Avoiding the Devil's Desire [BL]

Chapter 8

obssessive

CERVIUS HAVOC'S POV

Seriously, what changed? I don't know. But I feel like something changed within me. Or could it be the people around me? Or maybe, it has always been this way before but I just failed to notice it since I was too preoccupied to make my family proud.

Holding close to me my kit, the team started the mountain journey when the rain started pouring heavily. Damn, just our luck.

Tiningnan ko si kuya Hakob kasama ang mga sundalo at personal niyang securities, lahat sila busy sa kakabigay ng instructions para sa kasama namin. My team is right behind me, napansin ko rin na medyo nilalamig na sila dahil panigurado hindi sila sanay sa ganitong climate. Kung malamig na sa Baryo Luningning, mas malamig ang Baryo Luwal dahil nasa bundok na ito.

"Mag-ingat po kayo sa paglalakad senyorito dahil medyo may kakapalan na ang putik." Kaagad na umalalay sa akin si Baste, may katandaan na ito pero mas halata naman sa pangangatawan niya na mas sanay siya sa ganito katinding lamig. Kagaya ng mga tauhan ni kuya ay kinakaya nila ang lamig para sa amin na medyo may kahinaan pagdating sa ganitong aktibidad.

Isa ito sa mga rason kung bakit hindi masiyadong nakakababa ang mga taga Luwal dahil mahirap ang daan nila. Napaisip ako na baka sa susunod ay tulay o daan naman ang ipagawa ko dito para mas mapadali ang buhay nila.

"How are you holding up? Here, wear my coat." Tinanggal ni kuya Hakob ang suot niyang coat at pinasuot sa akin.

"I'm fine, ang team ko ang unahin mo, please. They're not used to this kind of weather, baka may mahimatay pa. I don't want any more trouble." Ang sabi ko sa kaniya. Hinagod niya ang mga balikat ko para mainitan ako. Umalis din kaagad si kuya at tinulungan na sa pagbubuhat ng medical equipments na dala namin.

Habang mas tumatagal ay mas lumalakas ang ulan, ang sabi ay kung hindi kami maka-abot sa tamang pagkakataon ay baka tumaas ang tubig ng ilog na kailangan pa naming tawirin.

Kagat-labi akong nakasunod kay Valerie na kanina pa nadadapa dahil sa putik, pero wala akong naririnig sa kaniya maliban ang tawa niya. She was busy filming herself, not minding the mud and the heavy weather.

Halos hindi ko na makita ang daan dahil sa lakas ng ulan pero patuloy pa rin ang paglalakad. If they're not complaining, then who am I to complain?

"Bababa na tayo sa tubig! Ang hindi marunong lumangoy ay kumapit sa mga marunong. Kapag nasa tubig na ay iwasan ang maglikot para mas mapadali. Halos nasa sampung metro ang lalakarin para matawid ang kabila ng ilog!"

Napatingin ako sa ilog, mahina pa ang agos ng tubig at nakikita ko ang mga bato dito. Alam kong kaya lang namin lakarin ito pero may mga parte na lulubog ang katawan mo kaya ang mga katulad ko na balingkitan lang ay kailangan humawak sa mas malalaki ang bulas.

Tag-iisang team kaming inalalayan at pinapasulong sa tubig. Nauna ang team ni Kuya Hakob, sumunod naman ang team ni Valerie at panghuli kami. Ang mga sundalo na kasama namin ay naghahawakan sa bawat-isa at ginagawa ang sarili nila para maging isang hawakan ng tulay.

"Go Cerv! I know you can do it!" Tumalon-talon si Atasha habang pinapanood akong sumulong sa tubig.

Unbeknownst to the knowledge of everybody, I have a fear of water bodies just like this one. It came to me as I was born with this kind of trauma. Simula pagkabata ay matakutin na talaga ako sa mga ganitong tubig.

"Humawak lang po kayo sa mga kamay namin, senyorito. Magtiwala po kayo sa sarili niyo. Kaya niyo 'yan." Napatingin ako sa isa sa mga tauhan ni Baste. Nakangiti ito sa akin at pinapakalma ang nanginginig kong kamay.