يوم الجمعه عادةً في اي حوش ليبي تلقي الام اطيب في الغدى و بنياتها يحوسن معاها ،الحمام متعاركين عليه من يخش الاول اي بمعنى دعاك عليه لضيق الوقت لأن الصلاة قريب أتقيم .
ولاكن حوشنا غير و الام غير و الاب غير و العيال غير ،لما يكون المنزل الاساسي متشتت و قعد فروع اي انه بالتالي حيكون يلي فيه مشتت ؛وللأسف الطرف الوحيد المشتت فيه هوا الساعدي .
: "ساعدي يا ساعدي ...تي نوض يا راجل
الساعدي: حط يده علي وجهه يغطي بيها عيونه عن الضي ...يارا خطاني
كر منه البطانيه :
"تي نوض يارا الزح بتفوت عليك الصلاة
تقاعد يمسح في وجه بتنرفيز،رفع راسه لقاه مزال مصبي يبحت فيه
"خلااص فهمنى يا محمد انه وقت علي الصلاة ،عارف انه في ربِّ لأنه مش ربك بروحك
رفع محمد حاجبه بأستفزاز :
"كنك عارفه راهو مش مدمدر لاتوا
جبد الساعدي مخدت الصالون عزقها فيه :
"يارا اقلب فسختك
طلع محمد وسكر الباب متاع المربوعة
فتح العطر يبخ منه ...'تك' صوت فتح الباب ،التفت يشوف بعدين وجه اهتمامه بعطره حسه انه يستاهل اكثر
:"نعيماً ،هيا خوتك يراجو فيك
حط العطر على الرف،الساعدي:
"ينعم عليك؛طالع
حط تلفونه و الشحن في جيبه وطلع
مسك كتفه يجبد فيه جيهته:
"مروح
ركز الساعدي في عيون باته :
"أكيد ،
شاف الكسره في عيون باته ولاكن مهتمش ؛وخر طلع وسيبه
أصعب شي لما يكون الانسان بين نارين
_____________
________________
الساعدي : توا كان ولعنا اغاني حرام
ولا؟
التفت يشوف في الطريق وهوا يكلم في روحه؛لف الدومان يمين و كمل يقلب في تلفونه
...عارفهم القسم بالله نفتح الباب و نخش تلاقيني بالهزايب ،هذا حالي أنا
درس سيارته و نزل يتأكد انه ما نساش شي في حوش باته لانه ما عنداش جو يرد ولا يكلم واحد من خوته يجيبهن له .
:"السلام عليكم
:و عليكم السلام ...وين هذا كله يا باشه ؟!
طلعة امه من المطبخ و في يدها كاشيك لوح
بحت في الكاشيك بعدها في امه :
"في الجامع
:"كان قعدت و صليت العصر مره وحده
قرب منها و مسك راسها يبوس فيه :
"قسماً بالله يا غالية اني كنت في الجامع
دفاته بشويه :"اضحك عليا اضحك بغاليه و مغليه
انفتح باب الحمام وطلعة منه اخته :"
لالا مطبوخه هههههه😂
بحتت فيها امها بجمود :"هفتي روحك يا خفيفة الدم
الساعدي:"أنا لاتوا مش فاهم نضحك ولا شن ؟
قربت و ضربة كتفه بالمنشف :
"هلا والله بانديتي
فك منها المنشف و خنقها بيه
:"بانديتك في عينك يا حوله
أمه سُميه :"ووك تو تقتل أختك حول هك
فكاته من رقبتها و دفاته :"عازني ماهو انا ،زايدين عليا عويلتي
طلعتله لسانها :"نانانا موتن قهر
فنصة فيها سُميه:"سجى خاطي خوك
بحة فيها زيين :"خليها خليها ،معروفه الدنيا دواره
جاته تجري تحضن فيه :"تربح باندا خلاص انبصر
،بعدين انهون عليه و انا هذينا اخرلي أيام معاكم
طرمت شواربها لعلى و عسى يسامحها خوها المرابط
دف وجها بقوه :"تي حولي و انتِ شلفتك دقول ضانيتك ناقه
أنت تقرأ
PANDA || الباندا
Romanceروايه ليبيه للكاتبه gamb _crumbs الباندا ...اول ما قريتي الاسم شن جاء في بالك متأكده دبدوب باندا كيوت ، لا و لا و ألف لا ،باندتنا لا يمد للطافه بصله ،اي بمعنى هوا باندا ولاكن الدب مش الدبدوب
