في خفوقي غد ذاك الفرس

أنت البدايات و آخر ساحل و ميناء

اول يوم رمضان

نزلت ريم المطبخ بعد صلاة الظهر عشان تسوي تشيز كيك حال الفطور كان البيت هادي كل حد كان في غرفتة

دخلت المطبخ وبدت تطلع الاغراض اللي تحتاجها عشان تسويها وبدت طبقة طبقه اللين ما خلصت لما قربت تخلص دخلت مها عندها

مها :ويش تسوي؟

ريم :تشيز كيك

مها:الله عاد ريمي التشيز كيك مالش لذيذذذذذ

ريم :شكرا شكرا ياخي

ريم:صح مهوي ذاك اليوم بغيت اسئلش بس نسيت كيف كان تجمع بيت جدش؟

مها :اخيه ريم لا تذكريني قسم بالله لوعانننن جاني اوين تخيلي شافتني وحده من عماتي وقالت ليش ما تاكلي انتيه شوفي كيف غاديه اوووووف كيف تنرفزت الحمدلله انه وليد كان هناك ومسكني ولا كانت قحمت فوقها وكفختهاااا

ريم :بموت مهوي عاد انتيه تدوريها من الله ضرابه

مها :يعني

ريم :انزين مو بعد

مها :بس

ريم :لا ما بس حبيبتي انا اعرفش واعرف النظره يوم تكوني متضايقه من شي ويوم مرينا عليش من عندهم لما كنتي طالعه كنتي زعلانه

مها :لا وين ما فيني شي

ريم :قسم بالله لو ما قلتي اخبر حمدان

في ذي اللحظات كانو حمدان وعبدالله راجعين من السوبر ماركت مع الجده عشان يتقضو حال رمضان

وقف حمدان عند الباب لما سمع اسمه

مها :لا لا والله تمام بقولش

مها :الله يسلمش تعرفي معتز ولد عمي صح ؟

ريم :هيوا

مها:انزين كانت عمي ومعتز جالسين و زوجته قالت ها مها كيف محد خطب عندكم ما عندكم عرس قريب ؟الله يسلمش انا قلت لها عنكم وعن عبدالله تخلي ويش قال معتز اوين هذا عبدالله ما اخو حمدان قلت ايوا انزين قال عمي هوه اللي يبغاش صح خساره نحنا كنا باغينش حال معتز عاد اوف لو تشوفي كيف وليد كان شويه ويصفع عمي ومعتززززز طرت انا قسم بالله

بعدين اوين جدي قال البنت لولد عمها معتز اولا بيش من ولد خالش قال وليد لاكن ترا الشور شورها في النهايه تراه هيه اللي بتتزوج ما حد منا يعني معتز ولا حمدان هذا قرارها

حمدان مكمل يسمع كل ذا الكلام وكان شويه يدرعم المطبخ ويتنازع ويصرخ

مها تكمل: انزين انا قلت ايوا تخلي وحده من بنات عمتي التستس قالت يعني مثلا لو خيروك بينهم من تختاري

قال حالها وليد مالش خص بالله كم وصل عمرش ؟ما تبغي تتزوجي انتيه من بدل جالسه كذاك علي بنات الناس؟

ريم :اوف وليد يطلع

مها :والله حقيقي ما توقت ابدااااا انزين اكمل انا في داخلي طول الجلسه اقول لو انك يا حمدان خطبت وفكيتني من ذي الازمه

حمدان :اوف فديتهااا

عبدالله من وراه : انته يعني حقيقي لو تخطبها البنت لوعتوبنا

ريم :هيوا حقيقي والله ذا الحمدان مشكلههه يعني تو انتيه منتقل من صلاله اللين مسقط عشان تخطب البنت وجالس على راسنا و احبها وبتزوجها

عبدالله حال حمدان :شوف والله خطيبتي نفس تفكري انا اللي جعلني فداهااا

حمدان :زول عني

الجده من وراهم :انتو مو تسو ؟

انتزقو عبدالله وحمدان طاحو همه مع الاشياء اللي ماسكينها

ريم ومها داخل المطبخ :بسم الله ويش صار ؟

ريم شافت عبدالله وحمدان طايحين فوق بعض

الجده :وابوي عليكم وابوي جالسين تسمعو سوالف البنات

ريم راحت تساعد عبدالله وكمان وترفع معهم الاشياء

مها :ماشاء الله وتتسمع بعد

ريم :شوفي مهوي انا راي نسحب عليهم مع بعض وندور ناس احسن

ركض عبدالله اللين عندها وسحبها في حضنه وقال: والله لو اموت ما تروحي عند غيري

ريم :بسم الله عليك

مها : اوافق جدا الصراحه

الجده :لا والله بتخلو احسن ولادي وتاخذو غيرهم ؟

ريم :ويش صار احيد انش تحبي سلطان اكثر شي ويش صار ؟

الجده :لا سلطان غير بس بعده ما اغلا من الولد غير ولده وكلهم ولاد اولادي

مها :اقولش كذا ولا كذا نحنا محد يحبنا ماتفرق معهم

حمدان :على كيفش محد يحبش

عبدالله :هيوا مو عبالش قسم بالله ذا حتى وهوه نايم يقول مها مها

حمرت خدود مها

الجده :يلا يلا عاد شفت نفسك عاد

حمدان :يحق لي الصراحه شوفي من الي تحبني

ريم :تراك ما تستاهلها

حمدان :اوف قويه

-------------------------------------------