردت فعله: حاكم
حاكم: سمي يابعد حيي
ورد بتوتر: احم ابي طرطعان
حاكم: وش ذا
ورد جلست تشرحله: هذا زي القنبله بس..
حاكم: خلاص خطر
ورد بترجي: حاكم بليييززز تكفىىى
حاكم: لا
ورد: حاكم طيب وش يرضيك عشان توافق
حاكم ابتسم بخبث وقبلها مع شفتها
مرت دقايق وقطعها لاحتياجها الهواء: خلاص كذا روحي اشتري
ورد قامت وخدودها حمراء: منحرف
وراحت للحمام (يكرم القارئ) تبدل لبسها
حاكم ضحك عليها
ورد طلعت: مايضحك
حاكم: ماقلت اضحكي
ورد: المهم متى نروح نشتري
حاكم: الحين
ورد قامت بسرعه تلبس عباتها ونقابها
لبست ولقت حاكم يناظرها ويبتسم: وين سرحت
حاكم: فيس
ورد: احم اقول مشينا
طلعت ولحقها حاكم مشو وراحو لمحلات الديره
نزلو وبدو يتمشون بالسوق
ورد لقت محل يبيع طرطعان
ورد: حاكم هناك محل تعال
راحو حاكم و ورد يشترون طرطعان
حاكم: لو سمحت ابي كل ذي الطرطعان
ورد انصدمت من حاكم
حاكم همس لها: كل شي يسوا لعيونس
ورد ابتسمت وبدون محد يشوف باست خد حاكم بسرعه
حاكم انصدم من حركتها بس ابتسم وهمس: وعدنا بالبيت
ورد عضت شفاته وجلست تلوم نفسها
العامل: مدري الحساب 100
ورد جت بتحاسب حاكم مسك يدها وعطاها نظره سكتتها
حاسب حاكم ورجعو للبيت
دخلت ورد وهي بتطير من الفرحهه
حاكم ضحك على فرحتها
ورد على طول دقت على الميلا سناب وجلست توريها وكانت فرحتها تفتح النفس
حاكم: يلا ياست ورد الساعه 2 يمديس تسوين اغراض البنات
ورد قامت: ياويل حالي ماتجهزت
حاكم شبك: ياويل حالي جيتني واليوم عيد
ورد شبكت: عقب البطى يامرحبا يا اغلى الوجيه
حاكم ضحك: يلا يلا تاخرتي انوي تحطين مكياج ساعتين
ورد بغيره: شدراك باسمه
حاكم باستفزاز: كنت احبلي وحده قبل
ورد بغيره: ححااكممم
حاكم: ها
ورد بغيره: انتفها وانتفك معها
حاكم: ماشفتي طولس يا قزمه
ورد: خف علينا يا الطويل
وراحت تتروش اخذتلها شور طلعت وبدت تسوي ميكب وتسوي شعرها ولبست وخلصت على الساعه 5
حاكم من تحت: يلا ياورد تاخرنا عن الصلاه
نزلت ورد وصوت كعبها رن المكان
لف عليها حاكم ويكاد يقسم تحليف يمين ان الي قدامه اميره من العصر الملكي
حاكم قرب عليها ومسك خصرها بيد وهمس باذنها:
"‏ يا آيًة في الحُسْن ليس كمِثلها
خُلُقًا وخَلْقًا في النِّساء حَسناء
البدُر أنتي ومَن سِواك كواكٌب
والغَيُث أنتي ومَن سِواك غُثاء "
ورد حمرت خدودها بس تشجعت شوي وهمست باذنه:
"وكأن جَمال الكون خلق في عينيك ، و البدر في وجهِك إكتمل ، وكأن السعادة لا تأتي إلا في إبتسامتك ،حينها وجدت سُكر مراره أيامي في رؤيتك
ومن الغبي الذي يضاهي هيبتك
وانت ترتدي ثوبك الابيض الذي مثل بياض قلبك"
حاكم ابتسم: من متى عرفنا نعطي شعر
ورد: حفظته عشانك ويلا مشينا وش يقلولون العرب عنا
حاكم ضحك: يلا بس البسي عباتس
ورد: الرجل الشرقي القيور
حاكم ضربها بخفيف على راسها: يلا قدامي
