نار المكثــِم

2

__ نار المكثــــم ...

__ بِ انامـــــل : رواســــي الــ حَمــد ..

_____بــســَم اللـه الــرحــمــن الــرحــيــم

...

جرني من ايدَي يعت بيه عَت .. حاولت بكُل قوتي اقاومة بس ماكدرت.. بُنيته الجسدية قوية ..

تحت انظار عمي محمد وولدة واخوية شمرني عالكاع .. انطك راسي بالحَايط حيل صار صوت وشة بأذني من قوة الضربة ..

حسيت بأيدة الصلبة على جتفي وبكُل مكان بجسمي ووجهي .. صار الضرب اقوى واقوى

ضربني راشدي ولزمني من فالينتي ..

جر الحزام وسفطه على وجهي .. عطت بصوت عالي والضربة مال الحزام جرحت خدي بالحديدة مالته ..

ديضربني مرة ثانية بالحزام وصارت على جتفة ايد ابوية ..

عَــلي :- كافيي مَحــمد استهدي بالرحمْن كول يا الله على كيفك عوفة اني اربي عوفة..

ابتعد عني عمي .. باوعت على ابوية وابتسمت بأستهزاء ..

::- هوَ هذا الــ الله كدرك عليــه ؟
تشوف ابنَك ينضــرُب كدِامك وتِسكت؟
هم تنحسب عالابَاء انتتتتتَ !!

مَحــمد :- مُكــثِــمممم احترمممممم لا اجي العبب الحزامم على ظهرككك

عَــلي :- كافي عوفة هذا الاذبسز امشوا

راقبتهم وهمَ يطلعون من الاستقبال بكُل برود متجهين للغرفة الثانية .. حركت عيوني ناحية ابن عَمي ســَاهر .. يباوعلي بقهر ويستغفر .. طلع وسد الباب

______________________________________

مشيت بهدوء وفتحت الباب واذا بية انصدم بهالمنظر الشفته..

عجز لساني عن الوصف
اول مرة اشوف هيج شيء
ابوية جان الصوت العالي ميسمعنا ياه
وهسه ششفت اني .... !

تقدمت ناحيته واني اشوف وجهة ذبلان وعركان .. على خده جرح .. خشمه ينزف وحلكة ... شعرة متبهذل .. ملابسة متمزقة .. مريح جسمه على الكاع وراسة على الحايط ..

وكفت يمه والدموع مالية عيوني .. نزلت نفسي على الكاع واتربعت .. يجر النفس بقوة كأنهُ جان ديركض ..