ف الصعيد في بيت العمده بالتحديد
تليفون سليمان بيرن
الشخص: لو عايز تعرف مكان قمر تعالي علي العنوان دا ومتجبش سيره لحد عشان متتاذيش
سليمان: انت بتقول اي تعرف مكان قمر كيف وهي فين
الشخص: ملكش دعوه هتيجي تشوف بنفسك
تعالي بكره الساعه 10 ف...........
سليمان: هكون عنديكم قبل الميعاد
الشخص: تمام سلام
قفل الراجل الخط وفضل سليمان يفكر هل قمر هناك فعلا ولا لا
سليمان: يا ولد انت يا ولد
الغفير: نعم يا سليمان بيه
سليمان: قول للسواق يعمل حسابه اننا هنزل مصر انهارده بليل
الغفير: تؤمر يا بيه
مشي الغفير وطلع سليمان اوضته في الدوار بتاع العمده
نروح عند باسل بقا
باسل فضل ماشي بالعربيه مش عارفه يروح فين
فجاه تليفونه رن وكان رامز
باسل: الو يا رامز
رامز: الو يا صحبي انت فين
باسل: انا سايق العربيه وبلف ومش عارفه رايح فين مخنوق اووي
رامز: طب انا جايلك روح علي الكافيه اللي بنتقابل فيه
باسل: ماشي متتاخرش هستناك هناك
رامز: مسافه السكه يصحبي سلام
باسل: سلام يصحبي
باسل ف نفسه: انا لو قضيت عمري كله اشكر ف رامز مش هيوافيه والله ربنا ميحرمنا من بعض وكمل سواقه
رامز خد شاور ولبس وخرج من اوضته
نتعرف علي اسره رامز البسيطه
علي الرشيدي: والد رامز و موظف ف احدي شركات الدمنهوري امين جدا وذو اخلاق حميده وحسن السمعه
اماني: والده رامز ست بيت طيبه جدا وبشوشه مثل زوجها
اماني: رايح فين يحبيبي مش هتتعشي
رامز: معلش يحببتي عندي مشوار ضروري هقابل باسل
اماني: طب يحبيبي كل اي حاجه طيب
علي: سيبيه يا اماني يمكن صاحبه محتاجه روح يبني وخلي بالك من صاحبك
رامز بابتسامه: حاضر يحبيبي مع السلامه
علي واماني: سلام يبني
خرج رامز وساق عربيته اللي جايبها من مرتبه
باسل وصل الكافيه ودخل يستني رامز
الجرسون: اهلا بحضرتك يا باسل باشا
باسل: ازيك يا خالد عامل اي
خالد: الحمد لله يا باشا بخير نورت مكانك
باسل: شكرا يا خالد لو سمحت هاتلي قهوه مظبوطه لعند لما رامز يجي
خالد: حالا يا باشا
راح خالد يجيب القهوه وباسل مسك فونه وقعد يقلب في الصور ويبص لصور قمر اللي صورهالها وهي مش واخده بالها وابتسم علي شكلها وحركاتها الطفوليه
رامز: احم اي يعم سرحان في اي
باسل: دايما كدا بتيجي ف اوقات غلط
رامز: ههههههه قصدك الاوقات المهمه وغمز
باسل: هههههه مش هتبطل حركاتك دي
رامز: عيب عليك انا رامز المهم اي اللي مضايقك كدا
باسل: مش عارف والله ابدا منين
رامز: سامعك وفاهمك يحبيبي احكي
حكي باسل كل اللي حصل من اول ما اتصل علي الشخص اللي اتصل علي قمر لعند اللي حصل ف البيت
رامز: قولتلك من الاول شيري مش ساهله وهتحاول تعمل اي حاجه لو فكرت ان اي حد هيحاول ياخدك منها
باسل: الا قمر يا رامز دا انا اوديها ف داهيه
رامز: انت حبيتها يصحبي صح
باسل لسه هيتكلم و....