مشت ورد ولبيت عباتها طلعو ولقو الكل طالع
كانو ريجيل آل هذال قدامهم وحريم آل هذال وراهم
ورد ابتسمت من هيئه رجال آل هذال وهيبتهم بين الناس
جت وراهم وصورت هيبتهم من وراء
الميلا ابتسمت وهمست لورد: هيبتهم تخوف الواحد
ورد بابتسامه وهي تتامل حاكم: تخوف بس مز
الميلا بغمزه: منهو المز
ورد بهيام: حاكم
الميلا ضحكت: اوعدنا ياربب
ورد غمزت: مع عبدالله
الميلا ضربت ورد مع انها تكن مشاعر اعجاب لعبدالله: ما احبه
ورد: ماقلت تحبينه؛ بعدين الميلا على مين تلعبين تراي اعرفس اكثر من نفسس
الميلا: شوفي ما احبه بس احبه
ورد ضحكت: الله يشفيس
وصلو المسجد وصلو
طلعو ورجعو لبيتهم دخلو وراحو لبيوتهم يزينون اشكالهم
طلعو البنات وكانو متغطين ولقو الكل برا
بدو يسلمون ويحبون روسهم اول وحده ورد
ورد توجهت لجدهم حبت راسه ويده: كل عام وانت بخير يا هذالي
هذال ابتسم: وانتي بخير ياعين هذال هاذي عيديتس
500 ريال
ورد: كلفت على نفسك ياجد مايحتاج الشي المهم بالعيد شوفتك بخير وصحة وسلام
هذال ابتسم على تربيه ورد الي تربيه رجال صدق: ماتغلى عليس وانا جدس وهاذي 500 ثانيه
ورد حبت راسه ويده
وراحت لجدتها باست راسها ويدها: كل عام وانتي بألف خير يا احلى جده
نوير: وانتي بخير ياروح جدتس هاذي 500 ريال
ورد: والله كلفتو على نفسكم ليه 1500 والله واجد
نوير ابتسمت: مايغلون عليس وانا امس
ورد حبت راسها وراحت لعمها ابو حاكم
حبت راسه ويده: كل عام وانت بخير ياعم
ابو حاكم: وانتي بخير يا الغاليه هاذي 500 ريال واعذرينا على القصور
ورد: وش قصوره ياعم والله كلفتو على نفسكم
ابو حاكم ابتسم: ماتغلى عليس وانا عمس
ورد حبت راسه وراحت لعمها ابو عبدالله
حبت راسه ويده: كل عام وانت بخير ياعم
ابو عبدالله: وانتي بخير يا غاليه هاذي 500 ريال
ورد: والله مايحتاج
ابو عبدالله: الا يحتاج وانا عمس وهاذي ولا شي بالنسبه لغلاوتس عندي
ورد حبت راسه وراحت لابوها
حبت راسه ويده: كل عام وانت بالف بخير يازينه ايامي
ابو منصور: وانتي بخير هاذي 1000 ريال وماتغلى عليس وانا ابوس
ورد: والله واجد انا 500 تكفيني وزياده
ابو منصور: انتي لو تبين فلوس الدنيا كلها تنحط تحت يدس ياعين ابوس
ورد حبت راسه وراحت لاخوانها
ورد: مافيه حبت راس فيه كل عام وانتو بخير
اخوانها ضحكو
فيصل: انا اخوس الكبير
ورد حبت راسه: انت غير وكل عام وانت بخير
فيصل ضحك: وانتي بالف خير هاذي 500 ريال
ورد: والله مايحتاج اهم شي شوفتكم
فيصل: يحتاج ونص بعد انتي بنتي قبل تصيرين اختي
ورد ضمته
وراحت لمنصور: كل عام وانت بخير
منصور: وانتي بخير هاذي 400 باقي ميه اخذها احد مني
ورد: انت اي شي منك يجنن
منصور ضمها: وانتي كلس تجننين
ورد طلعت من حضنه وراحت لياسر: كل عام وانت بخير
ياسر: وانتي بخير هاذي 200 ريال واعذرينا على القصور
ورد: مابوه قصور لو خمسه انا راضيه
