من لما طلع مشاري وهي ساكته وتفكر بحزن لو ابوها عرف ايش بيصير له او ولو ولو هاذا الي تفكر فيه تماماً، قطع افكارها ب ابتسامه: ترا مايليق عليك الحزن ابتسمِ! ناضرته وهي تبتسم وهو ضحك وهو يقول: هاه اكتمل يومنا! ضحكت بخجل منه بعمرها ماتوقعت انه فهد يكون يراعيها رغم انه متزوجها بس عشان يغيض امها لانها خانته وتركته وهي كمان نفسه،،
كان يسوق السياره وعلئ وجهه حزن كبير كيف بيقول ل ابوه كيف بنتك هربت ومتزوجه من عشيق اميره اكيد بيصير له شي وقف السياره وهو ينزل ويضرب السياره بقهر وكره حس بكمية الاختناق بصدره فك زرار قميصه وهو يرميه علئ الارض جلس واستند علئ السياره وهو متضايق بهاذي اللحضه تمنئ لو اخته ماتت بس ماتتزوج تمنئ حاجات كثيره لها من شر، هز راسه وهو يقول: استغفرالله ياربي!، رفع راسه لفوق لما حس بقطرات تنزل عليه همس بهدواء: مطر! بداء المطر يزيد وهو للحين بمكانه ماقدر يتحرك بعد دقائق وقف وركب السياره بداء يسوق بس بنص طريقه وقفت قدامه بنت كانت ملابسها مقطعه وشعرها محيوس والدموع علئ وجها فتح النافذه ب استغراب،،
فتح النافذه ب استغراب بس قبل مايتكلم تكلمت البنت ببكئ: تكفئ انا مالي غيرك تكفئ!، استغرب بس طبعاً ماراح يترك بنت بهاالمكان ولا كمان ب الليل تكلم بهدواء: اركبي انتِ بحمايتي! ركبت البنت وهو بداء يسوق، وقف قدام بيتهم وهو يحاول يصد عنها رغم انها مغطيه نفسها ب الشال: انزلي وتطمني هنا اهلي ومستحيل يسوون لك شي!، نزلت البنت بعد ماهو نزل رن الجرس وثواني فتح له ابوه نايف الباب وهو يقول: لقيت اختك...! وقف كلامه لما شاف بنت معه وناضر مشاري بنص عين وحده: هاذي مين!، تنهد مشاري وهو يدخل وتدخل البنت وراه التفت ل ابوه: بعدين تعرف يبه التفت ل امه: يمه هاذي البنت اخذيها هاذي الحين ضيفتنا! امينه: من عيوني تعالي يحبيبتي!،،
كانت جالسه وتراسل صديقاتها وهي تضحك بصوت عالي دخل ابوها: مسك خلص صوتك واصل ل الضيف!، مسك ب استغراب: مين الضيف؟؟ ابو مسك ب ابتسامه: واحد خاطبك!، شهقت مسك: وهو وش سمع عني حتئ يخطبني غبي عشان يتزوج وحده مثلي!، ام مسك بمزح: هاذا الي اقوله بس لازم كل بنت تتزوج!، حطت مسك رجل علئ رجل وبغرور: ومين عريس الغفله! ابو مسك: سيف نايف السيف! فتحت عيونها مسك بصدمه: اخو صديقتي! ام مسك ب استغراب: مين صديقتك!، مسك: اسيل نايف السيف! ام مسك: اها البنت الي قلتيلي عنها! زين علئ الاقل مو واحد كذا! ابو مسك: بس ابوه ماجا ويقول بكرا بيجو ويخطبو رسمي! شهقت ام مسك: بس حنا ماجهزنا، ابو مسك: يالله الحين جهزو عادي!، صرخت ام مسك: ميري سالي تعالو نضفو بسرعهههه!،
اليوم الثاني:، صحت وانصدمت وهي تشوف فهد محاوط خصرها غمضت عيونها صح انهم ينامون بنفس السرير بس ماقربو لبعض ابد، تكلمت بصوت هادي: فهد! فهد بنوم: همم! اسيل بهدواء: بروح اتوضئ عشان اصلي ممكن تبعد عني؟ بعد فهد عنها وهو يفرك عيونه: ليش اذن! مسكت الجوال اسيل وهي تشوف الساعه: شوي ويأذن الضهر بصلي الفجر بسرعه! وقف فهد: اجل انا بتوضئ ب الحمام الخارجي! هزت اسيل راسها ك اجابه،،،
ناضر ولده سيف: طيب ليه اعطيته خبر! سيف بهدواء: عشان يسوون تجهيزاتهم! نايف بهدواء: واختك اسيل ي الاخ!!، مشاري: احم يبه هاذا الموضوع نسيت اقولك عليه! فز قلب نايف: ليش لقيت اختك! مشاري بنفسه"اجل لو تعرف كان فز قلبك كذا اههخ الله يسامحك يا اسيل": بصراحه يبه امس لما جاني اتصال كانت عندنا با السعوديه ومستأجره شقه وجالسه بها بس لما رحت لها عرفت انها..! سكت مشاري وهو مو عارف كيف يقوله هالشي مو قادر ابداً تكلم نايف وهو معقد حواجبه: انها ايش كمل! تنهد مشاري: انها متزوجه! شهقت امينه ورنا بصدمه وحس نايف بنار تحرق قلبه وسالم كان ساكت وهادي جداً ناضر سيف سالم بهدواء وهو مستغرب منه وهو واثق ان سالم له يد ب الموضوع، وقف نايف بعصبيه: انا وين اودي نفسي واحد جايب بنت ماينعرف اصلها وفصلها والثاني خاطب بدون مايقولي والخانم هاربه ومتزوجه!! حسبي الله بس حسبي الله! وقف مشاري: يبه اهداء تكفئ! سالم ببرود: يبه ترا الرجال الي متزوجته ابن عيله! عقد مشاري حواجبه: وانت وش عرفك انا ماقلت ل احد! سالم حك راسه بغباء: انا الي كنت ولي امرها بزواجها! سهام الي كانت تشرب القهوه غصت وهي تضحك عليه ومشاري الي انصدم منه وسيف الي حبس ضحكته ونايف ناضره بحده ومسك راسه وهو يجلس امينه ناضرته بهدواء: اههخ منك!، نايف: اههخ منه وبس انا الحين ايش اسوي قوليلي من ولدك ذا الي خرب كل شي! ايش اقول ل اهلي اقولهم والله سافرت وجابت لي عريس غفله قوليلي ايش اسوي!! امينه بتفكير: اسمع انت نادهم كلهم اعزمهم بكرا او كلمهم اليوم بخطبة سيف انه اليوم بنخطب له وبكرا انت عازمهم بس قبلها روح ل اسيل وشوف عريس الغفله وقول ل اهلك انك انت زوجة بنتك واحد من عيلة فلان وبس وتنتهي السالفه!
"يتبع"!