ياسر ارسل لها بوسه
ورد راحت للكاسر: كل عام وانت بخير
الكاسر: وانتي بخير هاذي 250 واسفين على القصور
ورد: والله مايحتاج شي اهم شي اشوفكم
الكاسر ضمها: لبىى يشيخ
ورد وخرت وارسلتله بوسه على الهواء
ورد راحت لحاكم: كل عام وانت بخير
حاكم: وانتي بخير هاذي 2000 واعذرينا على القصور
ورد: قسم جمعت اكثر من 6000 ماله داعي بس والله كثر خيرك مع ان مايحتاج
حاكم همس باذنها: وانا وين عيديتي
ورد همست: بالبيت مو هنا
حاكم: نشوف
وخر عنها وتنحنح
ورد بحماس: بنااتت بنرمي الطراطيييعع
البنات: يسسس يلا
اخذو البنات طراطيع و ولعوها بالنار وبدت تنفجر
والبنات يضحكون ويصورون
ورد راحت لجدها: هذالي تعال طرطع
هذال قام: ما نقول لا لورد
قام هذال ومسك طرطعان وفجره و ورد وراه تصور
طرطع هذال الطراطيع
حاكم: ابي اجرب
ورد عطت حاكم وحده ومسكتها: تعال خلنا نرميها مع بعض لان ذا اول عيد وانا معك
حاكم ابتسم وقام مسك الطرطعان بيده ويد ورد فوق يده تفجرت و ورد تصور نزلتها ستوري وكتبت(اول عيد معه🥹❤❤)
حاكم مع صوت الطراطيع الي حولهم والانوار قرب من ورد وخذاها بحضنه وهمس: هذا اول عيد وانتي معي وباسمي هذا اول عيد احس بطعمه وانتي معي ياجعل كل ايامك عيد وفرحه واحفظها من بين عينيك التي لاتنام هذا مو اول عيد لي معك انا كل يوم عيد لي كونك معي احبك ياوردت ايامي وسنيني احبك ياورده من ناي خطفت قلبي وانا مدري
احبك يا ملاك نزلي من السماء احبك ولو اعيدها مليون مره احبك
ورد ابتسمت بعشق: اعشقكك ولو ينعاد الزمن فيني ابرجع اعشقكك ولو تناسني ابرجع اذكرك فيني حبنا الي من بدايه ماكنت العب قدامك وانا صغيره الى الان جالس يكبر اكثر واكثر احبك ياحاكمي احبك ياحاكم قلبي
حاكم ضمها زياده وباس خدها
ورد: عندي خبر
حاكم: وشهو يابعدي
ورد مسكت يد حاكم وحطتها على بطنها: هنا في شي صغير بيجي وبينور حياتنا
حاكم ضمها زياده شالها وجلس يدور فيها نزلها وباسها مع شفتها
.
.
.
.
.
.
.
.
.
.
.
.
.
.
.
.
.
.
.
وبكذا تنتهي اول رواياتي باحداثها الكومديه والرومنسيه
كانت اجمل لحظاتي معكم وما انكر زعلي اني بنهي
الروايه
لكن حبيت نهايتها تكون مختلفه عن باقي الروايات
اتمنى عجبتكم روايتي باحداثها بكل تفصيله فيها
واسفه اذا خذلت احد او زعلت احد عشان بنهي الروايه وحابه اقولكم اني حبيتكم من كل قلبي
حسيتكم عائلتي قبل قارئين روايتي
وبآخر نصوصي بهاذي الروايه
الي كانت اجمل لحظاتي فيها، تشجيعكم لي واصراركم اني اكلمها حسسني بشعور ما اقدر اوصف
واتمنى من كل قلبي انكم تسامحوني اذا زعلتكم او خذلتكم
احبكم وبشتاق لكم مررره كثيير انا بقطع عن واتباد فتره راحه تعبتر طويله شوي
احبكم مررره ومن كل قلبي حابه اقول اني اعشقكم
اعشقكم احبكم وبشتاق لكم مرررره وبحفظ الرحمان مع السلامه وكل عام وانتم بألف خير وصحة وسلام 🥹❤❤❤❤